Réttur - 01.01.1971, Page 41

runnin viðhorf stalínstímabilsins og kalda-
stríðsins. Hann ætti því að vera opnari fyrir
nýjum og djörfum skilgreiningum og starfs-
aðferðum. (Þó er sú hætta yfirvofandi, að
endurmótun hreyfingarinnar leiði aðeins til
hentistefnu og aðlögunar að kapítalískum
þjóðfélagsháttum, en þó er enn of snemmt að
segja, hvor tilhneigingin verður sterkari).
Þjóðmálabaráttan kallar á einhuga sósíal-
íska baráttu. Asókn erlendra auðhringja og
efnahagsbandalagapólitíkin krefjast einbeittr-
ar baráttu, þar sem sósíalistar hljóta að hafa
forystuhlutverkið með höndum.
Þessi orð mín mega alls ekki skiljast á
þann veg, að ég telji að um algeran samruna
nýju vinstrihreyfingarinnar og eldri hreyfinga
sósíalista geti orðið að ræða. Sjónarmið þess-
ara tveggja hreyfinga eru svo ólík að sam-
runi kemur alls ekki til greina. Andófshreyf-
ingin gerir róttækari og óbilgjarnari skil við
allt lífsform kapitalísks þjóðfélags en sósíal-
istar hafa áður gert. Það sem til umræðu er,
er alls ekki samruni þessara tveggja hreyf-
inga, sem upprunnar eru á sitt hvorum tíma
og við ólíkar aðstæður, heldur einhvers kon-
ar samvinnu.
Þau atriði sem áður eru talin benda ásamt
fleirum til þess, að hér á landi þarf ekki að
koma upp klofningur milli nemendahreyf-
ingarinnar og verkalýðshreyfingarinnar, en
ekki er þar með sagt, að til slíks klofnings
geti ekki komið. Taki íslenzkir sósíalistar
þessi vandamál ekki til gaumgæfilegrar at-
hugunar, er hætt við að illa fari.
Róttækir námsmenn skipuleggja sig óðum
sjálfstætt. Sú hreyfing mun eflast að miklum
rnun á næstunni, og brátt kemur að því að
námsmenn hefji sjálfstæð þjóðmálaafskipti.
Þá er hætt við að fyrir augum þeirra finni
borgaralegir stjórnmálaflokkar litla náð,
einnig þess háttar stjórnmálaflokkar, sem
kenna sig við sósíalisma, en starfa algerlega
innan þess ramma sem borgaralegt þingræði
setur. A Islandi er jarðvegur fyrir sósíalíska
baráttu, ekki aðeins á meðal námsmanna,
heldur alþýðu allrar, því að vandamál ís-
lenzks þjóðfélags verða ekki leyst nema með
sósíalískum úrræðum. A næstu árum og ára-
mgum verður sósíalísk barátta háð á Islandi,
og það verður affarsælast öllum aðilum að
sú barátta verði háð með sem mest samstiga
átaki allra þeirra aðila, sem þar geta lagt
eitthvert lið. Samstaða sósíalískra afla er ein
höfuðforsenda þess, að unnt verði að koll-
varpa borgaralegum þjóðfélagsháttum á Is-
landi.
41