Morgunblaðið - 31.03.2006, Qupperneq 28

28 FÖSTUDAGUR 31. MARS 2006 MORGUNBLAÐIÐ
DAGLEGT LÍF Í MARS
ÍSLENSKA lambalærið er alltaf
gott kryddað og ofnsteikt, en það
er líka hægt að gera á því ýmsar
tilraunir með góðum og gómsætum
árangri. Daglegt líf fékk Sólmund
Oddsson, kjötiðnaðarmeistara hjá
Nóatúni, til liðs við sig. Hann var
beðinn um að kenna áhugasömum
réttu handtökin við úrbeiningu
lambalæris og auk þess að koma
með hugmyndir að tveimur ólíkum
fyllingum, sem hægt er að fylla
lærin með áður en þau eru sett í
ofninn.
Áður en Sólmundur hófst handa
við úrbeininguna lagði hann á það
ríka áherslu að mikilvægt væri að
brúka góða og beitta kjöthnífa við
athöfn þessa. Úrbeiningin fælist í
því að fjarlægja þrjú bein úr lær-
inu, í fyrsta lagi rófubeinið, síðan
mjaðmabeinið og loks lærlegginn. Á
meðfylgjandi myndum sést hvernig
best er að bera sig að við úrbein-
inguna, en treysti menn sér ekki í
athöfn þessa má alltaf leita til kjöt-
meistara Nóatúns, að sögn Sól-
mundar, sem úrbeina fyrir við-
skiptavini með glöðu geði. Einnig
má benda á að læri fást úrbeinuð
og fyllt í verslunum Nóatúns.
Sólmundur bar fram tvær ólíkar
fyllingar í lærin. Annars vegar vill-
isveppa- og tómatfyllingu og hins-
vegar ávaxta- og gráðostafyllingu.
Að lokum er fyllta lærið steikt í
ofni við 180–200° í 1½–2 tíma. Gott
er að snúa því tvisvar til þrisvar á
meðan á steikingu stendur.
 HELGARSTEIKIN | Úrbeinað, ofnsteikt, fyllt lambalæri í matinn
Gómsætar fyllingar
gera gæfumuninn
1. Lærið fituhreinsað. Rófubein fjarlægt. 2. Mjaðmabein losað frá mjaðmalið. 3. Skorið upp með lærleggnum allan hringinn.
4. Lærinu snúið við. Skankinn úrbeinaður og
skorið meðfram lið.
Eftir Jóhönnu Ingvarsdóttur
join@mbl.is
5. Himnur skafnar frá leggliðnum.
6. Lærleggurinn snúinn út.
7. Sjáanleg fita hreinsuð út.
8. Þegar úrbeiningunni er lokið hafa þrjú bein verið fjarlægð, rófubeinið,
mjaðmabeinið og lærleggurinn.9. Fyllingin sett inn í lærið, en gott er að krydda það smávegis að innan áður.
Villisveppa- og tómatfylling
Þurrkaðir villisveppir, bleytt-
ir upp í volgu vatni í 15–20
mínútur.
Sólþurrkaðir tómatar ásamt
olíunni af tómötunum
Fetaostur án olíunnar
Krydd eftir smekk
Ávaxta- og gráðostafylling
Þurrkaðir ávextir
Gráðostur eftir smekk, skor-
inn í sneiðar
Krydd eftir smekk
Eftir að úrbeiningin er um
garð gengin, er annarri hvorri
fyllingunni komið fyrir innan í
lærinu. Tvær aðferðir eru til
við að loka lærinu, að sögn Sól-
mundar. Best er að loka lærinu
með neti, en ef það er ekki til,
má loka lærinu með því að
stinga löngum tréprjóni í gegn-
um það svo fyllingin haldist á
sínum stað. Uppáhaldskryddið
hans Sólmundar á lamb-
asteikina er kryddið „Best á
lambið“, en auðvitað hafi menn
sína sérdynti þegar kemur að
krydduninni.
Morgunblaðið/Kristinn
Sólmundur Oddsson, kjötiðnaðarmeistari hjá Nóatúni, segir mikilvægt að brúka beitta kjöthnífa við úrbeininguna á lambalærinu.