Morgunblaðið - 25.03.2007, Blaðsíða 40

Jaxlar Varnarmennirnir Carles
Puyol og Lilian Thuram teygja úr
skönkunum. Þeir eru í hópi leik-
reyndustu manna á Nývangi.
Hart barist Börsungar slá ekkert af á æfingum. Hér fylgist Eiður Smári
Guðjohnsen með Samuel Eto’o og Oleguer glíma um knöttinn.
Það er brakandi blíða í Barse-lónuborg þennan mars-morgun. Veðrið eins og þaðgerist best á Íslandi – í júlí
eða ágúst. Ég er staddur fyrir utan
hið sögufræga höfuðvígi Barcelona-
liðsins, Nývang, og freista þess að fá
aðgang að æfingu liðsins. Dreg í því
skyni upp skilríki og veifa framan í
menn. „Ísland,“ segir vörðurinn við
hliðið og hrifningin leynir sér ekki.
„Ertu vinur Eiðs?“ Sennilega gerir
hann ráð fyrir að allir Íslendingar
þekkist. Athygli vekur að vörðurinn
segir skýrt og greinilega „Eiður“,
eins og hann hafi slitið barnsskónum í
Borgarfirðinum. Hvað þetta varðar
liggur katalónskan bersýnilega nær
íslenskunni en gamla góða enskan.
Eins og mönnum er kunnugt heitir
okkar maður „Ædur“ þar um slóðir.
Það reynist auðsótt að komast inn
á æfinguna enda búið að plægja ak-
urinn fyrir mig. Ég held sem leið ligg-
ur meðfram norðurhlið Nývangs en
æfingasvæði liðsins er við hliðina á
sjálfum vellinum. Hafi menn séð fyrir
sér heilu hektarana er það misskiln-
ingur. Evrópumeistararnir æfa á
pínulitlum grasbala sem varla nær
því að vera löglegur knattspyrnuvöll-
ur að stærð. Vara- og unglingaliðin
æfa annars staðar.
„Ég kann vel við þennan æf-
ingavöll,“ segir Eiður Smári Guð-
johnsen við mig síðar um daginn.
„Það fylgir því ákveðin stemning að
koma á leikvanginn á hverjum degi
og við notum meira að segja sömu
búningsaðstöðuna og fyrir leiki.“
Til samanburðar má geta þess að
æfingasvæði Chelsea í Lundúnum,
þar sem Eiður Smári var áður, er
langt frá Stamford Bridge og þannig
mun það víðast hvar vera hjá stórlið-
unum í Evrópu.
U.þ.b. fimmtán manns eru saman
komnir við völlinn í sömu erindum og
ég. Mestmegnis blaða- og fjölmiðla-
menn. Spænskur starfsbróðir minn
hefur þegar dregið skrifblokk úr
pússi sínu – ætlar augljóslega ekki að
láta neitt framhjá sér fara.
Við stöndum við aðra hlið æf-
ingavallarins. Risavaxið vírnet gnæfir
yfir okkur. Það þjónar þeim tilgangi
að halda tuðrunni inni á svæðinu, líkt
og kemur í ljós síðar. Við hina hlið
vallarins er veggur þakinn risavöxn-
um myndum af leikmönnum Barce-
lona. Eiður Smári er einbeittur á
sinni mynd. Myndirnar af Ronald-
inho eru tvær. Hvernig ætli það sé að
æfa svona innan um sjálfan sig, ef
þannig má að orði komast?
Þegar ég er búinn að bíða átekta í
um stundarfjórðung – og m.a. forða
mér á elleftu stundu undan vatns-
úðaranum – dregur til tíðinda. Leik-
menn Barcelona byrja að tínast inn á
völlinn. Okkar maður er í broddi fylk-
ingar ásamt brasilíska bakverðinum
Sylvinho. Vel fer á með þeim.
Aðstaða almennings til að fylgjast
með æfingunni utan hliðsins er bág-
borin en eigi að síður eru örugglega
tvö til þrjú hundruð manns þar sam-
an komin og bresta á mikil fagn-
aðarlæti þegar goðin ganga á hólm.
Hver stjarnan rekur aðra en fljótt
kemur í ljós að ein sú skærasta er
fjarri góðu gamni – Ronaldinho hefur
fengið frí.
Eftir að hafa hlaupið tvo hringi
kringum völlinn er hópnum skipt í
tvennt og spilaður reitabolti. Leik-
menn mynda hring og tveir taka sér
stöðu í miðjunni; reyna að ná bolt-
anum af hinum. Eins og gefur að
skilja er ekki hlaupið að því að slá
menn á borð við Messi, Deco og Eið
Smára út af laginu, þannig að sumir
þurfa að snúast býsna lengi um sjálfa
sig í miðjum hringnum. Létt er yfir
mönnum og öllum mistökum fagnað
með skærum skrækjum. Eins og lög
gera ráð fyrir.
Á einum tímapunkti lenda miðherj-
arnir Eiður Smári og Samuel Eto’o
saman inni í hringnum. Eru þá í hinu
óvenjulega hlutverki að vinna boltann
en ekki koma honum í markið. Aðlög-
unarhæfni Íslendingsins er greini-
lega meiri því hann flengist um flöt-
ina meðan Kamerúninn tiplar um á
tánum. Menn geta ímyndað sér hvor
Á bala
Börsunga
Reuters
Stjórnandinn Hollendingurinn Frank Rijkaard sér til þess að strengir Barcelona-sinfóníunnar séu rétt stilltir.
Þeir fara á fætur á morgnana og reima á sig skóna
líkt og vér dauðlegir menn. En þar lýkur samanburð-
inum. Leikmenn knattspyrnuliðs Barcelona eru engir
venjulegir launþegar. Þeir eru átrúnaðargoð milljóna
manna um heim allan. Orri Páll Ormarsson var fluga
á vegg, eða öllu heldur vírneti, á æfingu Evrópumeist-
aranna fráfarandi á Nývangi á dögunum.
knattspyrna
40 SUNNUDAGUR 25. MARS 2007 MORGUNBLAÐIÐ