Fréttablaðið - 28.03.2009, Qupperneq 38

38 28. mars 2009 LAUGARDAGUR
S
tarf Norðlingaskóla grundvallast á
því lífsviðhorfi að hverjum einstakl-
ingi skuli búin námsskilyrði svo hann
megi, á eigin forsendum, þroskast og
dafna og útskrifast úr grunnskóla sem
sjálfstæður, sterkur og ekki síst lífs-
glaður einstaklingur.
Áhersla er lögð á að nemendum líði vel og að
nám og starf sérhvers þeirra miðist við þarfir
hans og getu sem og sterkar hliðar. Byggt er á ein-
staklingsmiðuðum starfsháttum og samvinnu.
Hér á eftir er lýst nokkrum þáttum sem ein-
kenna starf Norðlingaskóla.
Áform
Allir nemendur gera einstaklingsbundnar náms-
áætlanir eða áform. Áform eru ýmist gerð viku-
lega eða hálfsmánaðarlega. Á áformsdegi hitta
nemendur umsjónarkennara sína, fara yfir
hvernig síðasta vika gekk og setja sér markmið
fyrir þá næstu.
Áhugasvið
Litið er á áhugasvið sem orkulind. Þess vegna er
í hverri viku skipulagður tími þar sem nemendur
vinna með sterkar hliðar sínar, annaðhvort einir
og sér eða í hópum. Gerðir eru sérstakir áhuga-
sviðssamningar þar sem nemandinn setur fram
hvaða markmiðum hann ætlar sér að ná og eftir
hvaða leiðum. Þá er samið um aðkomu kennarans
eða skólans að vinnunni og með hvað hætti nem-
andinn hyggst skila henni af sér.
Björnslundur
Björnslundur er útikennslustofa í skógarlundi í
nágrenni skólans. Þar er gert ráð fyrir að hægt sé
að kenna allar námsgreinar skólans undir berum
himni. Í Björnslundi fara einnig fram stærri sam-
komur skólans, að minnsta kosti þar til nýtt skóla-
hús er risið.
Foreldrasamstarf
Rík áhersla er á foreldrasamstarf í skólanum.
Litið er svo á að vinna með nemendur sé sameig-
inlegt viðfangsefni foreldra og starfsfólks skól-
ans. Því standa dyr skólans ævinlega opnar fyrir
foreldrum og þeir eru velkomnir, hvort sem er
inn í tíma til barna sinna eða til skrafs og ráða-
gerða við starfsfólk.
Fyrsti skóladagur að hausti kallast skólaboð-
unardagur og fer fram heima hjá nemendunum.
Þá sækja starfsmenn skólans nemandann og fjöl-
skyldu hans heim og ræða um starfið á komandi
vetri.
Á foreldraskóladögum setjast foreldrar á skóla-
bekk hjá börnum sínum. Með því fá þeir innsýn í
vinnu barnanna og kynnast daglegum viðfangs-
efnum þeirra. Foreldraskóladagar eru haldnir
tvisvar á vetri.
Foreldrakaffi er nýjung í foreldrasamstarf-
inu. Þá er foreldrum hvers hóps boðið í morgun-
kaffi með starfsfólki skólans við upphaf skóla-
dags barnanna.
Samkennsla árganga
Kennt er í aldursblönduðum námshópum, tveim-
ur eða fleiri árgöngum saman án varanlegrar
aðgreiningar eftir aldri eða námsgetu. Markmið-
ið er að hver nemandi fái nám og kennslu við sitt
hæfi um leið og nemendahópurinn á samleið sem
hópur eða bekkjarheild. Nemendur eru á saman
tíma að vinna að mismunandi markmiðum og
þjálfast bæði í að vinna sjálfstætt og hjálpast að.
Smiðjur
Smiðjur eru meðal þess sem einkennir starf Norð-
lingaskóla. Þær eru nokkurs konar verkstæði þar
sem nemendur ganga í smiðju til starfsmanna
skólans. Megináhersla er lögð á skapandi vinnu
og þar er list- og verkgreinum fléttað saman við
bóklegar námsgreinar. Smiðjur eru vikulega og
þar blandast allir árgangar skólans. Í smiðjum er
lögð áhersla á að koma að námsþáttum aðalnáms-
krár en um leið að gæta þess að áhugasvið nem-
enda eigi ávallt sinn sess.
Teymisvinna
Allt starfsfólk Norðlingaskóla vinnur í teymum.
Þannig er kennari aldrei einn með nemendahóp
sem eykur verulega sveigjanleika í skólastarf-
inu. Sömuleiðis nýtist margbreytileiki starfsfólks
nemendum betur með þessu móti. Hvert teymi
hefur skipulagða samráðstíma í hverri viku þar
sem kennslan er skipulögð.
Dæmi um teymi skólaárið 2008-2009:
Teymið sem vinnur með 1. og 2. bekk er sett
saman af fjórum almennum kennurum, sérkenn-
ara og tveimur stuðningsfulltrúum.
Í list- og verkgreinateymi eru þrír kennar-
ar (myndlistar-, textíl- og hönnunar-) og smíða-
kennarar.
Vinnusvæði
Engar eiginlegar kennslustofur eru í Norðlinga-
skóla. Bóklegt nám fer fram á vinnusvæðum
hvers námshóps. Þar vinna sumir einir og sér og
aðrir saman. Góður vinnukliður er á svæðunum
en ekki er liðið að hann þróist í hávaða. Svæðin
eru stór en þó er að finna þar kima sem geta hent-
að þeim sem vilja meira næði.
Barnið er sameiginlegt verkefni
Norðlingaskóli hlaut Samfélagsverðlaun Fréttablaðsins í flokknum sem nefndur er Frá kynslóð til kynslóðar. Verðlaunin hlaut
skólinn vegna þess margvíslega frumkvöðlastarfs sem þar er stundað. Norðlingaskóli starfar í völundarhúsi sambyggðra skála en
búið er að steypa plötu nýs skólahúss. Steinunn Stefánsdóttir heimsótti skólann í vikunni. Hún spjallaði við nemendur, kennara
og foreldra og leitaði einnig svara við spurningunni um það að hvaða leyti Norðlingaskóli væri frábrugðinn öðrum skólum.
SJÓRÆNINGJAÞEMA Í síðustu viku lauk lestrarspretti í Norðlingaskóla. Á lokadeginum mættu allir í sjóræningjabúningum og er hér verið að afhenda
verðlaun. MYNDIR/ÁGÚST ÓLASON
Ekki bara nýr skóli heldur ný tegund af skóla
Björn Gunnlaugsson, Fanney Snorradóttir og Ragna Karlsdóttir kenna öll við Norð-
lingaskóla. Björn er umsjónarkennari á unglingastigi, Fanney í 5. til 7. bekk og Ragna
er þroskaþjálfi og sérkennari. Öll hafa þau kennslureynslu úr öðrum skólum. Þau voru
því beðin að lýsa því á hvern hátt Norðlingaskóli væri frábrugðinn.
„Það eru fyrst og fremst viðhorfin og starfsandinn,“ segir Björn. „Stefnan hér hefur
verið að hugsa í lausnum fremur en að líta á vandamál sem vegartálma.“ Björn bend-
ir á að Norðlingaskóli sé nýr skóli og að lagt hafi verið upp með að þar væri ástundað
framúrstefnulegt skólastarf. „Ég held að þeir sem starfa hér hafi allir vitað að hverju
þeir gengu og ákveðið að koma hingað vegna þess hvernig skólinn er og þeir völdust
hingað vegna þessa áhuga, ekki bara á að byggja upp nýjan skóla heldur nýja tegund
af skóla.“
Ragna er ein þeirra sem réðu sig að skólanum í upphafi með Sif Vígþórsdóttur
skólastjóra. Hún bendir á að Sif hafi áður verið kennari og skólastjóri í sveit í 20 ár og
að það hafi áhrif á andann í skólanum. „Mér finnst þetta allaf vera eins og í sveitinni.
Það eru allir alltaf velkomnir,“ segir hún og er sérstaklega ánægð með hversu vel
hefur tekist að viðhalda þeirri stefnu. „Við fórum af stað með skólaboðunina í upp-
hafi þar sem við förum í heimsókn inn á hvert heimili og við gerum þetta enn. Fyrsta
jólaskemmtunin var skemmtun fyrir allt hverfið og við höldum því. Árshátíðin er líka
skemmtun fyrir alla fjölskylduna og sömuleiðis skólasetning og skólaslit. Ég held að
allir í hverfinu upplifi að þeir séu velkomnir hingað í skólann,“ segir Ragna.
Öll taka þau undir að allt þetta starf styðji vel við farsælt og gott foreldrasamstarf.
Aðgengið á báða bóga sé gott og að það skipti afar miklu máli varðandi velferð nem-
andans. „Samkennslan hjálpar líka mikið til að geta farið einstaklingslega í mál,“ segir
Fanney og á þá við að þegar nokkrir bera ábyrgð á hópnum þá sé meira svigrúm til
að sinna einstaklingum heldur en þar sem aðeins einn kennari sé í hverri kennslu-
stofu.
Í Norðlingaskóla hafa kennarar fastan vinnutíma frá átta á morgnana til fjögur og
fimm á daginn. Viðmælendurnir eru sammála um að vinnutímafyrirkomulagið sé afar
gott. Allt samstarf verði skilvirkara þegar hópurinn er allur á staðnum eftir að nem-
endurnir eru farnir heim. „Mér finnst þetta æðislegt og að vera sérkennari og hafa hér
eðlilegan vinnudag, það er bara allt annað,“ segir Ragna.
Skólinn er á fjórða starfsári.
Skólinn er heildstæður grunnskóli frá 1. upp í 10.
bekk.
250 nemendur eru í skólanum.
Þar starfa rúmlega 40 manns, þar af 15 karlar.
Á unglingastigi skólans eru 70 unglingar. Þeir hafa
áður verið í alls 39 skólum.
Nokkrar staðreyndir um
Norðlingaskólat
ÁVEXTIR Eftir að skólastjórnendur höfðu lesið niðurstöð-
ur rannsóknar sem sýndi fram á betri námsárangur hjá
börnum sem hefðu aðgang að ávöxtum á skóladeginum
var ákveðið að hafa ávexti á vinnusvæðum nemenda.
Auk þess geta börnin gengið í mjólk og vatn að vild
meðan þau vinna. Kostnaður heimilanna nemur um
9.000 krónum fyrir allt skólaárið.
KENNARARNIR Ragna Karlsdóttir
sérkennari, Fanney Snorradótt-
ir umsjónarkennari í 5. til 7.
bekk og Björn Gunnlaugsson
umsjónar kennari á unglingastigi.
FRAMHALD Á SÍÐU 43