Réttur - 01.10.1971, Blaðsíða 2

lýtur forustu Sjálfstæðisflokksins og einkum Morgunblaðsliðsins, með al-
gerri ringulreið I öllum viðbrögðum sínum. Þar ægir saman lýðskrumskenndu
yfirboði og afturhaldssömu nöldri, en mest áberandi er þó hið algera ábyrgð-
arleysi hjá borgarastétt, sem á þó enn að heita yfirstétt í landinu. Það mun
vart þekkjast í allri auðvalds-Evrópu atvinnurekendastétt, sem í senn heimt-
ar hækkað verð á öllum vörum og þjónustu og óskapaot svo í sama mund
út af ógnum verðbólgunnar fyrir atvinnulífið. Það er tvennt, sem hér er að
verki: Annarsvegar er stór hluti borgarastéttarinnar ábyrgðarlaus gagnvart
atvinnulífinu, af því hann á ekki sjálfur féð, sem hann hefur í rekstrinum, —
og vill beinlínis láta þetta fé, sem hann hefur að láni frá ríkisbönkum og
verklýðssamtökum, falla í gildi í krafti verðbólgu. Og hinsvegar verður for-
ysta Sjálfstæðisflokksins, — ef forustu skyldi kalla, — í vaxandi mæli
óábyrgir valdastreitumenn, sem eru að slitna úr þeim tengslum við íslenzkt
atvinnulíf, sem eitt sinn einkenndi flokkinn. Áróður Morgunblaðs þeirra sýnir
bezt að tengsl við erlendan innrásarher og draumur um erlent auðmagn
stendur hjarta þeirra nær en ísland og atvinnuvegir þess.
Þetta ábyrgðarleysi svokallaðrar yfirstéttar gerir það að verkum að ábyrgð
alþýðu á atvinnulífinu og þjóðfélaginu í heild, ábyrgðin á öryggi þess og
skipulagi öllu, verður því meiri, — ekki sízt þegar hún hefur aðstöðu til
mikilla áhrifa á ríkisstjórn. Samtök verkamanna, starfsmanna og bænda
þurfa vel að athuga að það getur fyrr en varir orðið algerlega á þeirra
ábyrgð að ráða þróun þjóðfélagsins. Það verður að eyða tortryggni og af-
brýðissemi innan þessara samtaka, launahækkanir og launahæð eru ekki
bara einskonar ,,stöðutákn“ (,,status-symbol“) og víxlhækkanir ekki varan-
legar umbætur, — heldur ríður á að bæta raunverulega hag þessara vinn-
andi stétta allra á kostnað auðvalds innan lands og utan og á kostnað ring-
ulreiðar, glundroða og óhófsbákns í atvinnulífi og yfirbyggingu þjóðfélagsins.
Sjálfstjórn verkalýðs og allra vinnandi stétta á eigin atvinnulífi er það, sem
þær þurfa að búa sig undir einmitt nú.
★
Hlutverk ,,Réttar“ er að hjálpa til að efla þann þroska alþýðu, þekkingu og
víðsýni, sem hún þarf að öðlast til þess að stjórna þjóðfélaginu sjálf. Einn
þáttur þess víðsýnis er að horfa um heima alla, hvar sem alþýða berst fyrir
lífi sínu og rétti, ,,kenna til í stormum sinnar tíðar," og finna að sú barátta
er einnig vor. I þessu hefti er því mikið fjallað um þá, sem berjast gegn yfir-
drottnun amerísks auðvalds eins og við. — ,,Réttur“ á því erindi til allrar
alþýðu, allra hugsandi manna. Hann treystir á velunnara sína að útbreiða
hann nú meir og betur en nokkru sinni fyrr. Þetta hefti var síðbúið sökum
prentaraverkfalls, en 1. og 2. hefti 1972 fylgja fljótt á eftir þessu.
Janúar 1972.