Morgunblaðið - 02.12.2007, Blaðsíða 57
MORGUNBLAÐIÐ SUNNUDAGUR 2. DESEMBER 2007 57
Nú er Jón frændi farinn frá okk-
ur, hann hefur áreiðanlega verið
feginn að vera laus úr líkamanum
eftir veikindin sem voru búin að
hrjá hann síðustu árin. Við slíkt
tækifæri reikar hugurinn ósjálfrátt
aftur í tímann og allar góðu minn-
ingarnar um Jón frænda spretta
fram. Ég bjó hjá ömmum mínum til
fjögurra ára aldurs, og með ömmu
Oddnýju á Miklubraut bjuggu Jón
og Björg ásamt Þóru dóttur sinni.
Ég er því í raun búinn að þekkja
Jón frænda allt frá því ég fæddist.
Fyrst var ég vanur að kalla hann
bara „Jón“ eins og ég heyrði aðra
gera, en ein af fyrstu minningunum
um hann er þegar amma Oddný
benti mér á að ég ætti að kalla hann
„Jón frænda“, sem ég gerði síðan
alltaf upp frá því. Hann reyndist
mér einstaklega góður og gekk mér
að vissu leyti í föður stað fyrstu
uppvaxtarár mín. Óteljandi eru
minningarnar um skemmtilegar og
spennandi gjafir frá Jóni frænda,
sem hann pantaði stundum eftir
katalógum frá Bandaríkjunum.
Hann gaf mér mekkanó, eldspúandi
eimreið, bjálkahús, fyrsta arm-
bandsúrið, verkfæratösku og síðar
hljómplötur með klassískri tónlist
og fyrsta transistorútvarpstækið í
fermingargjöf. Í mörg ár var há-
punktur aðfangadagskvölds að
opna jólapakkann frá Jóni frænda,
sem venjulega var „harður“ pakki. Í
mörg ár nutum við Þóra miðanna
hans á tónleika Sinfóníunnar, og
þannig kynntumst við sem börn
helstu verkum tónbókmenntanna.
Jóni frænda var margt til lista
lagt. Hann hafði meðfædda tónlist-
argáfu og var atvinnumaður í tón-
list sem fiðluleikari. Auk þess hafði
hann óslökkvandi áhuga á tækni og
tækjum, ljósmyndun og rafeinda-
tækum, og allt lék í höndunum á
honum. Hann var sjálfmenntaður í
rafeindavirkjun en tók síðar próf og
fékk löggildingu í því fagi. Hann
lærði að smíða spennubreyta fyrir
amerísk heimilistæki og stóð að
framleiðslu þeirra og sölu í mörg ár.
Hann átti vél til að vinda þá í ýms-
um stærðum, og ég sé hann enn fyr-
ir mér við vélina á háaloftinu á
Miklubrautinni langt fram á kvöld
og um helgar.
Hann kynnti sér fræðin á bak við
gerð sjónvarpstækja, og á tímabili
var fjöldi manns í vinnu hjá honum
við framleiðslu fyrstu íslensku sjón-
varpstækjanna, SEN-tækjanna. Ég
man líka eftir flottu stereógræjun-
um hans með McIntosh-lampa-
magnaranum og eftir því sem
sennilega hefur verið eitt fyrsta
myndbandstækið hér á landi.
Jón var gæddur miklu jafnaðar-
geði, og oftast stutt í kímnina. Hann
hafði unun af góðum mat, og ófáar
eru veislurnar sem ég man eftir á
Miklubrautinni eða í sumarbú-
staðnum á Klaustri, bæði með kín-
verskum mat, sem hann hafði sér-
stakt dálæti á, og fræga reykta
svínalærinu hennar Bjargar með
piparrótarísnum og tómathlaupinu.
Á heimilinu blandaðist saman ilmur
af framandi kryddjurtum, vindla-
reyk og stundum brá fyrir tjörulykt
af verkstæðinu. Svo hljómuðu fiðlu-
tónarnir úr borðstofunni þegar Jón
var að æfa sig, ég held þeir hafi
fléttað sig saman við undirvitund
mína, enda hefur mér alltaf fundist
fiðla göfugasta hljóðfærið. En nú
hefur fiðlan hans Jóns frænda
þagnað í þessum heimi, en hljómar
þess í stað í heimi eilífðarinnar.
Erlendur.
Við andlát Möggu
reikar hugurinn til
bernsku- og æskuáranna í Víðikeri
í Bárðardal en Magga, eins og hún
vær ætíð kölluð, var konan hans
Kára föðurbróður og mamma
þeirra Hildar, Dústu Rönnu og Ás-
laugar. Ung kynntist Magga Kára
föðurbróður þar sem þau stunduðu
saman nám við Héraðsskólann á
Laugum. Heyrt hef ég sagt að
Kári föðurbróðir hafi náð í falleg-
ustu konuna á Austurlandi. Um
það er í sjálfu sér ekki hægt að
fullyrða en mín skoðun er sú, eftir
kynni sem spanna um 70 ár, að til
viðbótar því hvað Magga var fal-
leg, bæði sem ung stúlka og til 100
ára aldurs, hafi ekki verið auðvelt
að finna betri manneskju en hana.
Með flutningi foreldra minna að
Svartárkoti í Bárðardal sumarið
1946 breyttust aðstæðurnar enda
þótt Svartárkot væri næsti bær, en
bæjarleiðin var löng eða um 9 km.
Enn urðu umskipti þegar Kári og
Magga fluttu með fjölskyldu sína
til Hveragerðis sumarið 1954.
Þrátt fyrir þessar breytingar
héldu ættarböndin og þegar ég
starfaði á Keflavíkurflugvelli vet-
urinn 1955-6 voru margar ferðir
farnar í Hveragerði að heimsækja
frændfólkið. Vorið 1958, að afloknu
námi við Samvinnuskólann á Bif-
röst, réð ég mig um skamman tíma
í vinnu í Hveragerði. Ég var þá
kostgangari hjá Möggu og Kára,
enda einhleypur.
Eftir að við Sigrún giftum okkur
vorið 1963 styrktust fjölskyldu-
böndin enn meir en fljótlega urðu
þær Sigrún og Magga mjög nánar
vinkonur. Hélst það innilega sam-
band fram á síðasta haust þegar
Sigrún konan mín veiktist og dó
snemma á þessu ári. Svo náið var
sambandið að oft var sagt í gríni
að með Sigrúnu hefðu þau Magga
og Kári eignast fimmtu dótturina.
Kári föðurbróðir var vel þekktur
sem rithöfundur. Skömmu fyrir 90
ára afmæli Möggu spurði ég hann
hvort ekki væri eitthvert sérstakt
Margrét Björnsdóttir
✝ Margrét Björns-dóttir fæddist á
Vakursstöðum í
Vopnafirði 14. jan-
úar 1907, en fluttist
þriggja ára að aldri
að Refstað í sömu
sveit. Hún andaðist
2. nóvember síðast-
liðinn og var jarð-
sungin frá Lang-
holtskirkju 12.
nóvember.
kvæði sem hann hefði
ort til hennar. Í
næstu heimsókn okk-
ar Sigrúnar til þeirra
hjóna stakk hann að
mér nafni á kvæði
sem félli undir þessa
fyrirspurn mína.
Jafnframt lét hann
þess getið að oft
hefði hún verið í
huga sínum er hann
var við ritstörf.
Kvæði þetta nefnist
„Sunnudagur við
fossinn“ og lýsir ferð
ungs og ástfangins pars að Aldeyj-
arfossi í tilhugalífinu. Ég gerði lag
við þetta kvæði sem fyrst var
sungið í 90 ára afmælisveislu
Möggu en hefur síðan m.a. verið
sungið við útfarir þeirra bræðr-
anna, Kára og Sverris, Hólmfríðar
konu hans, sem og við útför Sig-
rúnar konu minnar, í útsetningu
Jóns Stefánssonar.
Ég lýk þessum fátæklegu
kveðjuorðum mínum með þessu
ljúfa kvæði, Sunnudagur við foss-
inn, um leið og ég bið aðstand-
endum innilegrar blessunar á
þessari kveðjustund.
Mannstu sól og sumarblíðu sunnan
undir hlíð,
þar sem fossinn gamli geymir gull og
dvergasmíð?
Sólskinsmildan sunnudag við sátum þar
í tó.
Hinum megin hörpu skæra hamrabúinn
sló.
Sástu æða öldur kvikar ofan í gljúfra
þröng?
Gegnum farveg feikna þröngan fram um
hellugöng?
Fannst þér ekki skikkjan skína skært
við sólarglóð?
Heyrðist þér ei harpan syngja himnesk
gleðiljóð?
Glói sól og glitri hlíð er gott að skemmta
sér.
Út með gili uxu víða eldrauð hrútaber.
Upp af krónum ungra blóma ilmur
þungur steig,
þegar glóey rósum rétti rauða
himinveig.
Sunnudagsins söngvakliður seiddi hverja
þrá.
Hrútaberin hárauð tíndi hönd þín brún
og smá.
Undir blárri hamrahöll þú hlóst og
kysstir mig.
Síðan á ég sumardraum um sólskinið –
og þig.
Haukur Harðarson.
Útfararþjónusta
Davíðs Ósvaldssonar ehf.
Davíð Ósvaldsson
Útfararstjóri
S. 896 6988 / 553 6699
Óli Pétur Friðþjófsson
Útfararstjóri
S. 892 8947 / 565 6511
✝
Innilegar þakkir til þeirra sem sýndu okkur vináttu
og heiðruðu minningu
SIGURÐAR JÓNSSONAR,
Sóltúni 16,
Reykjavík.
Sérstakar þakkir til starfsfólks á hjúkrunarheimilinu
Sóltúni 2 fyrir góða umönnun.
Gyða Jóhannsdóttir,
Valtýr Sigurðsson og fjölskylda,
Jóhann Ág. Sigurðsson og fjölskylda.
✝
Þökkum auðsýnda vináttu og hlýhug vegna fráfalls
okkar ástkæru móður, tengdamóður og ömmu,
INGIBJARGAR KARLSDÓTTUR,
Dalbraut 16,
Reykjavík.
Karl Jensson, Halldóra Hannesdóttir,
Kristín Jensdóttir,
Ingibjörg Karlsdóttir.
✝
Innilegar þakkir til allra sem sýndu okkur samúð og
hlýhug við andlát og útför eiginmanns míns, föður,
tengdaföður, afa og langafa,
HALLDÓRS B. ÓLASONAR,
rafvélavirkja,
Framnesvegi 62,
Reykjavík.
Sérstakar þakkir til starfsfólks á öldrunarlækn-
ingadeild B-4, Landspítalanum, Fossvogi, fyrir
hlýhug og góða umönnun.
Hulda Heiðrún Eyjólfsdóttir,
Valgerður Halldórsdóttir, Helgi H. Steingrímsson,
Sigríður Halldórsdóttir, Gylfi Þorkelsson,
Óli F. Halldórsson, María Björk Daðadóttir,
barnabörn og barnabarnabörn.
✝
Við þökkum öllum þeim er sýndu okkur samúð
og hlýhug við andlát og jarðarför elskulegrar
eiginkonu minnar, móður, tengdamóður, ömmu
og langömmu,
ÖNNU HATLEMARK,
Nesbala 68,
Seltjarnarnesi.
Ragnar Aðalsteinsson,
Steinn Ragnarsson, Laura Ortiz,
Geir Ragnarsson,
Ívar Ragnarsson,
Margrét Ragnarsdóttir, Sverrir Hreiðarsson,
Sólveig Ragnarsdóttir, Magnús Magnússon,
Cécile Parcillié, Guðmundur Kristjánsson,
barnabörn og langömmubörn.
✝
Innilegar þakkir til ykkar allra fyrir auðsýnda samúð
við andlát mannsins míns, pabba okkar, tengda-
pabba, afa og langafa,
JÓHANNS EYMUNDSSONAR,
Stigahlíð 36.
Guð blessi ykkur öll.
Þórhalla Karlsdóttir,
Sigríður Austmann Jóhannsdóttir, Þórarinn Magnússon,
Helga Austmann Jóhannsdóttir, Guðlaugur Heiðar Sigurgeirsson,
Eymundur Austmann Jóhannsson, Emilía Sveinbjörnsdóttir,
Viðar Austmann Jóhannsson,
Elfa Dís Austmann Jóhannsdóttir, Páll Blöndal,
barnabörn og barnabarnabörn.
✝
Hjartans þakkir færum við öllum þeim er sýndu
okkur samúð og vinarhug við andlát og útför
ástkærs sonar, föður og afa,
BIRGIS ANDRÉSSONAR
myndlistarmanns.
Andrés Gestsson,
Arnaldur Freyr Birgisson,
Ingólfur Breki Arnaldsson.
✝
Innilegar þakkir til allra þeirra sem sýndu okkur
samúð og hlýhug við andlát og útför elskulegrar
eiginkonu, móður, tengdamóður, ömmu og
langömmu,
STEFANÍU LÓRÝJAR ERLINGSDÓTTUR.
Guð blessi ykkur öll.
Sigurður Sverrir Einarsson,
Sigurður Júlíus Sigurðsson, Marta V. Svavarsdóttir,
Helga Ellen Sigurðardóttir, Benjamín Guðmundsson,
Ólafía Þórey Sigurðardóttir, Hallgrímur I. Guðmundsson,
Ásta Rut Sigurðardóttir, Þórhallur Sveinsson,
Pálína Hildur Sigurðardóttir, Rafnkell Jónsson,
barnabörn og barnabarnabarn.