Morgunblaðið - 14.06.2008, Blaðsíða 12

12 LAUGARDAGUR 14. JÚNÍ 2008 MORGUNBLAÐIÐ
FRÉTTIR
FRÉTTASKÝRING
Eftir Helga Bjarnason
helgi@mbl.is
Reykjanesbær | Starfsemin í nýrri
þjónustumiðstöð á Nesvöllum, hverfi
eldri borgara í Reykjanesbæ, er opin
öllum bæjarbúum og fólk á öllum
aldri hvatt til koma við. Í þjónustu-
miðstöðinni starfa hlið við hlið starfs-
menn einkafyrirtækja og almanna-
þjónustu Reykjanesbæjar að
þjónustu við eldri borgara bæjarins.
Á Nesvöllum, þar sem áður voru
knattspyrnuvellir Njarðvíkinga, er að
rísa hverfi fyrir eldra fólk og er fjöldi
fólks fluttur inn. Þar eru ýmsar gerð-
ir af íbúðum, sérbýli og öryggisíbúðir
og fyrirhugað er að reisa þar hjúkr-
unarheimili. Fyrirtækið sem á og
rekur íbúðirnar, Nesvellir ehf., bygg-
ir einnig félags- og þjónustumiðstöð-
ina sem er hjarta svæðisins og leigir
aðstöðuna til Reykjanesbæjar og
þjónustufyrirtækja. Innangengt er í
öryggisíbúðirnar og einnig í vænt-
anlegt hjúkrunarheimili. Líf hefur
smám saman verið að færast í starf-
semina og verður þjónustumiðstöðin
opnuð formlega í dag.
Hugmyndin að samvinnu bæjarins
og einkafyrirtækja er komin frá
Reykjanesbæ. Tilgangurinn er að
koma saman þeim sem veita íbúum
hverfisins og öðrum eldri íbúum bæj-
arins þjónustu en jafnframt opna
dyrnar fyrir fólki af öllum kynslóðum.
„Við viljum fá flæði í húsið og tengja
kynslóðirnar betur saman, brúa kyn-
slóðabilið,“ segir Hjördís Árnadóttir,
félagsmálastjóri Reykjanesbæjar. Í
þeim tilgangi hefur dagmæðrum og
stjórnendum leikskóla verið boðið að
koma með börnin í garð Nesvalla og
inn í húsið. Pallar og útisvæði með
skrúðgarði sem tengt er göngustíga-
kerfi bæjarins nýtist þeim vel.
Þannig koma börn af leikskólanum
Gimli vikulega til að dansa fyrir gesti
þjónustumiðstöðvarinnar, að sögn
Ingu Lóu Guðmundsdóttur, rekstr-
arstjóra þjónustumiðstöðvarinnar, og
jafnframt fyrirhugað að eldri borg-
arar skreppi í kaffi í leikskólann.
Önnum kafið fólk getur farið í mat
með pabba og mömmu eða afa og
ömmu á veitingastaðnum og eru þeg-
ar mörg dæmi um slíkar heimsóknir.
Reykjanesbær er aðalleigjandi
þjónustumiðstöðvarinnar. Þar hefur
bærinn sameinað alla þjónustu við
eldri borgara sem áður var á fimm
stöðum. Hafa 35 til 40 starfsmenn
bæjarins nú aðstöðu í húsinu en sinna
þjónustu um allan bæ. Með þessu tel-
ur félagsmálastjórinn unnt að bæta
þjónustuna og ná til fleiri íbúa sem
annars væri hætta á að einangruðust.
Fyrirtækin sem flutt hafa starfsemi
sína á Nesvelli sjá með því tækifæri
til að þjóna betur viðskiptavinum sín-
um sem þar búa eða sækja þjónustu
og komast í nýtt og betra húsnæði.
Út úr kössunum
„Heilbrigðisstéttirnar hafa mikið
verið hver í sínum kassa. Það hefur
lengi verið áhugamál mitt að tengja
betur sama ýmsa þætti og ein-
staklingsmiða þjónustuna,“ segir
Adda Sigurjónsdóttir sem rekur Átak
heilsulind á Nesvöllum. Hún rak
sjúkraþjálfun en færir út kvíarnar
með flutningi í þjónustumiðstöðina,
meðal annars með líkamsræktarsal.
„Þetta er ætlað fyrir fólk á fimmtugs-
aldri og eldra, fólk sem treystir sér
ekki inn í líkamsræktarstöðvarnar.
Við viljum vinna meira að forvörnum,
hjálpa fólki áður en í óefni er komið,“
segir Adda.
Átak hefur samstarf við Heilsu-
verndarstöðina um hjartaálagspróf
og er stöðin með tækjabúnað til end-
urhæfingar og eftirlits hjarta- og
lungnasjúklinga.
Adda segir áhugavert að vera með
starfsemina í þjónustumiðstöðinni og
nýta hluta aðstöðunnar með öðrum.
Allar forsendur eru fyrir því að
þjónustumiðstöðin á Nesvöllum verði
lítill miðbær þar sem fullorðið fólk er
í aðalhlutverki en allar kynslóðir eiga
greiðan aðgang að.
Morgunblaðið/Helgi Bjarnason
Rólegheit Enginn hávaði er í líkamsræktarstöðinni hjá Átaki á Nesvöllum. Dagbjörg Guðmundsdóttir sjúkraþjálfari leiðbeindi Erlu M. Olsen viðskiptavini.
Miðbær eldri íbúanna
 Þjónustumiðstöð eldri borgara á Nesvöllum er opin öllum bæjarbúum
 Starfsfólk bæjarins og einkafyrirtækja vinnur saman að þjónustunni
MATVÆLAEFTIRLIT Heilbrigðis-
eftirlits Reykjavíkur barst nýverið
tilkynning frá RASFF, sem er til-
kynningakerfi innan Evrópusam-
bandsins, þess efnis að glúten sé
ekki tilgreint í innihaldslýsingum á
matvörunum GØL piparsalami og
GØL hvítlaukssalami. Af þeim sök-
um hafa vörurnar verið innkallaðar.
GØL vörurnar hafa verið til sölu í
verslunum Kaupáss, þ.e. Krónunni,
Nóatúni, 11-11 og Kjarval. Þeir sem
ekki eru með glútenofnæmi þurfa
ekki að hafa áhyggjur af neyslu
þeirra, en neytendur með glúten-
óþol ættu að skila þeim til þeirrar
verslunar þar sem þær voru keypt-
ar.
Glútens ekki
getið í lýsingu
HÁSKÓLINN í Reykjavík hefur
gert samstarfssamning við Teach-
ers College við Columbia Univers-
ity í New York, elsta háskóla heims
á sviði menntunar, sálfræði og heil-
brigðisfræða. Samningurinn nær til
rannsókna, kennslu og uppbygg-
ingu námsbrauta HR og er því mik-
ill fengur fyrir skólann, en þetta er
í fyrsta sinn sem Columbia Teach-
ers College gerir slíkan samning
við evrópskan háskóla. Dr. Susan
Fuhrman, forseti skólans, mun af
því tilefni halda hátíðarræðu við
brautskráningu HR í dag, sem er sú
stærsta í sögu skólans því alls út-
skrifast 423 nemendur.
HR og Col-
umbia semja
HAFIÐ er matsferli vegna fyrir-
hugaðs álvers á Bakka við Húsavík,
álvers með allt að 250 þúsund tonna
ársframleiðslu. Kynning á mats-
áætluninni stendur nú yfir á vefsíð-
um Alcoa (www.alcoa.is) og HRV
Engineering (www.hrv.is), sem
mun annast umhverfismatið.
Í matsáætluninni er m.a. greint
frá áhersluatriðum í frummats-
skýrslu og því hvaða rannsóknir
eru fyrirhugaðar á vegum Alcoa,
auk þess yfirlits yfir þær upplýs-
ingar sem liggja nú þegar fyrir.
Almenningur er hvattur til að
kynna sér tillögurnar og koma at-
hugasemdum og ábendingum á
framfæri við Arnór Þ. Sigfússon
hjá HRV (arnor.sigfusson@hrv.is).
Kynningin stendur yfir til 5. júlí.
Álverið á
Bakka metið
FRÉTTASKÝRING
Eftir Ylfu Kristínu K. Árnadóttur
ylfa@mbl.is
HINGAÐ til hefur fjöldi einhleypra kvenna þurft
að halda utan, yfirleitt til Danmerkur, í því skyni
að fara í tæknifrjóvgun. Guðmundur Arason,
kvensjúkdómalæknir hjá tæknifrjóvgunarstof-
unni Art medica, segir einhleypar konur hafa
þrýst mikið á að lagabreytingin yrði að veruleika.
Leiðinlegt hafi verið að loka fyrir þennan mögu-
leika hjá konum því þær væru einhleypar.
Gera má ráð fyrir því að árlega muni nokkrir
tugir kvenna leita til Art medica til að gangast
undir tæknifrjóvgun. Þó mun að öllum líkindum
draga aðeins úr þessum fjölda þegar frá líður þar
sem um uppsafnaðan vanda er að ræða núna, þ.e.
konur sem margar hverjar hafa beðið í mörg ár
eftir tæknifrjóvgun. Sökum nálægðarinnar hafa
margar einhleypar konur leitað til Danmerkur
eftir tæknifrjóvgun en þar hafa þær lengi vel átt
kost á meðferðinni. Það hefur þó verið ýmsum
vandkvæðum búið. Fyrir utan að þurfa að leggja
á sig ferðalag erlendis þá hafa sumar konur hald-
ið utan án þess að fara í forskoðun. Konurnar hafi
talið að þær þyrftu bara sæði en stundum heppn-
aðist frjóvgunin ekki sem skyldi og kom í ljós að
eitthvað amaði að konunum líkamlega. Með
breytingunni getur eðlileg uppvinnsla og meðferð
farið fram hér.
Danir líkastir Íslendingum
Art medica kaupir sæði aðallega frá Danmörku
vegna þess hve Danir þykja líkir Íslendingum.
Ekki þykir borga sig að setja upp sæðisbanka á
Íslandi þar sem markaðurinn er svo lítill en það
getur skapað ýmis siðferðisleg vandamál tengd
skyldleika o.þ.h. Ekki er þó bannað að nota ís-
lenskt gjafasæði.
Tæknifrjóvgunarmeðferð fylgir ákveðnu ferli.
Fyrst mæta konurnar í viðtöl. Athugað er hvort
þær séu nógu hraustar til að undirgangast með-
ferðina og hvort þær geti orðið ófrískar. Skoðað
er hvort líkamleg eða andleg vandamál séu til
staðar sem geti haft áhrif. Meta þarf hvort frjó-
semi þeirra sé skert eða hvort eingöngu sé um að
ræða skort á sæði. Að rannsóknum loknum getur
meðferð hafist.
Uppsafnaður vandi
 Búast má við tugum einhleypra kvenna í tæknifrjóvgun á ári eftir lagabreytingu
 Var áður aðeins á færi kvenna í hjúskap, staðfestri samvist eða óvígðri sambúð
Morgunblaðið/Árni Sæberg
Barneignir Nýlega var einhleypum
konum leyft að fara í tæknifrjóvgun.
„ÉG ER byrjuð í meðferð hjá Art Medica,“ seg-
ir 37 ára einstæð kona sem blaðamaður ræddi
við. „Eins og flestir þá gerir maður ráð fyrir að
eignast börn en ég hef ekki hitt þann mann
sem ég treysti fyrir þessu.“ Hún segist hafa
hugsað alvarlega um tæknifrjóvgun í u.þ.b. ár.
„Ég ákvað að gera þetta frekar fyrr en
seinna. Þegar maður er búinn að hugsa þetta
mál vel þá myndi maður alveg fara utan og
gera þetta þar ef þetta væri ekki hægt hér
heima. En auðvitað er miklu auðveldara að
fara í Kópavoginn en til Kaupmannahafnar,“
segir hún en til stóð að hún færi í tæknifrjóvg-
un í Danmörku.
Hún segir að það skipti mestu máli að búið sé
að samþykkja tæknifrjóvganir einhleypra
kvenna í þjóðfélaginu. Þannig hafi þær öðlast
sama rétt og fjölskyldufólk. Að auki sé þetta
mun ódýrara en að halda utan sem getur gert
fleiri konum kleift að fara þessa leið. „Mér
finnst þetta algerlega sjálfsögð réttindi.“
„Algerlega sjálf-
sögð réttindi“
ÁHERSLA er lögð á öryggi, heil-
brigði, félagslíf og menningarstarf
í nýrri þjónustumiðstöð á Nesvöll-
um.
Reykjanesbær rekur þar
öldrunarþjónustu sína, stóran
hluta tómstundastarfs og dagdvöl
aldraðra. Þá er Félag eldri borgara
með aðstöðu í húsinu.
Einkafyrirtæki bjóða upp á ýmsa
lífsstíls- og heilsutengda þjón-
ustu. Þar er móttaka heilbrigðis-
starfsmanna frá Heilsuvernd-
arstöðinni ehf., hársnyrtistofan
Elegans, snyrtistofan Laufið,
heilsuþjónusta Lyfja og heilsu og
Heilsulindin Átak, að ógleymdum
veitingastaðnum Neskaffi sem sér
íbúum og gestum fyrir næringu.
Hátíð vegna opnunar þjónustu-
miðstöðvarinnar á Nesvöllum
verður í dag, milli klukkan 14 og 17.
Hvað er í boði í þjónustumiðstöðinni?