Morgunblaðið - 31.03.2006, Qupperneq 2

2 FÖSTUDAGUR 31. MARS 2006 MORGUNBLAÐIÐ
FRÉTTIR
LÖGGJÖF SAMÞYKKT
Stjórnarskrárdómstóll Frakk-
lands samþykkti í gær umdeilda at-
vinnulöggjöf, sem krefst nú aðeins
undirritunar Jacques Chirac Frakk-
landsforseta til að öðlast gildi.
Stýrivextir hækka
Bankastjórn Seðlabanka Íslands
hækkaði í gær stýrivexti bankans
um 0,75 prósentustig. Að mati
bankastjórnarinnar hafa verðbólgu-
horfur dökknað verulega.
Börðust við sinubruna
Gífurlegur sinubruni varð á Mýr-
um í Borgarfirði í gær. Slökkviliðið í
Borgarnesi og íbúar á svæðinu börð-
ust við að verja húseignir.
Sex menn dæmdir
Sex menn voru í gær dæmdir í
Héraðsdómi Reykjavíkur í 4 til 15
mánaða fangelsi, að mestu skilorðs-
bundið, og til greiðslu um 163 millj-
óna kr. í sekt fyrir brot á lögum um
vörsluskatta og umboðssvik vegna
félaga tengdra Frjálsri fjölmiðlun.
Tugir fórust í sjóslysi
Talið er að a.m.k. 47 hafi farist
þegar farþegaskip með 180 farþeg-
um sökk undan ströndum Bahrain í
gærkvöldi. Að sögn Sheikh Rashid
bin Abdullah al-Khalifa, innanrík-
isráðherra Bahrain, hafði björg-
unarmönnum tekist að bjarga 52
farþegum í gærkvöldi.
Y f i r l i t
Í dag
Fréttaskýring 8 Forystugrein 34
Úr verinu 14 Viðhorf 36
Viðskipti 16 Minningar 39/50
Erlent 18/19 Brids 53
Akureyri 22 Dagbók 54
Austurland 22 Víkverji 54
Höfuðborgin 24 Velvakandi 55
Suðurnes 24 Staður og stund 56
Landið 25 Menning 58/65
Daglegt líf 26/28 Ljósvakamiðlar 65
Listir 30/31 Veður 67
Umræðan 32/38 Staksteinar 67
* * *
Kynningar – Blaðinu fylgja kynning-
arblöðin Ferðatorg 2006 og kynning-
arblað Miðborgar.
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann Björnsson,
fréttastjóri, bjb@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Inga Rún Sigurðardóttir, ingarun@mbl.is
Umræðan | Bréf til blaðsins Magnús Finnsson, fulltrúi ritstjóra, magnus@mbl.is Guðlaug Sigurðardóttir, gudlaug@mbl.is Sveinn Guðjónsson, svg@mbl.is Minningar minning@mbl.is Hilmar P. Þormóðsson, Stefán Ólafsson Dagbók| Kirkjustarf Ellý H.
Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is

 




 


 
 



  

 

  

 


 


 !

"
# 
$
% 
 
 
& 

 
 

'() *

 +,,,










  LÖGREGLAN í Keflavík sem
rannsakar mannrán og líkams-
árás í Garðinum á laugardags-
kvöld, óskar eftir að hafa tal af
ökumanni Land Rover jeppabif-
reiðar sem átti leið um Bisk-
upstungnabraut eða Laugar-
vatnsveg, eða báða vegina, í
grennd við bæinn Múla um kl. 1
– 1:40 aðfaranótt sunnudagsins
26. mars sl.
Ökumaður bifreiðarinnar mun
hafa ekið á móti og framhjá
gangandi manni á þessum slóð-
um og mun hafa veitt manninum
athygli án þess þó að stansa hjá
honum. Lögreglan í Keflavík
hvetur ökumanninn til að gefa
sig fram og bendir á að þetta
tengist rannsókn á hinu alvar-
lega sakamáli sem um ræðir.
Ökumaður Land Rover bifreið-
arinnar og aðrir sem hugsanlega
hafa einhverja vitneskju um mál
þetta eru beðnir að hafa sam-
band við lögregluna í Keflavík í
síma 420 2400 eða 112.
Rannsókn lögreglunnar hefur
ekki enn leitt til þess að grunur
hafi fallið á neinn. Þó er talið að
mannræningjarnir hafi verið á
gulum amerískum bíl þegar þeir
bönkuðu upp á hjá manninum og
settu hann í skott bílsins. Höfðu
þeir hann í haldi í sjö klukku-
stundir áður en honum tókst að
sleppa frá þeim í Biskupstung-
um.
Rannsóknin á mannráninu í Garði
Ökumaður á Land
Rover bíl gefi sig fram
SÝNINGIN Matur 2006 var sett í
gær í Fífunni í Kópavogi. Ólafur
Ragnar Grímsson forseti Íslands og
Guðni Ágústsson landbúnaðar-
ráðherra voru viðstaddir opnunina.
Á myndinni gefa Ólafur Júlíusson
og Óli Þór Hilmarsson hjá Meist-
arafélagi kjötiðnaðarmanna forset-
anum að smakka sviðasultu sem
sett er í mót eins og sviðakjammi í
laginu.
Á fjórða hundrað fyrirtæki sýna
á sýningunni. Í dag verða tilkynnt
úrslit í Eldhúsi Íslands og keppt
verður til úrslita í uppvösk-
unarkeppninni. Þá verður sýningin
Ferðatorg sett að viðstöddum sam-
gönguráðherra.
Morgunblaðið/Brynjar Gauti
Smakkaði sviðasultu á matarsýningu
STJÓRN Orkuveitu Reykjavíkur
ákvað í gær að fela forstjóra fyrir-
tækisins að gera úttekt á möguleik-
um OR til að afla raforku fyrir stór-
iðju í Helguvík. Meðal annars verður
hugað að mögulegri orkuöflun, flutn-
ingsleiðum, verði og hagkvæmni, öfl-
un rannsóknaleyfa, umhverfisþátt-
um og áhrifum á efnahagslífið.
Alfreð Þorsteinsson, stjórnarfor-
maður OR, sagði í samtali við Morg-
unblaðið að fimm stjórnarmenn
hefðu samþykkt þessa tillögu en
fulltrúi vinstri-grænna hefði verið
mótfallinn henni. Hann bætti því við
að forstjórinn myndi hefja vinnu við
þessa tillögu á næstu dögum og
leggja niðurstöðu könnunarinnar
fyrir stjórnarfund í næsta mánuði.
Tryggvi Friðjónsson, fulltrúi
vinstri-grænna í stjórn Orkuveitu
Reykjavíkur (OR), segist ekki hrif-
inn af þeirri hugmynd að forstjóri
Orkuveitunnar fái heimild til úttekt-
ar á því hvort OR geti útvegað orku
fyrir mögulegt álver í Helguvík. Ál-
ver í Helguvík leysi ekki þau at-
vinnuvandamál sem komið hafi upp á
Suðurnesjum með fyrirhuguðu
brotthvarfi varnarliðsins. „Það er
talað um að þetta sé mikið högg fyrir
Suðurnesjamenn, sem það eflaust er,
en álver leysir ekki vanda dagsins í
dag. Þetta er pólitískt útspil sem er
ekki líklegt að komi til framkvæmda
fyrr en að tveimur til þremur árum
liðnum, þannig að þetta leysir ekki
neinn vanda í dag,“ sagði Tryggvi.
Hann hafi bent á það á stjórnarfund-
inum að á seinasta ári hafi fulltrúar
R-listans lýst því yfir að skoða ætti
þessi mál með heildstæðum hætti og
hann hafi ítrekað það. Það ætti að
fara yfir málin á vettvangi eigenda
OR sem væri fyrst og fremst
Reykjavíkurborg. „Mér finnst það
ekki bara verkefni stjórnar Orku-
veitunnar að taka afstöðu eins og
þessa heldur verkefni eigandans og
þar með borgarstjórnar. Það var
megininntakið í afstöðu minni til
málsins í dag,“ segir Tryggvi.
Óeðlilegt að gera ekki
þessa könnun
Guðlaugur Þór Þórðarson, borg-
arfulltrúi Sjálfstæðisflokksins sem
sæti á í stjórn Orkuveitu Reykjavík-
ur, segir að það væri óeðlilegt ef
Orkuveitan gerði ekki úttekt á því
hvort hún gæti útvegað álveri í
Helguvík rafmagn. „Það segir sig
sjálft að fyrirtæki sem er í orku-
rekstri, eins og Orkuveitan, hlýtur
að skoða valkost eins og þennan.
Menn hljóta að gera það út frá hag-
kvæmni fyrir Orkuveituna, mögu-
legum áhrifum virkjanafram-
kvæmda á umhverfið og
efnahagslífið,“ sagði Guðlaugur í
samtali við Fréttavef Morgunblaðs-
ins.
Varðandi afstöðu Tryggva Frið-
jónssonar, sem situr í stjórninni sem
fulltrúi vinstri-grænna, að það sé
ekki verkefni stjórnar Orkuveitunn-
ar að taka afstöðu eins og þessa held-
ur verkefni borgarstjórnar, segist
Guðlaugur ekki ætla að tjá sig sér-
staklega um innanbúðarvanda R-
listans. Það sé löngu ljóst að R-list-
inn sé óhæfur til að stjórna borginni
og það sé eins í þessu máli og öðru.
Guðlaugur Þór segir það klárt mál
að álver myndi hafa jákvæð áhrif á
atvinnulífið á Reykjanesi, ekki þurfi
að fjölyrða um það.
OR mun kanna möguleika
á orkusölu til Helguvíkur
RÍKISKAUP hafa ákveðið að fram-
lengja samninginn um eldsneyt-
iskaup ríkisstofnana um eitt ár.
Að sögn Júlíusar Ólafssonar,
forstjóra Ríkiskaupa, var núver-
andi samningur gerður við Olíufé-
lagið og Skeljung í upphafi árs
2003 að undangengnu útboði. Var
samningurinn gerður til tveggja
ára með mögulegri framlengingu
tvisvar til eins árs í senn. Samning-
urinn gildir því til 30. apríl 2007,
en þá fer eðli málsins samkvæmt
fram útboð á eldsneytiskaupum
ríkisstofnana.
Fyrr í vikunni hvöttu for-
ráðamenn Atlantsolíu Ríkiskaup til
að endurnýja ekki samninginn og
fara þess í stað strax í útboð. Að-
spurður segir Júlíus það ekki hafa
komið til greina þar sem menn
hafi metið það sem svo að núver-
andi samningur væri það góður að
fyllsta ástæða væri til að klára
samningstímabilið.
Ríkiskaup fram-
lengja samning
um eldsneytiskaup
HALLDÓR Ásgrímsson forsætis-
ráðherra sagði á Alþingi í gær að
þótt verðtrygging lánsfjár væri á
vissan hátt gölluð væri mjög erf-
itt að afnema hana við þau skil-
yrði, þ.e. þær miklu sveiflur, sem
nú væru í þjóðfélaginu. „Ef taka
á upp gengistryggingu í staðinn
liggur náttúrlega fyrir að lán
yrðu að meira eða minna leyti í
erlendri mynt í stað þess að vera
í íslenskum krónum. Til lengri
tíma litið er ég þeirrar skoðunar
að stefna beri að því að afnema
verðtrygginguna, en við þau skil-
yrði sem núna eru sé ég ekki að
forsendur séu til þess.“ Þetta
kom fram í máli hans í umræðu
utan dagskrár um stöðu efna-
hagsmála.
Sigurjón Þórðarson, þingmaður
Frjálslynda flokksins, var máls-
hefjandi umræðunnar. Hann vék
m.a. að verðtryggingunni og
sagði:
„Með núverandi verðtryggingu
mun hækkandi verðbólga nær
eingöngu bitna á viðskiptavinum
bankanna þar sem bankarnir eru
tryggðir í bak og fyrir,“ sagði
hann.
„Við í Frjálslynda flokknum er-
um sannfærð um að ef verðtrygg-
ingin yrði afnumin yrði erlend
lántaka íslenskra banka miklum
mun varfærnari en nú er.“
Erfitt að
afnema
verðtryggingu