Morgunblaðið - 11.05.2007, Side 31

Eftir Hjört Gíslason
hjgi@mbl.is
„ÞAÐ er rólegt núna. Ekkert sem
minnir á hinn gamla góða lokadag.
Menn fá sér ekki einu sinni flösku.
Þetta er liðin tíð. Það er engin
stemmning orðin í þessu. Þetta er
eins og verksmiðjuvinna. Það er engin
samkeppni. Sumir eiga kvóta og geta
djöflazt á því og fiskað miklu meira en
hinir,“ sagði Sverrir Vilbergsson,
hafnarstjóri í Grindavík, þegar Morg-
unblaðið spjallaði við hann. Tilefnið
var lokadagur hinnar hefðbundnu
vetrarvertíðar, sem er í dag.
„Æi, þetta er svona hálf fúlt. Ekk-
ert orðið gaman af þessu. Menn eru
alveg hættir að pæla hver í öðrum og
það kemur aldrei orðið maður upp á
vigt til að ná í vigtarnótu og til að
pæla í því hvað hann hafi verið að
fiska og hve mikið hinir hafi fengið.
Engar svona pælingar. Menn eru
ekki lengur með skrifað upp á vegg
hjá sé hve mikill hásetahluturinn sé
orðinn eftir daginn. Það kannski einn
og einn sérvitringur sem er að leika
sér að þessu ennþá. En þeir eru fáir,“
sagði Sverrir.
Þeir fá fisk í þetta samt
Það var lítið um að vera hjá Sverri í
gær. Marta Ágústsdóttir var þó að
landa ríflega fimm tonnum. „Þeir eru
þó að róa, en þetta er bara gutl á þess-
um netabátum. En það hefur verið
fiskur í netin og þeir gætu sjálfsagt
verið að fiska töluvert, ef þeir væru
með einhver almennileg veiðarfæri í
sjó. Þessir netabátar, þeir leggja ný-
leg net um áramót og svo hafa þeir
varla skipt um net í vetur. Ég veit
ekki hvern andskotann þeir eru að
draga. Það er ekkert eftir nema tein-
ar og einhverjar lufsur hér og þar. En
þeir fá fisk í þetta samt.
Litlu línubátarnir eru að kroppa
þetta 5 til 8 tonn í róðri og það verður
að teljast ágætt. Þeir eru bara hér
stutt undan, hálftíma, klukkutíma
stím. Svo halda menn áfram meðan
fiskur og kvóti er til. Þegar tregast
hér fara þeir eitthvert annað, norður
eða austur fyrir land.
Þessi vertíð er búin að vera þannig
að það hefur verið hundleiðinlegt tíð-
arfar lengst af. En það er örugglega
búinn að vera talsverður fiskur á
þessari slóð, sérstaklega frá miðjum
marz. Með alvörusókn hefði örugg-
lega verið hægt að fiska töluvert mik-
ið. Mjög mikið á köflum ef sóknin
hefði verið eins og í gamla daga og
menn með veiðarfæri eins og þá.
Stóru línubátarnir eru búnir að gera
það ótrúlega gott á vertíðinni. Þeir
eru búnir að fá alveg hellings afla.
Kristín er búin að landa mestu,
1.477,6 tonnum af slægðum fiski frá
áramótum, en auk þess hefur hún
einu sinni landað í Njarðvíkunum.
Það hefði einhvern tímann þótt sæmi-
legur vertíðarafli. Ágúst er búinn að
landa um 1.160 tonnum og Sturla er
með rúm þúsund, en hann var frá
vegna þess að hann fór í slipp. Þetta
er feiknarlegur afli og ekki hefur tíð-
arfarið alltaf verið til að hrópa húrra
fyrir. Stórviðri á köflum.
Á heildina litið er aflinn svipaður
og í fyrra, en það hefur verið meiri
fiskur á slóðinni seinnipart vertíðar
en í fyrra,“ sagði Sverrir Vilbergsson.
Hinn hefðbundni lokadagur vetrar-
vertíðarinnar heyrir nú sögunni til
Ljósmynd/Þorsteinn G. Kristjánsson
Róðrar Leiðinlegt veðurfar setti mark sitt á vertíðina. Marta Ágústsdóttir á leið inn til Grindavíkur.
Fá sér ekki einu sinni flösku
E
N
N
E
M
M
/
S
ÍA
/
N
M
2
7
6
5
6
Sævarhöfða 2 Sími 525 8000 www.ih.is Opið: Mánudaga – föstudaga kl. 9.00 - 18.00 og laugardaga kl. 12.00 - 16.00
3.590.000kr.
Saab
Ertu ekki örugglega í þotuliðinu?
Það er klassi yfir Saab 9-3 ARC bílunum, enda á Saab sér áratugalanga sögu sem einn stílhreinasti
og öruggasti bíll sem völ er á. Saab 9-3 er margverðlaunaður bíll þar sem öryggi og mýkt í akstri
eru í fyrirrúmi. Stórkostleg hönnun, öflug vél og ríkulegur staðalbúnaður gera Saab 9-3 að
góðum kosti fyrir þá sem gera miklar kröfur!
Komdu og reynsluaktu, finndu muninn!
Saab 9-3 ARC
Umboðsmenn
um land allt
Njarðvík
421 8808
Höfn í Hornafirði
478 1990
Reyðarfirði
474 1453
Akureyri
464 7940