Fréttablaðið - 28.03.2009, Qupperneq 12

12 28. mars 2009 LAUGARDAGUR
Hringdu í síma
ef blaðið berst ekki
SAMFÉLAGSMÁL Tæplega fimm þús-
und manns hafa skráð sig í hóp á
Fésbók sem stefnir að lögleiðingu
kannabisefna á Íslandi.
Hópurinn heitir Lögleiðum
kannabis og skattleggjum
neysluna. „Björgum fjárhag heil-
brigðiskerfisins, lögreglunnar og
Fangelsismálastofnunar og hætt-
um að henda fjármunum út um
gluggann“, segir á síðunni.
Með kannabisefnum er átt við
hass og marijúana, sem gjarnan er
neytt með reykingum. Þessi vímu-
efni hafa verið bönnuð á Íslandi
síðan 1974. - kóþ
Íslenskur hópur stækkar ört á Fésbók:
Þúsundir vilja lög-
leiða kannabisefni
KANNABISPLÖNTUR
LÖGREGLUMÁL Haukur Vagnsson,
athafnamaður í Bolungarvík, er
ósáttur við framgöngu lögreglunn-
ar á Vestfjörðum sem tók pókerborð
af sportveitingastað hans Vaxon í
síðustu viku. Borðunum var skilað
fyrr í þessari viku en Haukur hug-
leiðir að kæra lögregluna. Í fyrsta
lagi fyrir að hafa tekið borðin án
þess að fyrir liggi rökstuddur grun-
ur um lögbrot og hins vegar fyrir
ummæli Önundar Jónssonar, yfir-
lögregluþjóns á Vestfjörðum, en
haft var eftir honum í kvöldfrétt-
um sjónvarps að Haukur segði ósatt
með því að fullyrða að hann hefði
engar skýringar fengið á þessum
aðgerðum lögreglunnar.
Í þriðja lagi segir Haukur þetta
vera brot á jafnræðisreglu þar sem
menn halda pókermót óáreittir en
á Vestfjörðum geta þeir sem eiga
pókerborð átt hættu á afskiptum
lögreglu miðað við þessa fram-
göngu.
„Til að fara í svona aðgerðir
verður lögreglan að hafa staðið
menn að verki, vera með kæru
í höndum eða að minnsta kosti
hafa rökstuddan grun um að eitt-
hvað ólöglegt eigi sér stað,“ segir
Haukur. „Ekkert af þessu var fyrir
hendi, ég hef enga skýringu feng-
ið og hér hefur aldrei verið stund-
að fjárhættuspil. Þetta er eins og
að handtaka mann fyrir að eiga bíl
sem kemst upp í 200 á þeim for-
sendum að hægt sé að brjóta lög
með bílnum.“
Hann segir að undarlega hafi
verið að málunum staðið. „Ég fékk
boð um það að borðunum yrði skilað
klukkan sex síðdegis,“ segir hann.
„Myndatökumenn voru meira að
segja búnir að melda sig til að geta
verið vitni að því þegar þeir kæmu.
En þeir komu svo um klukkan hálf
fimm, þegar enginn var við en þá
fundu þeir opna hurð og snigluðust
þá inn til að skila borðinu.“
Svo bætir hann við í glettni: „Ætli
lögreglan hafi ekki bara verið með
pókermót um síðustu helgi og vant-
að borð. Nei, ég segi svona, maður
verður að halda húmornum þrátt
fyrir allt saman.“ jse@fettabladid.is
Lögreglan tók
pókerborð og
skilaði aftur
Athafnamaður á Bolungarvík íhugar að kæra lög-
regluna fyrir að taka af honum pókerborð. Eðlilega
að málum staðið, segir lögreglan og skilaði borðinu.
„Við studdumst við hegn-
ingarlögin og nýfallinn
dóm Hæstaréttar [er segir
að þriðji aðili megi ekki
hagnast á fjárhættuspili],“
segir Önundur Jónsson,
yfirlögregluþjónn lögregl-
unnar á Vestfjörðum.
„Við báðum hann að
taka niður borðin meðan
málið væri í rannsókn en
hann gerði það ekki þannig
að við lögðum hald á þau
meðan verið var að kanna málið.
Svo var þeim bara skilað aftur. Þetta
er bara eðlilegur vinnumáti á öllum
sviðum.“
Hann segir lögin um fjárhættuspil
nokkuð loðin og teygjanleg og því
erfitt að vinna eftir þeim.
Hann segist ekki vilja
svara gagnrýni Hauks um
það að önnur lög gildi í
höfuðborginni en á Vest-
fjörðum í þessum efnum.
„En stjórnsýslulögin segja
alveg skýrt fyrir hvernig við
eigum að vinna; hvort sem
er fyrir vestan eða sunnan,“
segir hann.
Varðandi ummæli sín í
kvöldfréttum sjónvarpsins
segir hann:
„Umsögnin sem fréttamaðurinn
bar undir mig, um að Haukur fengi
ekkert að vita hvað verið væri að
gera og við hvað var stuðst, er hrein-
lega ósönn. Það er bara svoleiðis.“
GREIN GERÐ FYRIR AÐGERÐUM LÖGREGLU
ÖNUNDUR
JÓNSSON
HAUKUR VIÐ PÓKERBORÐIÐ UMDEILDA Pókerborðið er aftur komið á sportveitinga-
staðinn Vaxon.