Fréttablaðið - 28.03.2009, Qupperneq 31

LAUGARDAGUR 28. mars 2009 31
■ Björn Hlynur Haraldsson útskrifaðist árið 2001
úr leiklistardeild Listaháskóla Íslands.
■ Hann stofnaði Vesturport ásamt öðrum. Verkin
sem þau hafa sett upp eru meðal annars
Rómeó og Júlía, Woyzeck og Brim. Verkin hafa
verið sýnd erlendis sem hér heima.
■ Hann lék í Sölumaður deyr hjá Leikfélagi
Reykjavíkur, Gestinum og Þíbylju. Hann hefur
einnig leikið í Pétri Gaut og Sumarljósi.
■ Björn Hlynur lék í Blóðbrúðkaupi í Almeida
Theatre í London.
■ Af hlutverkum hans í kvikmyndum má nefna
Reykjavík Guesthouse: Rent a bike, Kaldaljós
og aðalhlutverk í Strákarnir okkar. Hann lék
einnig stórt hlutverk í Mýrinni.
■ Verk hans, sem hann skrifaði sjálfur og leik-
stýrði, Dubbeldusch, var meðal annars tilnefnt
til Menningarverðlauna DV.
■ Björn Hlynur var valinn sem Shooting Star árið
2006 og fetaði þar í fótspor leikara eins og
Daniel Bruhl, Daniel Craig og Franka Potente.
■ Verkið Sædýrasafnið var frumsýnt í gærkvöldi í
Kassanum í Þjóðleikhúsinu en þar leikur Björn
Hlynur eitt aðalhlutverkanna.
➜ FERILLINN Á HUNDAVAÐI
Vill vera afkastamikill
Björn Hlynur segist fá mikið út
úr því að leika en skrifin metti
hann þó á annan máta. Dubbel-
dusch hefur verið sýnt í heilt ár
og annað handrit er í smíðum.
„Ég hafði alltaf lúmskan grun
um að ég ætti eftir að gera eitt-
hvað af því að skrifa. Ég hélt að
ég hefði ekki innsæi í það og hafði
hugsað mér að fá einhvern til að
skrifa fyrir mig en leikstýra sjálf-
ur. Ég ákvað hins vegar eftir smá-
umhugsun að láta vaða og ef ég
væri sáttur myndi ég bera verk-
ið fram. Woody Allen sagði í við-
tali um daginn að áttatíu prósent
af allri velgengni væri að mæta
í vinnuna. Hann hefur gert eina
mynd á ári, í þrjátíu og fimm ár,
og hann segist ekki vera sáttur við
neina þeirra. Eina leiðin sé samt
að halda áfram. Hann sé engu
bættari þótt hann hugsi og stúderi
eitthvað eitt handrit í tíu ár í stað-
inn fyrir að framleiða það bara.
Á hans ferli má finna margar frá-
bærar myndir og aðrar slæmar.
Ég er samt ekki að leggja það til
að fólk geri bara „eitthvað“. Ég
vel og hafna úr því sem ég kem
á blað og hef hugmyndina frekar
skýra í kollinum áður en ég byrja.
Og svo kemur maður sjálfum sér
oft á óvart – er kominn út í senu
sem maður hafði ekki hugmynd
um að myndi enda þar.“
Framleiðandinn rífur kjaft
Tvö verk eru á borði Björns Hlyns.
Annað þeirra fjallar um hið tog-
streitukennda fyrirbæri sem sam-
band mæðgna getur verið. Náin,
flókin fjölskyldubönd. Hitt er að
sögn Björns Hlyns hugarfóst-
ur sambýliskonu hans, Rakelar
Garðarsdóttur. Kvikmyndahand-
rit sem byggt er á sjálfsævisögu-
legri skáldsögu Hreins Vilhjálms-
sonar, Bæjarins verstu. Hreinn
hefur lifað lífi útigangsmanns
og skrifar um skrautlegheitin á
götunni. „Ég skrifa og hún rífur
kjaft! Hún er auðvitað framleið-
andinn að myndinni og það er
ekkert grín, get ég sagt þér, að
vera með framleiðandann yfir
sér dag og nótt. Hún hefur mik-
inn metnað fyrir þessu. Takmark-
ið hjá okkur er meðal annars að
gera íslenska mynd sem nær því
að vera 90 mínútur – það virðist
vera að íslenskar kvikmyndir geti
aldrei náð því að vera lengri en
84 mínútur – hefurðu tekið eftir
því? Nei, að öllu gríni slepptu þá
finnst mér saga þeirra sem hafa
klúðrað svona hlutunum, og misst
allt, áhugaverð. Hefur oft langað
að vita þegar ég sé þessa félaga
í Austurstræti hvernig þeir end-
uðu þar. Og það er gott að vinna
með Rakel. Hún er drífandi og
skemmtileg í samvinnu.“
Lítill æsingamaður
Spjallið teygir sig í allar áttir.
Björn Hlynur segist gjarnan vilja
sjá leikhús sem venjulegt fólk geti
tengt sig meira við. Að fólk geti
farið og fundið þar hluti sem það
þekkir úr eigin lífi. Nýtt efni inn í
leikhúsið finnst honum bráðnauð-
synlegt. Hann vilji einfalda hlut-
ina á margan hátt og viti oft ekki
alveg hvort leikstykki, sem leik-
ararnir sjálfir þurfi þrjár vikur í
að stúdera til að skilja hvað verið
er að fara með orðræðunni, eigi
alltaf erindi við leikhúsgesti.
Kannski þurfi nútíminn meira
að koma þangað inn. Hann seg-
ist einnig ætla að halda ótrauður
áfram að skrifa, nota sumarnæt-
urnar sem koma bráðum, elda og
jafnvel láta undan þrýstingi Rak-
elar og fá sér hænur. Sú hugmynd
hafi í það minnsta komið upp á
heimilinu. Hann er rólyndismað-
ur að eigin sögn og það sé einhver
dútlari í honum, sem þrái hæglæti
og engan æsing. „Ég er til dæmis
orðinn þannig að ég hef mjög litla
þörf fyrir að tjá skoðanir mínar
lengur. Ég hugsa mitt en hef lært
að bera virðingu fyrir smekk
annarra. Ef hlutir eru unnir af
heil indum er óþarfi að rífa það
niður. Mér getur auðvitað mis-
boðið og læt heyra í mér en ef við
eigum að ræða hluti eins og blogg-
ið, þá finnst mér nútíminn orðinn
fullur af ótrúlegri þörf fólks fyrir
að vera eilíflega að fjasa og henda
drulluklessum út í loftið. Það er
svo auðvelt að sitja á rassinum og
setja út á hlutina í staðinn fyrir að
standa upp og gera eitthvað.“
HUGSAR SITT EN ÞEGIR OFTAST „Ég hugsa mitt en
hef lært að bera virðingu fyrir smekk annarra.“
Kynntu þér úrræðin
Starfsfólk Kaupþings aðstoðar þig við allt sem tengist fjármálum heimilisins og breyttum
aðstæðum og leitar hentugra úrræða fyrir þig.
Kynntu þér málin á www.kaupthing.is, hafðu samband í síma 444-7000
eða komdu við í næsta útibúi Kaupþings.
ÍS
L
E
N
S
K
A
S
IA
.I
S
K
A
U
4
45
39
0
1/
09
Fjármálaráðgjöf fyrir þig
• Heimilisbókhald • Stöðumat • Netdreifing/útgjaldadreifing
• Úrræði í greiðsluerfiðleikum • Sparnaðarleiðir • Lífeyris- og tryggingamál