Réttur - 01.01.1971, Blaðsíða 17

SOFFIA GUÐMUNDSDOTTIR
„KONAN
OG FRAMTÍÐIN”
Bók sú, sem hér verður stuttlega getið,
nefnist á frummálinu „Demain les femmes’'
og kom út árið 1965 í París. Dönsk þýðing,
ber heitið „Kvinden og fremtiden" kom út
árið 1969 hjá forlaginu Gyldendal.
Höfundur bókar þessarár heitir Evelyne
Sullerot (f. 1924). Hún stundaði nám í bók-
menntum, sögu og félagsfræði og lauk há-
skólaprófum í þeim greinum. Hún er gift og
fjögurra barna móðir.
Evelyne Sullerot er gædd óvenjulegri at-
orkusemi og fjölhæfni til starfa. Hún hefur
stundað menntaskóla- og háskólakennslu,
lagt stund á blaðamennsku ásamt öðrum rit-
störfum, en eftir hana liggja nokkrar bækur
um söguleg og þjóðfélagsleg viðfangsefni.
Bók hennar „Demain les femmes" er mik-
ilsvert framlag til þeirrar umræðu og þess
endurmats, sem á sér stað varðandi stöðu
og starfssvið kvennanna í heimi nútímans.
Framsetning öll er hófstillt og fáguð, en
engu að síður skýr og markviss. Bókin skiptist
í þrjá meginhluta, og í þeim fyrsta ræðir
höfundur um fjölskylduna, svið einkamála,
hjúskap og móðerni, framfarir í líffræði og
17