Morgunblaðið - 02.12.2007, Blaðsíða 4

4 SUNNUDAGUR 2. DESEMBER 2007 MORGUNBLAÐIÐ
FRÉTTIR
Eftir Sunnu Ósk Logadóttur
sunna@mbl.is
GERT er ráð fyrir að um 1.500 nem-
endur og um 300 starfsmenn Há-
skóla Íslands fái aðstöðu á Há-
skólatorgi og í Gimli en
byggingarnar voru vígðar við hátíð-
lega athöfn síðdegis í gær, laug-
ardag. Að auki munu leggja þangað
leið sína þúsundir nemenda háskól-
ans, því þar verður m.a. til húsa
námsráðgjöf, nemendaskrá, Al-
þjóðaskrifstofa HÍ, Bóksala stúd-
enta og veitingasalur. Bygging-
arnar tvær, auk tengibygginga sem
nefnast Traðir, eru samtals um 10
þúsund fermetrar. Þar munu m.a. fá
aðstöðu framhalds- og dokt-
orsnemar sem og nemendur með
fötlun. Þar verður einnig að finna
vel búið tölvuver, tugi lesrýma og
fyrirlestrarsali á heimsmælikvarða.
Þá er þar útikennslustofa, „gríska
leikhúsið“ líkt og einn viðmælandi
Morgunblaðsins komst að orði, sem
notuð verður á góðviðrisdögum við
kennslu. Þar er auðvitað þráðlaust
netsamband.
Vestur-Íslendinga minnst
ÍAV byggja húsin og hönnun
þeirra er verk Hornsteina og
Teiknistofu Ingimundar Sveins-
sonar. „Vits er þörf þeim er víða
ratar“, listaverk Finns Arnar Arn-
arssonar myndlistarmanns, var val-
ið til þess að prýða Háskólatorgið.
Verkið er til minningar um gjöf
Vestur-Íslendinganna er stofnuðu
Háskólasjóð Eimskipafélags Ís-
lands. Verkið er þeim sérstæða eig-
inleika gætt að það breytist eftir því
hvernig vindurinn blæs.
Byggingarnar verða teknar smátt
og smátt í notkun næstu vikur og
mánuði enda nokkur handtök enn
eftir við smíðina innandyra sem ut-
an. Á annað hundrað iðnaðarmenn
voru enn að störfum þar á föstudag.
Þó er stefnt að því að kenna í húsinu
strax á mánudag, en þá munu MBA-
nemar koma saman í svonefndum
hringsal, sem er fyrsta flokks
kennslustofa, fá fyrirlestur um
stefnumótun í alþjóðaviðskiptum og
ræða um markaðssetningu snyrti-
vara í Japan og Kína.
Stórbætt aðstaða
„Verið er að stórbæta aðstöðu og
þjónustu við nemendur og kennara
háskólans,“ segir Ingjaldur Hanni-
balsson, formaður bygginga-
nefndar, um nýbyggingarnar.
„Þetta gjörbreytir líka öllu há-
skólasvæðinu. Hér eru skrifstofur
fyrir starfsfólk og hægt að ganga
þurrum fótum milli húsa. Hér fá
nemendur mun betri lesaðstöðu og
aðstöðu til hópavinnu. Þetta mun
auðvelda öll samskipti milli fólks á
mismunandi sviðum.“
Svonefndar Traðir munu tengja
nýbyggingarnar bæði ofanjarðar og
neðan við eldri byggingar á há-
skólasvæðinu; Odda, Lögberg og
Nýja Garð, en Gimli og Háskólatorg
eru m.a. hugsuð til að bæta aðstöðu
viðskipta- og hagfræðideildar og fé-
lagsvísindadeildar. Næsta skref
verður síðan að tengja þennan
kjarna við Árnagarð og í framhald-
inu við háskólabyggingar vestan
Suðurgötu, m.a. fyrirhugaða Stofn-
un Vigdísar Finnbogadóttur. Þar
með verður háskólasvæðið í Vatns-
mýrinni allt tengt saman, yfir 35
þúsund fermetrar.
Háskólatorg er fjármagnað með
þrennum hætti. Í fyrsta lagi fyrir fé
frá Happdrætti Háskóla Íslands, þá
fyrir 500 milljóna króna framlag úr
Háskólasjóði Eimskips og í þriðja
lagi fyrir fé sem fæst með sölu á
eignum Háskólans við Aragötu.
Kostnaður við torgið var upphaflega
ákveðinn 1.600 milljónir króna og
var verkið boðið út miðað við þá
upphæð. Tekið var tilboði Íslenskra
aðalverktaka (ÍAV) og að sögn Ingj-
alds fór verkið aðeins lítið eitt fram
úr áætlun, aðallega vegna þess að
Háskólinn vildi bæta við hæð ofan á
Gimli og jarðvinna var meiri en ráð
hafði verið fyrir gert.
Brautryðjandinn Páll Skúlason
Háskóli Íslands hefur í nokkur ár
unnið að undirbúningi Há-
skólatorgsins. Fyrstu skóflustung-
una tóku Þorgerður Katrín Gunn-
arsdóttir menntamálaráðherra og
Björgólfur Guðmundsson, formaður
stjórnar Háskólasjóðs h/f Eim-
skipafélags Íslands, 5. apríl 2006 og
hófust framkvæmdir strax í kjölfar-
ið. Hornsteinn að torginu var svo
lagður við hátíðlega athöfn á
þjóðhátíðardaginn 17. júní 2007.
Meginhugmyndin með Há-
skólatorginu er, eins og Páll Skúla-
son, fráfarandi rektor, sem var
brautryðjandi verkefnisins, hefur
lýst, sú ævaforna hugmynd, „að há-
skóli sé eins og lítið samfélag, bær
eða þorp sem byggist upp í kringum
miðju eða torg þar sem nemendur,
kennarar og aðrir starfsmenn og
gestir Háskólans eiga daglegt er-
indi.“
Og það er einmitt þannig sem hin-
um nýju byggingum er best lýst.
Þeim er ætlað að vera miðpunktur
háskólasamfélagsins, samkomu-
staður fólks úr ólíkum deildum há-
skólans, nokkurs konar suðupottur
hugmynda.
Algjör bylting
„Þetta er algjör bylting,“ segir
Kristín Ingólfsdóttir, rektor Há-
skóla Íslands, um nýbyggingarnar
sem vígðar voru í gær. „Þetta er
bylting fyrir allan skólann, bæði
fyrir nemendur og kennara. Hér
verðum við með þjónustustofnanir
fyrir stúdenta, stúdentar allra
deilda geta nú komið á einn stað til
að sækja þá þjónustu sem þeir
þurfa. Þá geta kennarar og nem-
endur komið hér saman til að borða
og eiga samskipti.“
Kristín er spurð hvernig henni
finnist hafa tekist til við að gæta
þess að nýju húsin skyggi ekki á Að-
albygginguna, líkt og margir höfðu
áhyggjur af í upphafi. „Mér finnst
hafa tekist alveg einstaklega vel til
með hönnun á þessum byggingum.
Þær fara að mínum dómi ein-
staklega vel hér á lóðinni og skyggja
engan veginn á Aðalbygginguna.
Það er alveg rétt að í huga okkar
háskólafólks hefur Aðalbyggingin
og skeifan fyrir framan hana algjöra
sérstöðu. Allt sem við gerum tekur í
raun mið af því að skyggja ekki á
hana. Það hefur tekist.“
Við athöfnina sem fram fór á Há-
skólatorginu var m.a. á dagskránni
ávarp Þorgerðar Katrínar Gunn-
arsdóttur menntamálaráðherra og
afhjúpun Björgólfs Guðmunds-
sonar, stjórnarformanns Há-
skólasjóðs Eimskips, á listaverki
Finns Arnar Arnarssonar „Vits er
þörf þeim er víða ratar“, sem prýðir
miðrými Háskólatorgs. Þá flutti
Kristín Ingólfsdóttir háskólarektor
ávarp, auk fulltrúa stúdenta, Fé-
lagsstofnunar stúdenta og bygging-
araðila. Háskólakórinn söng og
gleðisveitin 7 á Torgi lék tónlist.
Samkomustaður háskólasamfélagsins
Í skýjunum Kristín Ingólfsdóttir, rektor HÍ, og Ingjaldur Hannibalsson, formaður bygging-
arnefndar, við listaverk Finns Arnar Arnarssonar sem prýðir miðrými Háskólatorgs.
Smiðshöggið Í nýju byggingunum verða nokkrir vel útbúnir fyrirlestr-
arsalir eins og þeir gerast bestir í heiminum í dag.
Stórbætt aðstaða og þjónusta verður
við nemendur og kennara Háskóla
Íslands á Háskólatorgi og í Gimli
Morgunblaðið/Kristinn
Vinnustofur Skrifstofur kennara nokkurra deilda Háskóla Íslands verða í nýju byggingunum.
Á næstu vikum má gera ráð fyrir að kennarar komi til með að flytja inn.
        


       

     
 









!"#$
 „MEGINVERKEFNI okkar var
annars vegar að koma þessu
mikla byggingarmagni fyrir
þannig að það truflaði ekki gömlu
Aðalbygginguna og að nýju bygg-
ingarnar myndu falla vel að þeim
sem eru fyrir á svæðinu,“ segir
Ögmundur Skarphéðinsson, arki-
tekt hjá Hornsteinum sem hann-
aði húsið ásamt Teiknistofu Ingi-
mundar Sveinssonar. „Hitt
meginleiðarstefið í hönnuninni
var að koma fyrir þeim tíu þús-
undum manna sem þarna munu
fara um á hverjum einasta degi.“
Lagt var mikið upp úr að flæði
milli bygginganna væri gott og að
„alltaf væri einhver upplifun á
leiðinni, ekki bara langir gang-
ar“, segir Ögmundur. Við gang-
ana eru m.a. lítil garðsvæði og þá
tengist þeim lesaðstaða nemenda.
„Svo það verður alltaf líf á þessu
svæði.“
Tengt með Tröðum
Traðir tengja nýju bygging-
arnar við Odda, Nýja Garð og
Lögberg og síðar Árnagarð og
byggingar vestan Suðurgötu. Þar
með verður háskólasvæðið ein
heild. En það eru einnig aðrar
ástæður að baki – veðrið. „Með
því að gera þetta svona hafa
menn loksins viðurkennt að við
búum á Íslandi.“
Hluti bygginganna er neð-
anjarðar. Því þurfti að huga vel
að birtu í húsunum. „Það er mikil
kúnst að koma dagsbirtunni niður
þangað sem engir gluggar eru,“
segir Ögmundur. Það er m.a. gert
með stórri keilu á Háskólatorginu
en niður um hana flæðir birta.
Spurður um byggingarefnin
segir Ögmundur: „Við ákváðum
að velja steinsteypu og gler vegna
þess að þetta eru hlutlaus efni
gagnvart öðrum byggingum á
svæðinu.“
Lagt var mikið upp úr því að
Háskólatorgið yrði látlaust að ut-
an. „Þegar við vorum t.d. að
hanna gluggana þá studdumst við
við gluggana á Aðalbyggingunni
og færðum þá hönnun til nútíma-
legs horfs.“
Þess var gætt að byggingin
skyggði ekki á Aðalbygginguna.
Finnst Ögmundi það hafa tekist
vel? „Menn voru mjög ragir við
það að byggja nálægt Aðalbygg-
ingunni, en ég held að þessi út-
koma sýni að þær áhyggjur hafi
verið ástæðulausar. Mér finnst
þetta sýna að menn eigi að þétta
háskólasvæðið enn frekar, í stað
þess að byggja lengra í burtu.“
„Alltaf líf
á svæðinu“