Morgunblaðið - 28.09.2008, Blaðsíða 19
MORGUNBLAÐIÐ SUNNUDAGUR 28. SEPTEMBER 2008 19
Ársfundur Úrvinnslusjóðs
Ársfundur Úrvinnslusjóðs verður haldinn
á Hótel Nordica, 2. hæð, þriðjudaginn
30. september kl. 14:00.
• Formaður stjórnar setur fundinn
• Ávarp umhverfisráðherra
• Ávarp formanns stjórnar Úrvinnslusjóðs
• Ársreikningur 2007 kynntur
• Yfirlit yfir starfsemi Úrvinnslusjóðs
• Umræður
Dagskrá
Fundargögn munu liggja frammi á fundarstað.
Stjórn Úrvinnslusjóðs
Gæti verið grínleikkona
Gísli Galdur „Við áttum margar
góðar stundir í Skólastrætinu en
við vorum mest tvö þangað til ég
var fimm ára. Mamma er mjög
skemmtilegur karakter. Til dæm-
is gerði hún að leik að fara í hlut-
verk afa, því ég átti ekki neinn.
Við höfðum afadag reglulega.
Hún lék afa og fór í búning og
allt. Þetta var gaman því maður
vissi ekki alveg hvernig væri að
eiga afa og við gerðum leik úr
þessu. Ég á margar góðar
bernskuminningar og ég var líka
mikið uppi í Borgarleikhúsi og
Þjóðleikhúsi þegar hún var að
leika. Núna er ég sjálfur búinn að
vera að vinna uppi í Þjóðleikhúsi
og finnst allt vera miklu minna
þarna en mig minnti!
Gaman að horfa
á hana á sviði
Mamma er góður leikari og
mér finnst gaman að horfa á
hana á sviði. Hún hefur leikið
mest af dramatískum hlutverkum
en ég held að hún gæti verið
ótrúlega góð grínleikkona. Ég
gæti trúað að hana
langaði til að prófa
slík hlutverk. Hún er
mjög fyndin, algjör
húmoristi. Hún var
alltaf að ljúga ein-
hverju að manni þegar maður var
krakki. Margar þessar sögur
hennar virkuðu reyndar á mann,
hún er svo góður leikari og nær
alveg að leika á mann! Hún bjó
oft til ævintýraheim og sagði sög-
ur með leikrænum tilburðum.
Opin og forvitin
Hún er margbreytilegur kar-
akter og á sér ýmsar hliðar. Hún
er opin og sjálf sjúklega forvitin.
Ef hún væri ekki leikari held ég
að hún ætti að vinna sem ein-
hvers konar braskari. Hún er
alltaf að spá í hitt og þetta og
veit ótrúlegustu hluti. Hún getur
gefið manni mörg góð ráð í sam-
bandi við lífið og tilveruna.
Hún er mikið fyrir tónlist og
setti mig markvisst í tónlistar-
skóla og hélt því til streitu sem
er mjög gott því ég efast um að
ég hefði haft agann til að gera
það sjálfur.
Hún hlustar mikið á tónlist,
mest á Rolling Stones og svoleiðis
rokk. Hún lærði sjálf á píanó og
var í tónlistarskóla. Ég byrjaði á
blokkflautu, fór svo í píanónám
og þaðan yfir í slagverk. Ég var
að tromma frá því ég var lítill en
byrjaði að læra sem táningur. Við
vorum alltaf með trommusett
uppi á háalofti og mamma leyfði
mér alveg að fá útrás á því. Hún
styður mig í starfi núna og er
dugleg að hvetja mann áfram í
námi.
Með fyrstu
veggjalistamönnum
Mamma ætlaði að verða mynd-
listarmaður þegar
hún var ung, áður
en hún varð leikari.
Hún var mikið að
mála myndir og var
líklega með fyrstu
veggjalistamönnum á Íslandi.
Hún málaði vegg á Akureyri með
vinkonu sinni sem hét Edda.
Löggan handtók þær en á veggn-
um voru ýmiss konar frið-
arskilaboð. Þetta gerðist þegar
hún var um 16 ára gömul.
Hún hefur alltaf verið mjög
dugleg og hefur unnið út um allt
land í margskonar vinnu og
kynnst allskonar fólki hér og þar
í leiðinni. Ég held hún hafi alltaf
viljað vera svona sjálfstæð.
Hún er mikill náttúruvernd-
arsinni. Henni líður rosa vel úti í
sveit. Hún keypti land fyrir
nokkrum árum við rætur Heklu.
Hún fer oft þangað og er dugleg
að gróðursetja. Næst á dagskrá
er að koma upp sumarhúsi þarna.
Síðustu ár finnst mér hún sækja
sífellt meir í náttúruna.
Hún er mjög félagslynd mann-
eskja og á marga vini og kunn-
ingja. Henni finnst líka fínt að
kúpla sig út úr öllu og fara eitt-
hvert þar sem er ekkert rafmagn
og sitja þar við kertaljós.
Hún hefur áhuga á leiklist og
hefur gaman af til dæmis þýsku
leikhúsi og öðruvísi sýningum.
Hún les líka mikið af bókum. Hún
hefur líka áhuga á gömlum Land
Roverum og ég held að hana
langi í einn slíkan.
Mamma kynntist Illuga þegar
ég var um fimm ára gamall. Hún
var oft að leika á kvöldin en Ill-
ugi vann alltaf mest heima. Hann
er skemmtilegur karakter en
rosalega ólíkur mömmu. Hann er
miklu meiri einfari.
Frumleg
í nafngift
Nafnið Galdur er komið frá
mömmu. Maður þarf að reyna að
standa undir þessu nafni! Það
hafa alltaf verið margir kettir á
heimilinu og hún finnur alltaf
einhver frumleg nöfn á þá. Núna
eru á heimilinu þrír kettir, Scott,
Skotta og Fiskur!
Hún hefur gaman af því að vita
hvað aðrir eru að gera og er allt-
af að rannsaka eitthvað. Mamma
er mjög drífandi karakter og
þarf alltaf að vera að gera eitt-
hvað. Stundum finnst mér að hún
ætti að vera að gera eitthvað allt
annað en að leika. Kannski ætti
hún bara að setja sýningar upp
sjálf?
Félagslynd
manneskja sem
á marga vini og
kunningja
@