Morgunblaðið - 14.06.2008, Page 4

4 LAUGARDAGUR 14. JÚNÍ 2008 MORGUNBLAÐIÐ
FRÉTTIR
„MÉR sýnist grasið vera vel í meðallagi núna og mað-
ur getur hreinlega ekki sleppt úr þessum góðviðris-
dögum,“ segir Egill Sigurðsson, bóndi á Berustöðum í
Ásahreppi í Rangárvallasýslu, en þar var verið að
smyrja rúlluvélina í gærkvöldi og undirbúa plöstun.
Fyrsti sláttur sumarsins var við Hvamm í Eyjafirði
hinn 3. júní, en nú hafa bændur víða um land fylgt á
eftir og má segja að óvenjumikið sé um að menn séu í
heyskap miðað við árstíma. „Við byrjuðum að slá á
fimmtudaginn og erum að taka þetta saman í dag, svo
við erum talsvert fyrr á ferðinni en í fyrra. Hátt í tíu
dögum líklega,“ segir Egill og þakkar góðu vori
sprettuna. Hann segir það sama eiga við um aðra kúa-
bændur í nágrenninu, óvenjumargir séu þegar byrj-
aðir að slá og upp úr næstu viku megi eiga von á að
heyskapur verði kominn á fullan snúning um sveitina
alla.
Á bænum Hrepphólum á Flúðum er sláttur einnig
kominn á fullt og þar var Ólafur Stefánsson bóndi við
að raka í kvöldsólinni þegar ljósmyndara Morgun-
blaðsins bar að. „Þetta gengur mjög vel og veðrið
leikur við okkur. Við erum mjög ánægðir með það
sem við erum búin að taka núna og höfum sjaldan ver-
ið fyrr á ferðinni.“ Þetta er þó ekki í fyrsta skipti sem
sláttur hefst svo snemma á Suðurlandsundirlendinu,
árið 1954 mun fyrsti sláttur hafa verið 9. júní og 8.
júní árið 2003, en eftir sem áður er óvenjulegt hversu
víða er byrjað að slá.
Á bænum Hundastapa á Mýrum er heyskapur einn-
ig kominn af stað, töluvert fyrr en síðastliðið sumar.
Slátturinn hófst þó kannski ekki með besta móti hjá
Halldóri Gunnlaugssyni bónda. „Það gengur bara
hægt núna en er það ekki bara eins og það á að vera
þegar maður byrjar. Ég er að gera við núna, pússa og
yfirfara eins og menn segja svo við erum í starthol-
unum.“
Halldór segir ómögulegt að spá fyrir um hversu
mikið komi úr fyrsta slætti, en horfurnar séu nokkuð
góðar. „Mér sýnist þetta vera svipað mikið gras og í
fyrra, en þetta er bara mikið fyrr á ferðinni. Ég held
það hafi ekki verið farið að slá svona snemma á
Hundastapa fyrr.“ Ekki spillir veðrið heldur fyrir
stemningunni og ekki skrýtið að bjart sé yfir mönn-
um. „Það þýðir ekkert annað en að vera bjartir. Það
eru svo margir að tala um tískuorðið kreppuna, en við
megum ekkert vera að því að hugsa um það.“
Morgunblaðið/Sigurður Sigmundsson
Heyskapur Ólafur Stefánsson, bóndi á Hrepphólum á Flúðum, að raka í kvöldsólinni en sláttur er víða hafinn.
Slegið í heiðríkju
Óvenjumargir bændur hafa þegar hafið heyskap og
þakka frostlausum maímánuði snemmbúna sprettu
HÉRAÐSDÓMUR Reykjaness hef-
ur dæmt karlmann í sex mánaða skil-
orðsbundið fangelsi fyrir kynferðis-
brot. Maðurinn var einnig dæmdur
til að greiða fórnarlömbum sínum,
sjö stúlkum á tólfta aldursári og
einni tólf ára, samtals 900 þúsund
krónur í miskabætur.
Brotin áttu sér stað í Sundmiðstöð
Reykjanesbæjar í janúar og febrúar
sl. Strauk hann stúlkunum um rass-
inn utanklæða og kleip þær einnig
nokkrar í rassinn. Þá strauk mað-
urinn kynfæri einnar stúlkunnar ut-
anklæða og beraði kynfæri sín alla
vega tvívegis.
Í framburði stúlknanna kom fram
að maðurinn elti þær um sundlaug-
ina og glápti mikið á þær milli þess
sem hann strauk þeim ef þær syntu
framhjá. Þá hafi hann tekið út á sér
typpið þegar þær voru í kafi. Mað-
urinn neitaði sök en dómurinn kvað
ekkert í málinu hafa komið fram sem
kastaði rýrð á framburð stúlknanna.
Í niðurstöðu dómsins kemur fram
að brotin hafi beinst gegn ungum
stúlkum og verið ítrekuð. Við
ákvörðun refsingar var þó litið til
þess að maðurinn hefði ekki áður
gerst sekur um refsiverðan verknað.
Áhrif atvikanna á stúlkurnar eru
misjöfn. Sumar þeirra vilja ekki fara
í sund, aðrar sváfu illa til að byrja
með. Á öðrum var engar breytingar
að merkja.
Dómurinn var fjölskipaður. Dóms-
formaður var Arnfríður Einarsdóttir
og meðdómendur Gunnar Aðal-
steinsson og Sandra Baldvinsdóttir.
Dæmdur fyrir að
áreita átta stúlkur
FRÉTTASKÝRING
Eftir Andra Karl
andri@mbl.is
HÖFUÐPAURINN í hraðsend-
ingarmálinu svonefnda, Annþór
Kristján Karlsson, fékk fjögurra
ára fangelsi á dögunum. Í dóm-
inum kemur fram að mestu hafi
skipt um framburð tveggja með-
ákærðu í málinu. Þeir hlutu væg-
ari dóm, eitt og hálft ár í fangelsi,
fyrir að aðstoða lögreglu við rann-
sókn málsins en leiða má að því
líkum að Annþór hafi vegna til-
stilli aðstoðarinnar hlotið þyngri
dóm – eða dóm yfirleitt – en ella.
Í litlu samfélagi eru slík tilvik
algeng, þ.e. að fangar eigi ým-
islegt sökótt við annan, og fang-
elsismálayfirvöld vel í stakk búin
til að takast á við slíkt ósætti. Er-
lendur Baldursson, afbrotafræð-
ingur hjá Fangelsismálastofnun,
bendir á að ýmis úrræði eru fyrir
hendi hjá stofnuninni. Þannig eru
sjö deildir á Litla-Hrauni, og
reynt að raða mönnum á mismun-
andi deildir ef ósætti er þeirra á
milli. Einnig hafa fangelsisyfirvöld
komið á sáttafundum til að reyna
hreinsa andrúmsloftið. Ef hins
vegar stefnir í óefni hefur verið
gripið til þess ráðs að vista menn í
sitt hvoru fangelsinu.
Fangar og tilvonandi fangar
reyna einnig á stundum að beita
því fyrir sig að afplánunarfangi
eigi sitt hvað sökótt við sig til að
komast þangað sem þeir vilja. Oft-
ast nær er það á Kvíabryggju. Er-
lendur segir málin metin hverju
sinni og ekki hafi verið tekin
ákvörðun um fyrirkomulag afplán-
unar í hraðsendingarmálinu. Hann
segir þessi mál yfirleitt „græjuð“
og það hafi gengið vel. Enda sé
mjög lítið um ofbeldi í íslenskum
fangelsum.
Úrræði eru fyrir hendi
 Niðurstaða í hraðsendingarmálinu réðst helst af framburði tveggja sakborninga
 Óvíst er að þeir þurfi að afplána dóm sinn í sama fangelsi og höfuðpaurinn
Fangelsi Fangelsismálastofnun reynir að koma til móts við vilja fanga.
Í HNOTSKURN
»Fangelsi ríkisins eru:Hegningarhúsið Skóla-
vörðustíg, Litla-Hraun, Kvía-
bryggja og fangelsin á Ak-
ureyri og í Kópavogi.
»Almennt er vinsælast með-al fanga að afplána dóm á
Kvíabryggju.
»Segja má að fangelsið áKvíabryggju sé opið. Þar
eru hvorki rimlar fyrir glugg-
um né heldur er svæðið öðru-
vísi afgirt en sveitabýli.
ALLS höfðu 4400 af 4600 nem-
endum 10. bekkja grunnskóla sótt
um skólavist í framhaldsskólum
næsta haust þegar umsókn-
arfrestur um nám rann út hinn 11.
júní. Þá sóttu 3400 eldri nemendur,
sem annaðhvort óska eftir að skipta
um skóla eða hefja nám að nýju, um
skólavist í dagskóla.
Vinsælustu skólarnir í ár virðast
sem fyrr vera Verzlunarskóli Ís-
lands og Menntaskólinn í Hamra-
hlíð, en þessum skólum bárust flest-
ar umsóknir og þurfa þeir að vísa
frá rúmlega 400 nemendum sem
höfðu valið þá sem fyrsta kost.
Skólar munu senda svarbréf til
þeirra umsækjenda sem fengið hafa
inni og þurfa nemendur að stað-
festa veitta skólavist með greiðslu
innritunargjalds. Umsóknir þeirra
sem ekki komast að verða sendar
menntamálaráðuneytinu sem leitar
úrræða fyrir viðkomandi, og er þá
litið svo á að framhaldsskólar hafi
skyldur við nemendur sem eiga lög-
heimili í nágrenni þeirra.
Frá og með 17. júní geta umsækj-
endur um skólavist opnað umsóknir
sínar aftur á Netinu og fylgst með
afgreiðslu þeirra. Allar umsóknir
ættu að vera afgreiddar fyrir mið-
nætti fimmtudagsins 19. júní.
Mikil aðsókn
í skólana
UMFERÐ á þjóðvegum landsins
hefur vaxið jafnt og þétt undanfarin
ár. Ný umferðartalning Vegagerð-
arinnar um bílaumferð í maí sl.
bendir til þess að hægt hafi á þessari
aukningu og í sumum tilfellum hefur
orðið um fækkun ökutækja að ræða.
Eins og fram hefur komið, er lík-
leg ástæða sú mikla hækkun sem
hefur orðið á eldsneyti að undan-
förnu. Bíleigendur hugsi tvisvar um
áður en þeir leggja í langferð á bíl-
um sínum.
Auður Þóra Árnadóttir, forstöðu-
maður umferðardeildar Vegagerð-
arinnar, hefur tekið saman umferð-
artölur fyrir 14 staði í
þjóðvegakerfinu. Þegar þessar tölur
eru skoðaðar, sést þessi þróun
greinilega. Tölur fyrir fyrstu dagana
í júní eru ekki tiltækar enn sem
komið er.
Fram kom hér í blaðinu fyrir
skömmu, að bílaumferð um Hval-
fjarðargöngin dróst verulega saman
fyrstu helgina í júní miðað við sömu
helgi í fyrra. Samdrátturinn var
11,7%. sisi@mbl.is











































 






 






 
 
  


 
 


 
 


 
            Hægist á umferð-
inni á þjóðvegum