Morgunblaðið - 14.06.2008, Side 44

44 LAUGARDAGUR 14. JÚNÍ 2008 MORGUNBLAÐIÐ
dagbók
Í dag er laugardagur
14. júní, 166. dagur ársins 2008
Orð dagsins: Anda sannleikans, sem
heimurinn getur ekki tekið á móti, því
hann sér hann ekki né þekkir. Þér
þekkið hann, því hann er hjá yður og
verður í yður. (Jh. 14, 17.)
Víkverji ákvað á dögunum aðkaupa hjól handa eldri syninum
og brunaði í Húsasmiðjuna. Þar var
þetta fína hjól á þessu líka fína verði
en vandinn var liturinn, sonurinn
sætti sig ekki við hann. Þannig að far-
ið var til Byko. Þar fann sonurinn hjól
sem kostaði um 6.000 krónum meira
en Víkverji hafði hugsað sér að eyða
og kostaði tíu þúsund krónum meira
en hjólið í Húsasmiðjunni. Sjálfsagt
var Byko-hjólið betra að einhverju
leyti, það hlýtur bara að vera. Jæja,
hugsaði Víkverji, ég fæ þó viðskipta-
mannsafsláttinn minn, 10% verða
slegin af verði við kassann. En þegar
á kassann var komið var Víkverji
rukkaður um fullt verð og tilkynnt að
þar sem hjólið væri á tilboði væri eng-
inn afsláttur. „Tilboði?“ spurði Vík-
verji. Jú, á miða sem hékk á hjólinu
stóð TB og svo nafn hjólsins. Ekki
kannaðist Víkverji við þá skamm-
stöfun í íslensku máli. TB þýðir víst
tilboð. Víkverji tók að kvarta og þá
kom starfsmaður æðri kassadrengn-
um og sagði það koma fram í bækl-
ingi Byko að hjólið væri á tilboði. „En
ég er ekki með bæklinginn, ég er í
búðinni!“ svaraði Víkverji pirraður og
átti greinilega að hafa lagt á minnið
öll tilboð Byko sem birst hafa í
bæklingum. Víkverji hefur til þessa
haldið að skýra þyrfti út hvers vegna
tilboð er tilboð. Reiðhjólið hlýtur að
vera á lægra verði en venjulega fyrst
það er á tilboði. Hið upphaflega verð
kom hins vegar hvergi fram. Við nán-
ari eftirgrennslan á vef Byko kemur
svo í ljós að annað hvert reiðhjól er
merkt TB, s.s. á tilboði.
x x x
Í reglum sem finna má á vef Neyt-endastofu, um útsölur eða aðra
sölu þar sem selt er á lækkuðu verði,
segir: „Í auglýsingum sem og á sölu-
stað, þ.m.t. netverslun, skal tekið
skýrt fram hvaða vörur eða þjónusta
er seld á lækkuðu verði. Þegar vara
eða þjónusta hefur verið seld á lækk-
uðu verði í sex vikur skal lækkað verð
vera venjulegt verð.“ Er TB skýr
merking? vikverji@mbl.is
Víkverjiskrifar
Reykjavík Aron Þór fæddist
5. apríl. Hann vó 4.800 g og
var 55 cm langur. Foreldrar
hans eru Fanney Dögg Ólafs-
dóttir og Guðmundur Sæv-
arsson. Systir hans er Andr-
ea Rós.
Reykjavík Óttar Örn fæddist
4. apríl kl. 10.08. Hann vó
3.930 g og var 52 cm langur.
Hann er 3. sonur Herdísar
Þorláksdóttur og Sigurðar
M. Jónssonar og býr í Kópa-
vogi.
Akureyri Aron Gunnar fædd-
ist 15. janúar kl. 7.02. Hann
vó 3.290 g og var 53 cm lang-
ur. Foreldrar hans eru Ingi
Snorri Bjarkason og Dagný
Gunnarsdóttir.
Nýirborgarar
Krossgáta
Lárétt | 1 möguleikinn,
8 eldiviðurinn,
9 borga, 10 keyra,
11 bætt, 13 stelur,
15 hestur, 18 frásögnin,
21 glöð, 22 seint,
23 afrakstur,
24 óhugnanlegt.
Lóðrétt | 2 heiðarleg,
3 starfsgrein, 4 heldur,
5 gyðja, 6 bolli,
7 skordýr, 12 bors,
14 veina, 15 remma,
16 heiðursmerki, 17 rifa,
18 syllu, 19 botnfall,
20 ró.
Lausn síðustu krossgátu
Lárétt: 1 trýni, 4 gætur, 7 fauti, 8 tóman, 9 nói, 11 afar,
13 átta, 14 okann, 15 túlk, 17 agar, 20 áta, 22 kopar, 23
liðug, 24 nauts, 25 augun.
Lóðrétt: 1 tyfta, 2 ýsuna, 3 iðin, 4 geti, 5 tómat, 5 renna,
10 ólatt, 12 rok, 13 ána, 15 tækin, 16 loppu, 18 geðug, 19
ragan, 20 árós, 21 alda.
6
8
11
15
22
1
24
12
3
10
17
21
4
9
13
18
23
14
5
19
7
20
2
16
Sudoku
Þrautin felst í því að fylla út í
reitina þannig að í hverjum 3x3-
reit birtist tölurnar 1-9. Það verð-
ur að gerast þannig að hver níu
reita lína bæði lárétt og lóðrétt
birti einnig tölurnar 1-9 og aldrei
má tvítaka neina tölu í röðinni.
Lausn síðustu Sudoki.
www.sudoku.com
© Puzzles by Pappocom
Skák
Helgi Áss Grétarsson | ritstjorn@mbl.is
1. e4 c5 2. Rf3 e6 3. d4 cxd4 4. Rxd4
Rf6 5. Rc3 Rc6 6. Rdb5 d6 7. Bf4 e5
8. Bg5 a6 9. Ra3 b5 10. Rd5 Be7 11.
Bxf6 Bxf6 12. c3 O–O 13. Rc2 Bg5 14.
Be2 Re7 15. Rxe7+ Dxe7 16. Rb4 f5
17. exf5 Bxf5 18. O–O Kh8 19. Rd5
Db7 20. Bf3 e4 21. Be2 Be6 22. Re3
d5 23. Bg4 Bg8 24. Rc2 Hae8 25. De2
Bf4 26. Rd4 Bb8 27. g3 b4 28. cxb4
Dxb4 29. Had1 Be5 30. Dd2 Db6 31.
b4 Hf6 32. a3 Hef8 33. De3 a5 34.
bxa5 Dxa5 35. Hd2 Bd6 36. Rb3 Dxa3
37. Ha1
Staðan kom upp á Pivdennybanka
atskákmótinu sem lauk fyrir skömmu
í Odessa í Úkraínu. Boris Gelfand
(2723) hafði svart gegn Mikhail Gol-
ubev (2474). 37… d4! 38. Dxd4 Dxb3
39. Hb2 Dd3 og hvítur gafst upp.
Svartur á leik.
Brids
Guðmundur Páll Arnarson | ritstjorn@mbl.is
Dæmdur maður.
Norður
♠53
♥KD86
♦ÁD984
♣D9
Vestur Austur
♠D1092 ♠KG876
♥G954 ♥Á2
♦G7 ♦K652
♣854 ♣73
Suður
♠Á4
♥1073
♦103
♣ÁKG1062
Suður spilar 3G.
Lev Stansby sá fljótt að hann var
dæmdur maður – dæmdur til að gefa
Jeff Meckstroth níunda slaginn í þrem-
ur gröndum. Spilið er frá viðureign
Nickells og Strul í bandarísku lands-
liðskeppninni. Stansby var í austur og
lagði grunn að eigin örlögum með því
að opna létt á 1♠. Meckstroth sagði
2♣, Martel í vestur stökk hindrandi í
3♠, sem Rodwell doblaði neikvætt og
Meckstroth lauk sögnum með 3G.
Spaðatían út.
Meckstroth dúkkaði ♠10, fékk
næsta slag á ♠Á og tók öll laufin. Ef
austur hendir spaða er einfalt mál að
sækja níunda slaginn á hjarta og
Stansby gerði örvæntingarfulla tilraun
til að hnekkja spilinu með því að fara
niður á ♦K blankan. En Meckstroth
vissi hvorum megin hryggjar ♦K lá og
veiddi fósa undir ásinn.
(21. mars - 19. apríl) 
Hrútur Rangar spurningar leiða til enn
meira öngþveitis. Ef þú spyrð réttu spurn-
inganna óma svörin eins og kirkjuklukkur
– augljós og fagnaðurinn er stórkostlegur.
(20. apríl - 20. maí) 
Naut Þú ert svo fram úr hófi tjáning-
arríkur þessa dagana að þú ert dæmdur til
að segja eitthvað sem ekki skilar sér. Bara
ef það væri hægt að spóla aftur á bak.
(21. maí - 20. júní) 
Tvíburar Eindagi vofir yfir og þú dregur
lappirnar. Atburðir verða að gerast þegar
þér þóknast, annars ertu ekki með. Ein-
hver háttsettur hefur dálæti á skapi þínu.
(21. júní - 22. júlí) 
Krabbi Sumt sem fellur undir skilgrein-
inguna um velgengni eykur ekki endilega á
lánsemi þína. Hafðu í huga að velgengni
getur þýtt eitthvað allt annað í þínum huga
en annarra.
(23. júlí - 22. ágúst) 
Ljón Ástin getur verið eins og sprauta. Ef
maður heldur að hún eigi eftir að meiða
mann, gerir hún það. Hugsaðu eitthvað fal-
legt og andaðu. Þetta verður frábært.
(23. ágúst - 22. sept.) 
Meyja Í því félagslega þrepi sem meyjan
tilheyrir, eru vináttusambönd bæði náin og
ekkert mjög. Einhver gerir eitthvað í dag,
sem færir hann nær þér.
(23. sept. - 22. okt.) 
Vog Himintunglin líta háttvísi vogarinnar
með velþóknun, nema í ástum. Þú átt rétt á
því að vera ósanngjarn annað veifið. Biddu
um það sem þú raunverulega vilt.
(23. okt. - 21. nóv.)
Sporðdreki Skopparaboltar njóta almennr-
ar hylli af góðri ástæðu. Leyfðu hinu eilífa
barni sem býr innra með þér að koma út að
leika. Það er svo gaman!
(22. nóv. - 21. des.)

Bogmaður Veldu félagsskap þeirra sem
lyfta geði þínu og laða fram það besta í þér.
Þú átt eftir að elska þann sem kemur fram.
Mundu eftir að hrósa sjálfum þér í kvöld.
(22. des. - 19. janúar) 
Steingeit Ef þú hefur tekið að þér verkefni
sem er svo stórt að þú veist ekki hvar þú
átt að byrja, ertu snillingur. Þú átt að ein-
beita þér að miklum viðfangsefnum.
(20. jan. - 18. febr.) 
Vatnsberi Það sem kemur úr þér þessa
dagana er gætt enn meiri áhrifamætti en
ella og breytir heiminum. Veldu orð þín vel
– þau búa yfir mætti til að bölva eða blessa.
(19. feb. - 20. mars)

Fiskar Af hverju skyldi svokallaður frítími
þreyta þig meira en vinna? Það sem þú
þarft á að halda er að fá að vera í friði með
sköpunargyðjunni og innblæstrinum.
Stjörnuspá
Holiday Mathis
14. júní 1949
Þyrlu var flogið á Íslandi í
fyrsta sinn. Þetta var tveggja
sæta „helecopter-flugvél“ af
Bell-gerð. Hún hafði verið flutt
til landsins svo hægt væri að
reyna slíka flugvél við björg-
unarstörf og strandgæslu.
14. júní 1958
Sementsverksmiðja ríkisins á
Akranesi var vígð með viðhöfn.
Í forystugrein Morgunblaðsins
var sagt að gamall óskadraum-
ur hefði ræst og að það væri
búhnykkur fyrir Íslendinga að
eignast slíka verksmiðju.
14. júní 1975
Ferjan Smyrill kom til Seyð-
isfjarðar í fyrsta sinn með
fimmtíu farþega og tíu bíla.
Þar með hófust ferju-
samgöngur milli Færeyja og Ís-
lands. Norröna tók við af
Smyrli árið 1983.
14. júní 1980
Stan Getz tenórsaxófónleikari
lék með djasskvintett sínum á
Listahátíð í Laugardalshöll.
„Fögnuðurinn var mikill – og
ekki að ástæðulausu,“ sagði í
Morgunblaðinu.
14. júní 1986
Fyrsta hjartaaðgerðin var
framkvæmd hér á landi, á
Landspítalanum. Sá sem fór í
þessa aðgerð var Valgeir G.
Vilhjálmsson, 63 ára kennari.
Heimild: Dagar Íslands | Jónas Ragnarsson
Þetta gerðist þá …
Gunnar Júlíus
Þorvaldsson frá
Skerðings-
stöðum í Grund-
arfirði verður 90
ára í dag 14. júní.
Hann tekur á
móti vinum og
ættingjum frá
klukkan 14 til 16
á heimili sínu Grettisgötu 58B.
90 ára
FAÐIR túrismans í Vestmannaeyjum, Páll Helga-
son, er 75 ára í dag. Hann er fæddur og uppalinn í
Vestmannaeyjum og er búsettur þar í dag. Móðir
Páls er Guðrún Stefánsdóttir en faðir hans var
Helgi Benediktsson, útgerðarmaður. Páll er einn
átta barna sem þau eignuðust saman.
Páll segir að einn afmælisdagur sé honum sér-
lega minnisstæður. „Þegar ég fór til Hawaii með
Sigtryggi bróður mínum til að halda upp á sex-
tugsafmæli mitt árið 1993. Sumir grínuðust ein-
mitt með að tilgangurinn með ferðinni væri að
lengja 59. árið um 10 tíma!“
Páll heldur ýtarlega dagbók og rýnir jafnan í dagblöðin í marga
tíma á dag og skráir hjá sér samtímaviðburði. „Ég get eiginlega flett
upp á öllum atburðum í lífi mínu. Þetta er tilkomið vegna þess að faðir
minn, Helgi Ben, treysti mér oft fyrir forráðum þegar hann þurfti að
skreppa burt. Þá kenndi hann mér að skrá atburði niður hjá mér svo
ég myndi eftir þeim, er hann snéri aftur.“
Páll segist ennfremur ekki fylgjast með EM í knattspyrnu. „Það er
ákveðin ástæða fyrir því. Hér á árum áður keyrði ég öll fótboltafélög
sem komu til að keppa í Eyjum. Ég var mjög tapsár fyrir hönd Eyja
svo ég ákvað að hætta að fylgjast með leikjunum og spyrja út í úrslit-
in. Í dag finnst mér mun betra að liggja yfir góðri bók eða útvarpi en
að fylgjast með leikjum, þó ég hafi gaman að fótbolta.“ haa@mbl.is
Páll Helgason, ferðamálafrömuður, 75 ára
Skráir hjá sér samtímann
;)
Nýbakaðir foreldrar?
Sendið mynd af nýja ríkisborgaranum
ásamt upplýsingum um fæðingarstað
og stund, þyngd, lengd
og nöfn foreldra, á netfangið
barn@mbl.is