Morgunblaðið - 28.09.2008, Blaðsíða 15
leika til að ná til kjósenda.
En fljótt skipast veður í lofti.
Hinn 18. desember sama ár lentu
eiginkona hans og börn í alvarlegu
bílslysi sem dró hana og nokkurra
mánaða dóttur þeirra til dauða.
Þótt sonunum tveimur væri vart
hugað líf náðu þeir að lokum full-
um bata.
Biden íhugaði að afsala sér sæti
sínu í öldungadeildinni til að geta
annast drengina, en lét undan for-
tölum og sór embættiseið sinn við
sjúkrabeð þeirra 3. janúar 1973,
aðeins þrítugur að aldri.
Frá þeim degi hefur Biden tekið
lestina frá heimili sínu í Wilm-
ington til vinnu sinnar í Wash-
ington og til baka og gerir enn.
Hann hefur enn þann háttinn á
þótt ferðirnar taki samtals einn og
hálfan tíma. Þeim tíma finnst hon-
um vel varið til að kynnast fólki í
kjördæmi sínu.
Í þinginu gaf Biden þau fyr-
irmæli að ef synir hans hringdu
ætti undir öllum kringumstæðum
að gera honum viðvart. Hann
heiðrar ennþá minningu konu
sinnar og dóttur á dánardægri
þeirra 18. desember og mætir ekki
til vinnu.
Mismunandi lexíur
Eins og alsiða er í Bandaríkj-
unum gekk maður undir manns
hönd að reyna að para einhleypt
fólk saman. Biden kynntist Jill
Tracy Jacobs, kennara frá Penn-
sylvaníu, á „blindu stefnumóti“,
sem bróðir hans hafði komið á.
Þau giftust 1977 og eignuðust
dóttur 1981.
Í viðtali við The Times sagði
Biden einhverju sinni að hann
hefði lært mismundandi lexíur af
þremur mestu harmleikjum lífs
síns; dauða eiginkonu og dóttur,
eigin veikindum 1988, og póli-
tísku axarskafti, sem engum varð
svo sem meint af nema honum
sjálfum. Honum er enn nuddað
upp úr klúðrinu og um leið er
jafnan rifjaður upp meintur rit-
stuldur í lagadeildinni forðum.
Biden varð það nefnilega á 1987,
þegar hann sóttist eftir tilnefn-
ingu til forsetaembættisins, að
halda ræðu sem að hluta var eins
og ræða sem Neil Kinnock, þá
leiðtogi breska Verkamanna-
flokksins, hafði haldið:
„Hvers vegna er ég sá fyrsti af
Kinnock-ættinni í þúsund kyn-
slóðir, sem get farið í háskóla?
[Kinnock benti á konu sína í
áheyrendahópnum] Hvers vegna
er það að kona mín sem situr
meðal áheyrenda er sú fyrsta í
sinni fjölskyldu til að fara í fram-
haldsskóla? Var það vegna þess
að allir forfeður okkar voru
heimskir?“ sagði Kinnock meðal
annars. Biden sneri orðunum upp
á sig og sitt fólk og sýndi sömu
leikrænu tilþrifin þegar hann
benti á eiginkonu sína.
Pínlegt þegar upp komst um
kauða.
Merkileg mál
En eins og Biden sagði í ræðu
sinni 28. ágúst þegar hann var
formlega tilnefndur varafor-
setaefni á flokksþinginu í Denver,
Colorado: „Mistök upp að ein-
hverju marki eru óhjákvæmileg í
lífi fólks, en það er ófyrirgef-
anlegt að gefast upp.“
Það gerði hann ekki heldur
þegar hann veiktist lífshættulega
í ársbyrjun 1988 og var lagður á
sjúkrahús þar sem hann þurfti í
tvígang að gangast undir skurð-
aðgerð vegna heilablæðingar.
Eftir sjö mánaða veikindaleyfi
mætti hann aftur til starfa í öld-
ungadeildinni, endurnærður að
því er virtist.
Tæpast er hægt að fjalla um
Biden án þess að nefna aðkomu
hans að tveimur sögufrægustu
yfirheyrslum bandarísku dóms-
málanefndarinnar yfir tilnefndum
hæstaréttardómurum. Annars
vegar 1987, skömmu fyrir veik-
indin, þegar hann stjórnaði yf-
irheyrslum yfir Robert Bork,
íhaldskurfi miklum að mati Edw-
ards Kennedys og fleiri frjáls-
lyndra demókrata, sem for-
dæmdu Bork harðlega. Honum
var hafnað en Biden hampað fyr-
ir að komast lipurlega frá verk-
efninu.
Hins vegar 1991 þegar Cla-
rence Thomas var tilnefndur í
embættið, en hann var ásakaður
fyrir að hafa áreitt fyrrverandi
samstarfskonu sína, Anitu Hill,
kynferðislega. Yfirheyrslan var í
beinni útsendingu á öllum stærri
sjónvarpsstöðvum Bandaríkjanna
og þótti farsakennd. Til þess var
tekið að Biden var stundum svo
orðmargur að Thomas var búinn
að steingleyma spurningunni
þegar hann loks þagnaði.
Þótt margir stæðu með Thom-
as var afar umdeilt þegar Biden
staðfesti tilnefningu hans í emb-
ætti hæstaréttardómara, sér-
staklega urðu femínistar æfir.
Thomas gegnir embættinu ennþá.
Sem öldungadeildarþingmaður
með sæti í dómsmálanefnd og ut-
anríkismálanefnd í öll þessi ár
hefur Biden komið að mörgum
málum og fjallað um það sem efst
er á baugi.
Sjálfur segist hann stoltastur
af þætti sínum í lögum frá 1994
um að stöðva heimilis- og kyn-
ferðisofbeldi gegn konum og
börnum sem jafnframt fela í sér
að samfélagið hjálpi fórnarlömb-
unum að koma lífi sínu á réttan
kjöl. Á heimasíðu Bidens er fullyrt
að frá því lögin tóku gildi hafi of-
beldi af þessu tagi minnkað veru-
lega og réttlætinu hafi verið full-
nægt í dómsölum í málum milljóna
kvenna.
Biden hefur lagt fram hug-
myndir sínar um bætta heilbrigð-
isþjónustu, þar sem fleiri nytu
sjúkratrygginga og betra aðgeng-
is. Sem formaður alþjóðlegrar
nefndar um að stemma stigu við
eiturlyfjavandanum samdi hann
lög, sem byggjast á fjölþættum að-
gerðum, eftirliti og samræmdri
stefnu gegn þessum margmilljarða
dollara bransa, helsta hvata glæpa
og sundrungar fjölskyldna og sam-
félags, eins og Biden segir.
Hrói höttur og
föðurlandsástin
Efnahagskrísa heimsins hefur
sett strik í reikninginn í kosninga-
baráttunni, kjósendur krefjast af-
dráttarlausari svara en ella og
bæði settin, Obama og Biden, og
McCain og Palin, hafa þurft að
leggjast undir feld til að íhuga
stöðuna.
Í viðtali í Good Morning Am-
erica á ABC-sjónvarpsstöðinni
gagnrýndi Biden harðlega stefnu-
leysi McCains og upplýsti að þeir
Obama væru sammála um að
legga bæri aukna skatta á þá efna-
meiri. „Við viljum taka peninga og
láta þá aftur í vasa millistétt-
arinnar,“ sagði Biden eins og
sannur Hrói höttur.
Um eigendur vasanna, sem í
væri seilst, sagði hann: „Það er
kominn tími til að sýna föð-
urlandsást … tími til að skerast í
leikinn, tími til að vera partur af
samningnum, tími til að leggja sitt
á vogarskálarnar til að koma
Bandaríkjunum upp úr hjólför-
unum.“
Blaðamaður The Wall Street Jo-
urnal, sem ekki er sérlega upp-
veðraður yfir tillögum Bidens,
benti á að í skattskýrslu Biden-
hjónanna komi fram að á tíu ára
tímabili hafi aðeins 0,2% tekna
þeirra farið til góðgerðarmála þeg-
ar meðaltalið væri 2% af tekjum
meðaljónsins og -gunnunnar.
Eins og að líkum lætur eru
Obama og Biden sammála í flest-
um mikilvægum málum – ef ekki
þá þurfa þeir væntanlega að stilla
saman strengi sína. Orð verða þó
ekki aftur tekin eins og t.d. um
Íraksstríðið en um það hefur ekki
verið fullkominn samhljómur
þeirra á milli. Obama var afdrátt-
arlaust á móti innrásinni í Írak en
Biden studdi hana þótt hann var-
aði strax við gríðarlegum kostnaði.
Hann er talsmaður þriðju leið-
arinnar svokölluðu sem gengur út
á að landinu verði skipt í lauslega
tengd ríki Kúrda, sjíta og súnníta.
Báðir vilja herinn heim.
Beau, eldri sonur hans, dóms-
málaráðherra Delaware og höfuðs-
maður í þjóðvarðliðinu, verður
senn sendur með liði sínu til
Íraks. Biden viðurkenndi að vita-
skuld vildi hann ekki að hann færi,
„en ég vil ekki að barnabörnin mín
fari þangað eftir fimmtán ár.
Hvernig við skiljum við skiptir
miklu máli,“ bætti hann við.
Þar hitti maður margra orða
naglann á höfuðið.
MORGUNBLAÐIÐ SUNNUDAGUR 28. SEPTEMBER 2008 15
1. Hillary Clin-
ton er hæf
eða hæfari
en ég til að
vera varafor-
seti Banda-
ríkjanna. Í
sannleika
sagt hefði hún verið betri
kostur en ég.
J.B. í Nashua, New Hamshire.
2. Chuck, stattu upp, leyfðu
fólkinu að sjá þig.
J.B. við lamaðan opinberan starfsmann
í áhorfendahópnum í Columbia, áður en
hann sá sér til skelfingar að maðurinn
var í hjólastól.
3. John McCain
er persónu-
legur vinur
minn, frá-
bær vinur,
og mér væri
heiður að
fara fram
með honum eða á móti, af því
ég held að þjóðinni væri bet-
ur borgið – væri best borgið
hver svo sem . . .
J.B. 2. ágúst 2005 í Daily Show, þegar
þáttastjórnandinn, Jon Stewart, spurði:
Þú endar kannski með því að fara fram
gegn félaga í öldungadeildinni, kannski
McCain, kannski Frist?
4. Barack
Obama er
fyrsti venju-
legi afrísk-
ameríski
frambjóð-
andinn, sem
er vel máli
farinn, vel gefinn, hreinn og
huggulegur strákur.
Úr yfirlýsingu J.B. þegar Obama sóttist
eftir tilnefningu til forsetaembættisins.
5. „Það er ekki hægt að fara í
Seven-Eleven eða Dunkin’D-
onuts án þess að hafa smá
indverskan framburð. Ég er
ekki að grínast.“
Lýsing J.B. á fjölmenningarsamfélaginu
í heimaríki sínu, Delaware.
5
mismæli
»Hugmyndafræðin deyr þeg-ar raunveruleikinn kemur.
Greining Jean-Claudes Junckers , for-
sætisráðherra Lúxemborgar, á afleið-
ingum fjármálakreppunnar.
» Segja má að það sé orðinnáhættuþáttur fyrir þjóð-
arbúið hversu stórt bankakerfið
er og það væri mjög erfitt fyrir
íslenska ríkið að hlaupa undir
bagga ef illa færi.
Friðrik Már Baldursson , prófessor við
Háskólann í Reykjavík, á ráðstefnu um þá
möguleika sem Ísland stendur frammi
fyrir í gjaldeyrismálum.
» Efnishyggja er ákveðið gild-ismat, eða hugsanaferli, sem
getur valdið minni hamingju hjá
fólki. Það er því bein fylgni á
milli efnishyggju og óhamingju.
Ragna Benedikta Garðarsdóttir fé-
lagssálfræðingur í doktorsritgerð sinni.
» Stefnan er sett á heims-yfirráð íslensku kindarinnar.
Hlédís Sveinsdóttir , stofnandi fyrirtæk-
isins Eigið fé ehf., rekur vefsíðuna kind-
ur.is þar sem öllum gefst kostur á að eign-
ast sína eigin kind og gefa henni nafn.
» Þessi búgarður er alvegstórkostlegur og maður
missir nánast andlitið þegar
maður sér hann.
Ólafur Ólafsson , einn eigenda Eglu, ann-
ars stærsta hluthafa Kaupþings, um rækt-
unar- og uppeldisstöð fyrir arabíska veð-
hlaupahesta í Katar, sem er í eigu vinar
hans sjeiks Mohammed Bin Khalifa Al-
Thani, sem keypti 5,01% hlut í Kaupþingi.
» Það mun ekki gerast nemaað markaðir versni verulega
frá því sem var um mitt ár.
Þorgeir Eyjólfsson , framkvæmdastjóri
Lífeyrissjóðs verzlunarmanna, þegar
hann var spurður hvort til
réttindaskerðingar myndi
koma um næstu áramót.
» Stormur variraldrei að eilífu. Ein-
hvern tímann lægir.
Guðjón Arnar Kristjánsson , formaður
Frjálslynda flokksins, um innbyrðis deil-
ur flokksins.
» Ég er orðinn vel stálpaður.
Steindór Jónsson , átti 100 ára afmæli í
vikunni.
» Ég er í förðun í fjóra tilfimm tíma á dag og verð
mjög ógeðsleg.
Halla Vilhjálmsdóttir leikkona leikur
drauginn og „vonda kallinn“, eins og hún
segir, í Ghost Machine, sem tekin er upp í
Belfast á Norður-Írlandi.
» Sjósund er líklega eina leik-fimin sem húðin fær.
Siv Friðleifsdóttir alþingismaður stundar
sjósund reglulega í Nauthólsvíkinni.
» Sumir eru svo bíræfnir að þáskiptir engu þótt væli í örygg-
ishliðum, þeir hlaupa bara út í bíl
sem bíður fyrir utan og svo er ekið á
fleygiferð í burtu.
Sigurbjörn Gunnarsson, fram-
kvæmdastjóri Lyfju, um stuld úr lyfjabúð-
um fyrirtækisins.
» Mér leið innra með mér einsog ég væri gárótt vatn og allt
í einu varð það spegilslétt.
Herbert Guðmundsson var fyrir andlegri
reynslu á bænafundi.
Ummæli vikunnar
» Ég er hér til að benda á hvernigástandið er og segja að það sé
þörf á friði á svæðinu og sam-
komulagi tveggja ríkja,“
Bítillinn Paul McCartney ferðaðist um
Vesturbakkann í Ísrael, en hann var þang-
að kominn til að leika á tónleikum í Tel
Aviv.
Stórhöfða 21, við Gullinbrú, s. 545 5500.
www.flis.is ● netfang: flis@flis.is
lím og fúguefni
Samtök iðnaðarins - www.si.is
Ísland – ESB – Evra
Starfsgreinasamband Íslands og Samtök iðnaðarins bjóða til
ráðstefnu um mögulega aðild Íslands að ESB og upptöku evru
2. október kl. 13.30-16.00 Sal H, Hilton Reykjavík Nordica
Dagskrá:
Ávarp
Kristján Gunnarsson, formaður Starfsgreinasambands Íslands
Áhrif aðildar Finnlands að ESB og EMU á finnskan iðnað
Daníel Vartikari, Industri anställda i Norden
Umræður og fyrirspurnir
Kaffihlé
Hvað breytist raunverulega við aðild að Evrópusambandinu?
Aðalsteinn Leifsson, lektor og forstöðumaður MBA í Háskólanum í Reykjavík
Áhrif upptöku evru á íslenskan vinnumarkað
Ólafur Darri Andrason, hagfræðingur ASÍ
Umræður og fyrirspurnir
Fundarstjóri er Jón Steindór Valdimarsson, framkvæmdastjóri SI
Fundurinn er öllum opinn og ókeypis, skráning fer fram á netfangið
mottaka@.si.is.
grunnskóli - framhaldsskóli - háskóli
NÁMSAÐSTOÐ
íslenska - stærðfræði - enska - danska
franska - eðlisfræði - efnafræði - tölfræði
þýska - spænska - lestur - stafsetning o.fl.
greining á lestrarerfiðleikum
Nemendaþjónustan sf. Sími 557 9233 • www.namsadstod.is
, ,