Morgunblaðið - 20.04.2007, Page 28

mælt með...
28 FÖSTUDAGUR 20. APRÍL 2007 MORGUNBLAÐIÐ
Vorhreingerning og spil
Nú þegar það er orðið sólríkt og
bjart þá er kominn tími á almenni-
lega tiltekt í skápum og skúffum.
Hvernig væri að virkja fjölskylduna í
tiltekt, jafnvel hafa verðlaun, grilla
svo og standa fyrir skemmtilegu
spilakvöldi? Séu börnin orðin læs
toppar fátt að sitja með sínu fólki yfir
Scrabble-spilinu eða Pictionary.
Skagafjörður og hrossin
Í Skagafirði verða um helgina dag-
arnir Tekið til kostanna. Bæði í kvöld
og annað kvöld eru sýningar hesta-
manna á gæðingum og atriði í léttum
dúr. Hestadagarnir hefjast hinsvegar
með Theodórsþingi sem Sögusetur
íslenska hestsins stendur fyrir í dag,
en þingið er haldið til heiðurs Theo-
dóri Arnbjörnssyni fyrrverandi
hrossaræktarráðunaut. Af öðrum
viðburðum má nefna reiðkennslusýn-
ingu Hólaskóla, vorsýningu kynbóta-
hrossa, opinn dag á hrossaræktar-
búum og sýningu á stærsta hesthúsi
landsins. Hægt er að skoða dag-
skrána á www.digitalhorse.is
Ferða- og sumarsýning
Hvernig væri nú að heimsækja Fíf-
una um helgina, en þar verður eitt-
hvað fyrir alla fjölskylduna? Á ferða-
sýningunni verður hægt að kynna sér
allt mögulegt sem stendur til boða
þegar fólk fer að ferðast út á land í
sumar.
Á sumarsýningunni er hægt að
fræðast um allt sem við kemur sum-
arhúsi og sumrinu og svo geta golf-
unnendur viðað að sér hinu og þessu
um íþróttina. Valinn verður blóma-
skreytir ársins, boðið upp á hesta-
teymingar fyrir börnin og línudans er
líka á dagskránni.
Gróttudagur á Nesinu
Á morgun verður árlegur Gróttu-
dagur haldinn í Gróttu á Seltjarnar-
nesi frá kl. 13–16 en þá er fjara og
fært gangandi vegfarendum út í eyj-
una. Að þessu sinni sér Selkórinn um
skipulagningu dagsins og af því til-
efni munu félagar í kórnum hefja upp
raust sína í eyjunni. Gestir geta farið
upp í vitann, börnin fá plastpoka til að
safna í fjársjóðum úr fjörunni og
hægt verður að kaupa vöfflur, kaffi
og safa. Þeir sem ekki treysta sér til
að ganga út í Gróttu geta ekið með
Björgunarsveitinni Ársæli.
Íshokkí fyrir fjölskylduna
Hvernig væri nú að fjölskyldan
drifi sig á íshokkíleik í skautahöllinni
í Laugardal á morgun, laugardag?
Þar verður þriðji úrslitaleikur Ís-
landsmóts karla klukkan 17.
Það er mikið um að vera á íshokkí-
leikjum, skemmtileg tónlist er leikin
meðan á leik stendur og oft skapast
mjög skemmtileg stemmning.
Morgunblaðið/Hafþór Hreiðarsson
Morgunblaðið/Sverrir
Graflax er lostæti sem flestirþekkja og hver veiðimaðurætti að grafa sinn fisk sjálf-
ur. Hér er auðveld og skemmtileg
aðferð frá Ragnari Ómarssyni mat-
reiðslumeistara fyrir veiðimenn
jafnt sem aðra sem ættu að geta
galdrað fram þennan létta og ljúf-
fenga rétt.
Graflax
11⁄2 kg laxaflak (beinhreinsað, biðjið
fisksalann að gera það fyrir ykkur)
100 g salt
70 g sykur
10 g (um ½ tsk.) svartur pipar
1 msk. fennelduft
1 msk. kóríanderduft
3 msk. dill (dillinu, fennelinu og
kóríandernum má skipta út fyrir
önnur krydd ef eitthvað er ekki til í
kryddskápnum)
börkur af einn sítrónu
1 msk. fersk mynta, gróft söxuð
(má sleppa)
Blandið öllu kryddtegundunum
saman og stráið 1⁄3 hluta blöndunnar
í botninn á bakka. Leggið laxaflakið
í bakkann þannig að roðið snúi niður
og stráið svo restinni af kryddinu yf-
ir flakið og lokið bakkanum vel með
plastfilmu. Látið standa á borði í 3
klst. og síðan í kæli í sólarhring. Þá
er flakið hreinsað undir köldu vatni
og þerrað á pappír.
Loks er fersku dilli stráð yfir, lax-
inn síðan sneiddur þunnt og borinn
fram með graflaxsósu og ristuðu
brauði.
Graflaxsósa
2 msk. púðursykur
2 msk. hunang
2 msk. sætt sinnep
2 msk. Dijon sinnep
1 msk. dill
½ tsk. kóríanderduft (má sleppa)
2 msk. sítrónusafi
1 dl bragðlítil olía (ekki extra virgin)
2 msk. sýrður rjómi (val)
smakkað til með salt og pipar
Hrærið púðursykrinum, hunang-
inu, sinnepinu, dillinu og sítrónusaf-
anum vel saman. Hellið þvínæst olíu-
nni varlega útí og hrærið í allan
tímann. Bætið loks sýrða rjómanum
saman við (má sleppa) og smakkið til
með salti og pipar.
Graflax – sígildur í veisluna
Sósan Krydduð og góð.
Girnilegur graflax Sígildur forréttur sem klikkar aldrei.
Meistaramatur
mbl.is/meistaramatur
VEFVARP mbl.is
meistaramatur