Réttur - 01.01.1966, Side 29

R K T T U R
29
sjálfstæði á öndverðri 20. öld fylkti meiri hluti þjóðarinnar sér
undir hin gömlu herkumbl Jóns Sigurðssonar, þar sem letruð voru
vígorð hins sögulega réttar. Þá kom í ljós, að stjórnmálakenning
hans var lykillinn að íslenzku fullveldi.
Sverrir Kristjánsson.
Hrísgrjónastrið.
„New York Times“ segir frá því 21. des. 1965, að bandarískar
flugvélar ausi að staðaldri eiturefnum yfir hrísgrjónaekrur í Suður-
Vietnam. Voru þessir „boðberar lýðræðisins“ búnir að eyðileggja
um 20.000 til 30.000 hektara, þegar hið bandaríska blað birti frétt-
ina.
V.issir auðmenn í Bandaríkjunum hafa áhuga fyrir þessum „að-
gerðum“, sem eiga sem sé að „frelsa fólkið í Vietnam“ eftir orðum
Bandaríkjaforseta. Suður-Vietnam hefur verið eitt helzta hrísútflutn-
ingsland Asíu til skamms tíma.
En sakir þessara aðgerða Bandarikjahers varð Suður-Vietnam
að flytja inn 200.000 smálestir af hrísgrjónum frá Bandaríkjunum á
árinu 1965. Á þrem mánuðum, — júlí, ágúst og september, — fengu
bandarískir hrisgrjónaútflytjendur 41 milljón dollara fyrir hrís-
grjónaútflutning sinn.
Um miðjan desember tilkynnti „Wall Street Journal“, hið kunna
fjármálablað, eftirfarandi: „Bandaríkin flytja nú út % hluta hrís-
grjónaframleiðslu sinnar. Ríkisstjórnin hefur fyrir skömmu leyft
hrísgrjónaframleiðendum að auka hrísgrjónaekrurnar.“ (Annars eru
landbúnaðarframleiðendur í Bandaríkjunum skyldaðir til þess að
draga úr framleiðslu sinni, með því að láta ræktað land ónotað,
meðan heimurinn sveltur).
„Wall Street Journal" kemst að þeirri niðurstöðu að árásarstríðið
í Vietnam hjálpi Bandaríkjunum til að verða „mesti hrísgrjóna-
útflytjandi heimsins“. — V.issulega: tilgangurinn helgar meðalið!