Morgunblaðið - 28.09.2008, Blaðsíða 39
MORGUNBLAÐIÐ SUNNUDAGUR 28. SEPTEMBER 2008 39
Nýtt skrifstofuhúsnæði til leigu í Borgartúni
Sími: 511-2900
Til leigu nýtt óinnréttað 2.995 m² skrifstofuhúsnæði á tveimur hæðum í Borgartúni með
glæsilegu útsýni ásamt 46 bílastæðum í lokaðri bílageymslu. Húsnæðið verður innréttað
eftir þörfum leigjanda, eða afhent óinnréttað með fullkláraðri sameign. Mögulegt er að leigja
húsnæðið í tvennu lagi þ.e. 2009 m² á 4. hæð og 986 m² á 5. hæð.
Leyfi er fyrir mötuneyti á 4. hæðinni. Hæðirnar eru bjartar með glugga á 3 vegu, bjóða upp
á mikla nýtingu og eru með góðri lofthæð. Þrír blautkjarnar á heilli hæð. Lyftur í sameign
ganga frá bílakjallaranum sem er aðgangsstýrður. Glæsilegt húsnæði á frábærum stað
miðsvæðis í Reykjavík með nægum bílastæðum. Teikningar og allar nánari upplýsingar
veittar á skrifstofu Leigulistans ehf.
Faxafen 10 - 108 Reykjavík - eignir@eignir.is
Glæsilegt einbýli
á frábærum útsýnisstað
Til sölu einstaklega fallegt fjölskylduhús í
toppstandi við Þinghólsbraut, sunnan megin
í vesturbæ Kópavogs. Mjög skjólgóður stað-
ur, rólegt og gróið hverfi. Stutt í alla þjón-
ustu. Á aðalhæð er rúmgott anddyri, hol fal-
legt baðherbergi með sturtu, fjögur góð
svefnherbergi með góðu skápaplássi, gott,
vel skipulagt eldhús með góðri innréttingu,
búr og útgengi út í fallegan garð á móti
suðri með stórri verönd og heitum potti. Úr
holi er gengið upp nokkrar tröppur í góða
og bjarta stofu og borðstofu. Fallegur arinn og frábært útsýni yfir á Bessastaði, Snæfellsjökul og
Keili. Úr stofu er útgengi út á svalir og þaðan einnig á veröndina. Á jarðhæð er gott baðherbergi
með fallegum innréttingum. Þar eru einnig góðir skápar og stórt og gott þvottahús með útgengi
út í garð. Allar innréttingar hafa verið endurnýjaðar á mjög smekklegan hátt. Fallegt parket og
náttúruflísar á öllum gólfum. Góður upphitaður bílskúr. Garðurinn er allur endurnýjaður. Hiti í
plani og gert ráð fyrir lýsingu. Þetta er eign fyrir fólk sem vill hafa fallegt í kringum sig. Verð
64.900.000. Skipti möguleg á minni eign.
Upplýsingar gefa Aðalheiður eða Brynja á skrifstofu Eignaumboðsins
Sími 580 4600
Aðalheiður Karlsdóttir, lögg.fasteignasali
www.eignir.is
Fallegt tveggja hæða einbýlishús með fjórum svefnherbergjum
og bílskúr. Íbúðin er 139,5m2 og bílskúrinn 34m2 samkvæmt
fasteignamati. Húsið stendur á 619m2 eignarlóð í Seláshverfi.
Sundlaug, skólar og útivistarsvæði innan seilingar.
Fyrirspurnir óskast á vesturas36@gmail.com
SELÁS, 110 REYKJAVÍK
TIL SÖLU
Fáðu fréttirnar
sendar í símann þinn
ÞAÐ SEM þjóðin
þarf og hefur allt of
lengi beðið eftir, er að
finna að stjórnvöld
standi með almenningi
– en ekki með fáeinum
mislitum sauðum sem
a.m.k. að hluta bera
ábyrgð á því hvernig
komið er. Fólk, sem
horfir fram á atvinnu-
leysi og er að kikna undan skuldum,
stefnir jafnvel í gjaldþrot og heim-
ilismissi, vill áþreifanlegar raunhæf-
ar lausnir og sjá að kostnaður við
þessar lausnir – s.s. erlendar lántöku
ríkisins – verði borinn af þeim sem
ábyrgðina bera, þeim sem högnuðust
á einokun, samráði og gegndarlausri
græðgi meðan vinir þeirra á valda-
stólum litu í hina áttina.
Við höfum nógu oft heyrt „að verið
sé að vinna í málinu“, „ástandið sé
erfitt“, „beðið sé skýrslna frá nefnd-
um“, „enginn hafi séð þetta fyrir“ –
o.s.frv.
Nú þurfa ráðamenn að taka af öll
tvímæli um að þeir valdi verkinu,
með hverjum þeir standa – og bretta
upp ermarnar.
Hvað er til ráða?
Ríkisstjórnin getur auðveldlega
létt byrðar almennings með því t.d.
að:
… fella alveg niður virðisaukaskatt
af matvælum.
… fella strax niður skatta eldri borg-
ara af eðlilegum atvinnutekjum.
Stígandi skuldir, frosinn fast-
eignamarkaður og hækkandi verð
á nauðsynjavörum er ósanngjörn
byrði á herðum þessa fólks sem á
að hafa lokið starfsævi sinni og
hefur auk þess búið við marg-
svikin loforð um margskonar fé-
lagslegar úrbætur. Það er lág-
marks réttlæti að taka ekki skatta
eða opinberar bætur af þeim sem
þurfa að vinna eftir að þeir ættu
að geta verið farnir að njóta ævi-
kvöldsins.
… binda skattlagningu ríkisins og
tekjur olíufélaganna af öllu elds-
neyti við ákveðna, hóflega krónu-
tölu og afnema prósentuhækk-
anir. Krepputímar eru ekki
viðeigandi fyrir ríkissjóð og
einkafyrirtæki til að hagnast.
… afnema stimpilgjöld af lánum og
fasteignavið-
skiptum, t.d. í þrjú
ár. Það gæti ýtt við
markaðnum og gert
fólki kleift að skuld-
breyta, kaupa og
skipta um húsnæði
eftir þörfum. Nú er
þessi markaður
frosinn, fjöldi fólks í
vandræðum og fast-
eignasalar að skila
inn starfsleyfum
sínum. Frosinn
markaður skilar rík-
issjóði engum stimpilgjöldum.
Ríkisstjórnin getur alveg eins
fellt þau niður. Núll er bara núll !
… afnema lög um verðtryggingar, ef
ekki að fullu, þá að hluta. Íslend-
ingar, einir þjóða, bera verð-
tryggingu á skuldum sínum svo
höfuðstóll og afborganir hækka
mánaðarlega. Launin hækka
sjaldnast jafnmikið og alltaf löngu
seinna. Þetta einfaldlega gengur
ekki upp. Þetta er þrælahald.
… fella niður aldursmörk, tímamörk
og skatta af lífeyrissjóðsinn-
eignum. Margir eiga viðbótarlíf-
eyri í sérstökum sjóðum sem gert
er ráð fyrir að þeir taki út þegar
aldurinn færist yfir og borgi þá
skatta af þessum sparnaði sínum.
Nú er sjálfsagt að leyfa þessu
fólki að taka þetta fé út án skatta
og bótaskerðinga. Það sem skiptir
máli nú er að fólk geti notað þetta
fé sitt – óskert – til að takmarka
tjón sitt í kreppunni.
… styrkja velferðarkerfið: Mælum
svo fyrir að lífeyrissjóðir byggi
húsnæði fyrir eldri borgara – ekki
til að selja þeim – heldur lána eða
leigja. Eru lífeyrissjóðirnir ekki
fullir af peningum sem einmitt
þetta fólk á? Hafa ekki fasteignir
reynst ein öruggasta fjárfest-
ingin, þegar til lengri tíma er lit-
ið? Því skyldu sjóðir fólksins fjár-
festa í erlendum pappírum meðan
það sjálft býr við óöryggi í hús-
næðismálum þegar aldurinn fær-
ist yfir?
… gæta sanngirni í sköttun fyr-
irtækja. Til eru vel rekin fyr-
irtæki sem búa við hækkandi verð
á aðföngum og reksturskostnaði.
Sum eru í eigin húsnæði sem eig-
endur þeirra reistu af dugnaði,
með eigin vinnu og aðhaldi. Þegar
ríkið hinsvegar ákvað á sínum
tíma virði þessara bygginga, sem
fasteignagjöld eru svo aftur
reiknuð út frá, var miðað við sölu-
verð þeirra – ekki raunverulegan
byggingarkostnað. Er nú ekki
tímabært – og sanngjarnt – þegar
verð á atvinnuhúsnæði lækkar
eða það er jafnvel óseljanlegt að
endurmeta raunverulegt verð-
mæti þess og lækka þar með fast-
eignagjöld þeirra tilsvararandi –
ekki ári eða tveimur síðar heldur
t.d. mánaðar- eða ársfjórðungs-
lega. Það er varla miklu flóknara
en að hækka höfuðstól verð-
tryggðra lána mánaðarlega? Í
mörgum tilfellum gæti þetta
tryggt áframhaldandi starfsemi
fyrirtækjanna, framleiðslu, at-
vinnu starfsmanna og þar með
skatt- og útsvarsgreiðslur; og það
sem mest er um vert: Framfærslu
þess og sjálfstæði.
Fleiri ábendingar?
Nýjar tölur sýna jákvæðan rekst-
ur ríkissjóðs upp á 77 milljarða
króna. Forsætisráðherra er hag-
fræðingur, hann hefur ráðgjafa sem
líka er hagfræðingur og pyngju fulla
af peningum. Ég spyr þessa menn:
„Hvenær – ef ekki á krepputímum
þegar fjöldi fólks býr við fátækt, yf-
irvofandi atvinnuleysi, gjaldþrot og
neyð – er tímabært að slaka á klónni
t.d með ofannefndum aðgerðum –
eða öðrum álíka?
Þessar ráðstafanir eru heilbrigð-
ari og ódýrari en hruna gjaldþrota,
fjöldauppsagnir, útgjaldaaukning
vegna atvinnuleysisbóta og annað
sem fylgir alvöru kreppu.
Þurfi ráðamenn fleiri ábendingar
um hvernig er hægt að leysa þarfir
almennings og hvar í ríkisrekstr-
inum megi finna viðbótarfjármagn til
þess, verð ég ábyggilega ekki einn
um að koma með nokkrar hug-
myndir.
Kreppan, almenningur
og yfirvöld
Baldur Ágústsson
skrifar um efna-
hagsmál
» Þessar ráðstafanir
eru heilbrigðari og
ódýrari en hrina gjald-
þrota, fjöldauppsagnir,
útgjaldaaukning vegna
atvinnuleysisbóta og
annað sem fylgir alvöru
kreppu.
Baldur Ágústsson
Höfundur er fv. forstjóri og frambjóð-
andi í forsetakosningunum 2004,
baldur@landsmenn.is, landsmenn.is.