Réttur - 01.08.1981, Síða 44

, ,Er guð Ameríkani? ’ ’
Um útrýmingu
indíánanna í Suður-Ameríku.
Allt frá því hinir „hákristnu” Spánverjar fundu Ameríku hefur verið unnið að því
með allri þeirri grimmd, sem trúarofstækið á til, að útrýma indíánunum: stela fyrst
landi þeirra, eyðileggja menningu þeirra og drepa þá sjálfa.
Á síðustu 70 árum hafa yfir ein miljón
Indíánanna í Brasilíu verið drepnir. Aðferð-
irnar eru mismunandi: hýbýlin sprengd, mat-
vælin eitruð með arseniki eða bólusóttar-
bakteríum sprautað í þá. Á síðustu árum
hefur verið hert á ofsóknunum, til þess að
auðfélögin gætu klófest land þeirra, oft
auðugt að málmum eða olíu. Er þetta jafnvel
gert undir yfirskini þess að þeir fái þarmeð
borgararéttindi. Biskupinn Balduino segir að
afleiðing þessara ráðstafana geti orðið að
„eftir 30 ár verði yfirleitt engir indíánar til.”
Nýlega kom út í Vestur-Þýskalandi bók
eftir Soren Hvalkof og Peter Aaby, sem
heitir á íslensku: „Er guð Ameríkani?” »
í þessari bók er m.a. rakin starfsemi trú-
boðsfélaga frá Norður-Ameríku, sem þykj-
ast vinna að því að snúa bibliunni á mál
Indíána og kristna þá og hafa einnig sérstaka
„sumarstofnun fyrir málvísindi.” Það eru
þúsundir manna, sem vinna að þessu verki,
vekja áhuga hjá indíánum, „friða” svæði
þeirra, eyðileggja menningu þeirra og ryðja
þannig braut fyrir braskara, sem koma í
kjölfarið og klófesta landið. Þannig tókst
t.d. Texaco-olíufélaginu einmitt vegna milli-
göngu trúboðanna að ná undir sig landsvæði
austan til í Equador, sem er mjög auðugt að
olíu. — Það þarf engum getum að því að
leiða hvaðan slíkum „trúboðum” kemur fé
til starfsemi sinnar. „Sumarstofnunin”
hefur auk þess góð sambönd við CIA.
Það þarf mikið alþjóðlegt átak, ef hægt á
að vera að bjarga þeim indíánaþjóðflokkum,
sem enn lifa, frá útrýmingu af hálfu hins
„villta” hvíta auðmanns.
1) Á þýskur heitir bók þessi: ,,Ist Gott Amerikaner?” Út-
gefandi: Lammuv-Verlag í Bornheim-Merten. Bókin er
419 bls.
156