Réttur - 01.10.1971, Síða 42

INNLEND SSB
VÍÐSJÁ ■Is 1
SAMNINGAR
Samningar tókust milli fulltrúa AlþýSu-
sambands Islands og atvinnurekenda 4. des-
ember. Hafði samningaþóf þá staðið lengi yfir
og verkfallsboðun verkalýðsfélaganna hefði
tekið gildi 5. desember hefðu samningar
ekki tekizt. Atvinnurekendur voru tregir til
samninga allan tímann, eða þar til sýnt var
að ríkisstjórnin mundi ekki sýna þeim neina
linkind heldur hafði hún lagt áherzlu á
nauðsyn samninga tafarlaust. Niðurstöður
samninganna voru í aðalatriðum þessar:
1. Vinnuvikan var stytt í 40 stundir. Var
þetta atriði bæði í samningunum og eins í
lögum sem samþykkt voru á alþingi í des-
ember að frumkvæði ríkisstjórnarinnar.
2. Orlofstíminn lengdur í 4 vikur, orlof
verður 8Vi% frá og með áramótum. Einnig
þetta atriði var ákveðið með lögum frá al-
þingi.
3. Almennar launahækkanir skulu verða
í þremur áföngum: Fyrst 4% strax við und-
irritun samninganna, eða frá 1. desember.
Þá komi 4% launahækkun I. júní 1972,
og loks 6% launahækkun 1. marz 1973-
4. Auk almennu launahækkananna var
samið um sérstaka hækkun lægri launa. Er
láglaunahækkunin þannig að lægsni launin
fá 4% aukahækkun sem fer svo lækkandi
eftir ákveðinni reglu unz náð var 18018 kr.
á mánuði. Þá kom til í samningunum taxta-
tilfærslur þannig að launahækkunin nam frá
14—21% á öllu samningstímabilinu að því
er kom fram á fundi Dagsbrúnar, sem sam-
þykkti samningana.
5. Samið var til tveggja ára.
6. Sérkröfur verkalýðsfélaganna sem ófrá-
gengnar voru 4. desember voru látnar bíða
sérstakrar samningsgerðar. Sú samningsgerð
stendur enn yfir þegar þetta er skrifað, en
samningunum átti að verða lokið 15. janúar.
Verkalýðsfélögin afsöluðu sér ekki mögu-
leika til verkfallsboðunar ef samningar tækj-
ust ekki um sérkröfurnar.
Um samninga verkalýðsfélaganna: Sjá
Þjóðviljinn 17. desember.
VERKFÖLL
Vegna hinna víðtæku samninga við verka-
lýðsfélögin tókst því að mestu leyti að afstýra
verkföllum. Það tókst þó ekki alveg: Bóka-
gerðarmenn hófu verkföll á miðnætti að-
faranótt 6. desember. Stóð vinnustöðvun
þeirra fram undir kvöld 16. desember, en
fyrstu dagblöð komu út eftir verkfallið 17.
desember. I lok nóvember hófst verkfall
farmanna og hefur staðið á annan mánuð
þegar þetta er skrifað. Samninganefnd far-
manna gekk frá samkomulagi við skipafé-
lögin laugardaginn 8. jánúar. Það samkomu-
lag var lagt fyrir farmenn í atkvæðagreiðslu
á mánudag, en var fellt. A sáttafundi á mið-
vikudag var síðan lögð fram sáttatillaga,
sem var lögð fyrir farmenn til afgreiðslu á
fimmtudag.
218