Morgunblaðið - 19.03.2006, Síða 18

18 SUNNUDAGUR 19. MARS 2006 MORGUNBLAÐIÐ
digri Danny nær í vatn í brunninn.
Nánustu vinir hans treysta honum
ekki. Á gólfinu er pottur með vatni
sem sýður yfir kolum. Shotgun tek-
ur örlítið vatn og prófar hitastigið
með fingrunum. Blæs varlega á
vatnið. Lætur það kólna aðeins.
Tálgar grein til að hræra með. Set-
ur sóda í vatnið. Hrærir varlega.
Kíkir á áferð og upplausn. Rúllar
sér aðra jónu.
Rosa, nýja kærastan hans, bíður
eftir að hann og Danny klári að búa
til krakk svo að hún geti farið að
sjóða hrísgrjón. Fólk kemur inn og
út úr kofanum. Tvær aðrar konur
leigja hluta af kofanum og búa þar
með börnunum sínum. Karlar koma
inn, tala og hlæja. Þeir rúlla jónur,
kaupa krakk, reykja krakk og fara
út aftur. Rósa er mjög afbrýðisöm
og hossar brosandi tannlausum
strák annars hugar. Flestir karlarn-
ir eiga börn með mörgum konum.
– Shotgun á hann, brosir hún við
stráknum í kjöltu sér.
– Ég á þrjú önnur börn sem búa
þar sem ég ólst upp, segir hún.
– Elsti strákurinn minn er 12,
segir Rósa, sem er 24 ára.
Juice er í fangelsi í Bluefields í
klefa með 25 öðrum. Inni er dimmt,
yfir þrjátíu stiga hiti og lykt af
sveittum líkömum og hlandi. Margir
liggja í plasthengirúmum sem eru
fest í rimlaloftið. Reggítónlist úr út-
varpinu berst í gegnum loftgat frá
næsta herbergi. Í þessum klefa eru
þeir sem afplána fangelsisvist fyrir
gróft ofbeldi, fíkniefnasölu og alvar-
leg rán.
Juice hallar sér að einum bedd-
anum í herberginu. Hann fann 60
kíló af kókaíni. Seldi 30 kíló og fékk
3.000 dollara fyrir kílóið. Hann vildi
selja meira en var tekinn með 15
kíló af kókaíni límd utan á líkamann.
Hann hefur setið í fangelsi í tvær
vikur.
– Ég er ekki hræddur um að
þurfa að vera 17 ár í fangelsi.
Komdu heim til mín um helgina, þá
verð ég sloppinn, daðrar hann. Og
útskýrir:
– Í minni stöðu þarf ég að borga
lögfræðingnum 2.000 dollara, lög-
fræðingi ríkisins 2.000 dollara og
dómaranum 3.000 dollara. Og þá á
ég ennþá mikla peninga eftir.
Hann staðfestir það sem heyrist í
Bluefields að þegar maður gerir
eitthvað ólöglegt þarf maður að
stela fyrir að minnsta kosti tvo,
bæði sig og lögfræðinginn sinn.
Önnur ummæli staðfesta spill-
inguna: Ef þú færð tækifæri til að
taka peninga en nýtir það ekki, ertu
heimskur.
Í götu í nágrenninu er verið að
matbúa skjaldbökukjöt. Nágrannar
hafa safnast saman og njóta lostæt-
isins. Á götuhornum standa njósn-
ararnir. Hlaupadrengirnir. Þeir sem
vara fólk eins og Danny og Shotgun
við þegar lögreglan nálgast. Þá
heyrist leyniorðið „DAS! DAS!“.
Smástrákar hlaupa í allar áttir og
tísta aðvarandi á milli stólpahúsa,
bakgarða og þröngra stíga í hverf-
inu. DAS er kreólsk stytting á orð-
unum „Da Ass is Sailing“. Lögregl-
an er í nágrenninu.
Svartur bíll glansar í kvöldsólinni
sem er lágt á lofti. Hliðarnar eru
skreyttar með gulum og rauðum
logum. Ungur eigandinn þvær bíl-
inn ásamt nokkrum félögum sem
allir eru berir að ofan. Þeir spenna
vöðvana í vatni og sápu og njóta
þess að láta fólk horfa á sig. Lítill
strákur gengur öfundsjúkur fram
hjá.
– Allir tengjast fíkniefnaviðskipt-
unum. Þeir sem ekki fjárfesta,
flytja, kaupa, selja eða búa til, gera
öðrum smágreiða eða halda kjafti
um það sem gerist í hverfinu, segir
Panther.
Hann er taugaóstyrkur. Panther
er einn af þeim sem gera stórar
„fjárfestingar“ af og til. Í dagrenn-
ingu á að koma bátur inn í lónið sem
á að líta út eins og venjulegur fiski-
bátur en er frá kólumbískum tengi-
liðum. Áður en báturinn kemur í
land í Bluefields með morgunaflann
á hann að stoppa stutt á ákveðnum
stað. Þar bíða tveir vinir með þrjá
hesta sem eldsnöggt eiga að landa
nokkur hundruð kílóum af kókaíni,
hverfa inn í skóginn og að næsta
fundarstað. Því næst hverfur kók-
aínið í minni skömmtum til kaup-
enda sem bíða í nágrenninu.
– Stórar hallir spretta upp í bæn-
um og frumskóginum. Allir vita
hvaðan peningarnir koma. Mitt hús
er eins, segir hann og ypptir öxlum.
– Ömmur grafa kókaín í garðin-
um alveg eins og ungir menn. Allir
gefa hver öðrum eitthvað fyrir
greiða. En lögreglumennirnir eru
verstir. Þeir kaupa og selja sjálfir.
Þeir vilja það sama og við. Þeir
koma aldrei þegar kallað er á þá
vegna heimiliserja eða ofbeldis. En
Auðvelt er að búa til krakk úr kókaíni. Matarsóda er blandað saman við kókaín. Eftir nokkrar mínútur
blæs blandan út og er þá hituð varlega þar til hvítt efni myndast og eru kristallarnir þá kældir niður.