Morgunblaðið - 14.06.2008, Blaðsíða 8

8 LAUGARDAGUR 14. JÚNÍ 2008 MORGUNBLAÐIÐ
FRÉTTIR
NORÐFJARÐARBÓK
NORÐFJARÐARBÓK
þjóðsögur, sagnir og örnefnaskrár
safnað hefur og skráð
hálfdan haraldsson
bókaútgáfan hólar
holar@simnet.is
FRÉTTASKÝRING
Eftir Þorbjörn Þórðarson
thorbjorn@mbl.is
ÞEGAR fasteignaverð á höfuðborgar-
svæðinu hækkaði upp úr öllu valdi fyrir
nokkrum árum seldu margir íbúðir sín-
ar og stækkuðu við sig í öðrum sveit-
arfélögum. Þetta sama fólk, sem keyrir
til höfuðborgarinnar á hverjum morgni
vegna vinnu, íhugar nú alvarlega stöðu
sína vegna gríðarlegra verðhækkana á
eldsneyti.
Lítrinn af 95 oktana bensíni kostaði
114 kr. í júlí 2005 en 170 kr. núna. Þetta
þýðir að það kostar rúmar tíu þúsund
krónur að fylla 60 lítra tank á venjuleg-
um fólksbíl. Í kjölfar hækkana er fólk
farið að líta í kringum sig eftir öðrum
ferðamáta. Borið hefur á minnkandi um-
ferð á vegum landsins og fleiri bifreiða-
eigendur en áður skila inn bílnúmerum.
Strætó til Hveragerðis
og Árborgar
Sveitarfélagið Árborg og Hveragerð-
isbær hafa sameinast um að sækja um
einkaleyfi á rekstri almennings-
samgangna milli Reykjavíkur, Hvera-
gerðis og Selfoss. Er markmiðið að
bjóða íbúum upp á þéttari og ódýrari
samgönguleiðir en nú er. Sérleyfi fyrir
leiðina milli Reykjavíkur og Selfoss
rennur út um áramótin en handhafi
leyfisins nú er rútufyrirtækið Þingvalla-
leið.
keyra sjálfir í bæinn,“ segir Ragnheið-
ur. Markmiðið sé að hafa svipað fyr-
irkomulag og á Akranesi en strætóferð-
ir þaðan til borgarinnar hafa gefist mjög
vel.
„Þetta er mikið hagsmunamál fyrir
fólkið hér í Árborg. Margir vinna í borg-
inni og aðrir fara í stuttar ferðir. Stefnt
er að því að vera með afsláttarkort, fólk
geti keypt sér ársmiða og þar fram eftir
götunum.“
Ragnheiður segist skynja miklar
áhyggjur í samtölum við íbúana. „Fólk
er mjög áhyggjufullt yfir því hvort þess-
ar hækkanir á bensínsverði eigi engan
endi að taka. Við viljum fá ríkið með
okkur í verkefnið því sveitarfélögin hafa
ekki miklar tekjur til þess að mæta
þessu. Við fáum framlög frá Vegagerð-
inni en eigum eftir að fá á hreint hver sú
upphæð verður.“
Stefnt á 12 ferðir á dag
„Við erum í viðræðum við Strætó BS
um að tengjast leiðakerfi þeirra. Af
hálfu Vegagerðarinnar er þetta vel á
veg komið og ég á ekki von á öðru en að
þetta gangi upp. Þetta er knappur tími
en við stefnum ótrauð á að þjónustan
verði í boði frá og með næsta ári. Við
leggjum mikla áherslu á tengingu við
leiðakerfi Strætó,“ segir Ragnheiður
Hergeirsdóttir, bæjarstjóri Árborgar.
Aðspurð um fjölda ferða segir Ragn-
heiður að stefnt sé á að bjóða upp á 12
ferðir til höfuðborgarinnar á dag. „Það
kostar um 1.300 kr. með rútu eins og er
en við stefnum á að bjóða upp á strætó-
ferðir fyrir helmingi lægra verð. Það
yrði aðeins dýrara en almennt miðaverð
innanbæjar í Reykjavík en samt miklu
hagkvæmara fyrir íbúana heldur en að
Buguð af háu bensínverði
 Margir fluttu frá höfuðborgarsvæðinu þegar fasteignir hækkuðu  Fækkar verkefnum á höfuðborgar-
svæðinu vegna bensínverðs  Strætóferðir fyrirhugaðar milli Árborgar, Hveragerðis og Reykjavíkur
Morgunblaðið/Kristinn
Alltaf á dælunni Eldsneytið kostar skildinginn hjá þeim sem vinna í Reykjavík en búa í öðrum sveitarfélögum.
   !
"
#$
% !&
  
! $%
&$


  

 % &




  
'"
"#
!("""
)% &(




  
'*
"'
!("!#
 % &




  
+*
!!'
,(-,.
HERMANN Hermannsson, málarameist-
ari á Akranesi, var áður búsettur á höf-
uðborgarsvæðinu. Hann segist finna
verulega fyrir hækkunum og þær séu
farnar að hafa áhrif á hans vinnu. „Ég hef
heldur betur fundið fyrir þessu. Ég keyri
Ford Transit og það kostar rúmar tíu þús-
und krónur að fylla tankinn. Þetta er auð-
vitað út í hött.“ Hermann segist eyða tæp-
um sjötíu þúsund krónum í bensín á
mánuði bara á þennan bíl. Hann segist ekki hafa hugsað sér
að flytja en hann hafi í staðinn fækkað verkefnum á höf-
uðborgarsvæðinu. „Þetta er allt að fara til andskotans virð-
ist vera. Núna er ég að einbeita mér að því að draga úr verk-
efnum í Reykjavík. Maður grætur við bensíndæluna. Ég
reyni að keyra sem minnst og læt senda mér hluti á verk-
stæðið í staðinn. Helmingur minna verkefna er í bænum
núna en var 100% áður,“ segir Hermann sem flokkar bensín-
útgjöld sem stóran hluta af rekstrarkostnaði sínum í kjölfar
hækkana.
Grætur við dæluna
UNNUR Pálmarsdóttir einkaþjálfari
keyrir til Reykjavíkur á hverjum morgni.
„Ég var búsett í Reykjavík alla mína tíð
og flutti til Selfoss fyrir 3 árum. Við feng-
um mjög hagstætt verð fyrir íbúðina okk-
ar. Við búum núna í raðhúsi hér á Selfossi
sem er jafndýrt og 2 herbergja íbúð í
bænum.“ Unnur segist finna vel fyrir
hækkuðu eldsneytisverði.
„Það er ekkert mál að keyra hálftíma í
bæinn. Okkur finnst það lítið mál. Bensínið er samt mjög
stór útgjaldaliður og við finnum vel fyrir hækkunum. Við
maðurinn minn reynum að sameinast um bíl á morgnana en
við keyrum á Toyota Rav4-jeppling. Við áttum ódýrari bíl en
það er nauðsynlegt að vera á stærri bíl á veturna. Bensín-
útgjöld eru rúmlega 50.000 kr. á mánuði. Við höfum reynt
að draga úr öðrum útgjaldaliðum og förum t.d. ekki til út-
landa í sumar. Við höfum skorið niður og finnum alveg fyrir
því. Það er ekki hægt að gera allt.“
Hættu við sumarfríið
HÓLMFRÍÐUR Hilmisdóttir, launaráð-
gjafi hjá Reykjavíkurborg, seldi íbúðina
sína í Reykjavík og keypti sér nýtt raðhús
í Hveragerði.
„Ég sá teikningu af fallegu húsi sem ég
féll fyrir. Þá var bensínverð ekki eitthvað
sem ég var mikið að velta fyrir mér. Son-
ur minn og tengdadóttir voru flutt hing-
að til Hveragerðis með tengdabörnin. Ég
á vinkonur hér og ólst hér upp,“ segir
Hólmfríður sem kaupir alltaf bensínið hjá honum Villa hjá
Shell í Hveragerði. „Ég reyni að versla alltaf hjá kaup-
manninum á horninu, það er svo heimilislegt.“ Hólmfríður
telur mikla kjarabót í fyrirhuguðum almenningssam-
göngum verði þær að veruleika. „Mér líst mjög illa á að-
stæður núna. Ég þrái heitast að selja húsið og flytja aftur.
Ég nota bílinn bara til að komast til vinnu og útgjöld vegna
bensíns eru samt rúmar 40.000 kr. á mánuði á Nissan
Primera,“ segir Hólmfríður.
Þráir heitast að selja
Eftir Þorbjörn Þórðarson
thorbjorn@mbl.is
SKORTUR á fórnarlambavernd virð-
ist hafa staðið ákvæði almennra hegn-
ingarlaga um mansal fyrir þrifum
eins og fram kom í Morgunblaðinu í
gær. Aðspurður hvort fyrirhuguð sé
breyting á lögum til að tryggja betur
virkni 227.gr.a) almennra hegningar-
laga sem fjallar um mansal segir
Ágúst Ólafur Ágústsson, varaformað-
ur allsherjarnefndar, engar ákvarð-
anir hafa verið teknar í þeim efnum.
„Það er verið að móta aðgerðaáætlun
gegn mansali á vettvangi félagsmála-
ráðuneytisins og við viljum bíða og sjá
hvað kemur út úr þeirri áætlun þó við
útilokum engar breytingar. Úrræðin
þurfa að vera fyrir hendi hjá löggæslu
og félagsmálayfirvöldum.“
Ágúst segir nefndina ekki hafa
skoðað svokallaða fórnarlambavernd
sérstaklega á liðnu starfsári. Sú vinna
sé eftir. „Það mun vega þungt hvað
kemur út úr þessari aðgerðaáætlun.
Löggjöf á að vera þannig að þolendur
afbrota geti tjáð sig í öryggi svo lög-
regla öðlist traust viðkomandi. Það
segir sig sjálft að málin verða mjög
þung ef skortur er á vitnisburði þol-
anda,“ segir Ágúst.
Birgir Ármannsson, formaður alls-
herjarnefndar, segir að gerðar hafi
verið ákveðnar breytingar á hegning-
arlögum í vor sem eiga að miða að því
að ná þeim fjárhagslega ávinningi
sem verður til meðal annars við man-
sal. Hann segir allsherjarnefnd jafn-
framt mjög meðvitaða um vandann.
„Við höfum stigið ákveðin skref á liðn-
um árum til þess að efla íslenska lög-
gjöf svo hún sé í stakk búin til þess að
mæta brotum af þessu tagi. Við mun-
um halda því áfram.“
Þolendur þurfa að
geta tjáð sig í öryggi
Ágúst Ólafur
Ágústsson
Birgir
Ármannsson