Morgunblaðið - 28.09.2008, Blaðsíða 38
38 SUNNUDAGUR 28. SEPTEMBER 2008 MORGUNBLAÐIÐ
UMRÆÐAN
Síðumúla 21 • 108 Reykjavík • S . 588 9090 • fax 588 9095
www.eignamidlun. is • e ignamidlun@eignamidlun. is
Sverr ir Kr ist insson, löggi ltur fasteignasal i
Skildinganes - glæsileg eign
Glæsilegt einbýlishús á einni hæð við Skildinganes í Skerjafirði. Arkitekt er Richard Ólafur
Briem. Stórir gluggar eru á framhlið hússin en í þeim eru listaverk eftir Leif Breiðfjörð. Í
miðju hússins er garður með hellulagðri verönd og heitum potti. Húsið skiptist þannig:
stofur, eldhús, sjónvarpshol, arinstofa, fjögur herbergi, baðherbergi, snyrting, þvottahús
og forstofa. V. 93,0 m.
Vatnsholt 10 - Sérhæð í sérflokki
Á einum eftirsóttasta stað í miðborg Reykjavíkur (105) er til sölu stórglæsileg 230m2 efri
sérhæð í tvíbýlishúsi, með innbyggðum bílskúr. Aðkoma að húsinu er einstök þar sem
það stendur innst í botnlanga með fjölda bílastæða.Hæðin skiptist þannig: 2 rúmgóðar
stofur með fallegum arin, sjónvarpsherbergi, stór, björt skrifstofa með setustofu, mikilli
lofthæð og þakglugga, alls 22 m2. Fjögur svefnherbergi (skv teikningu), ný innréttað eld-
hús með góðum borðkrók, baðherbergi, gestasnyrting, þvottahús með góðum skápum
og geymsla inn af því. Rúm forstofa er á stigpalli og sérhannað fatahengi í forstofu í and-
dyri. Íbúðin er öll lögð með gegnheilu “Flächtenboden” gæðaparketi. Stórar 21 m2 svalir
sem snúa í suð-suðvestur. Fallegur og ræktaður garður. Hitalögn á bílaplani..Eign í alger-
um sérflokki.
Garðaflöt 9 - Glæsilegt einbýli
Glæsilegt einlyft 165 fm nýstandsett einbýlishús með innb. bílskúr. Nýlega var byggt við
húsið og var húsið þá allt endurnýjað, s.s. gluggar, gólfefni, innréttingar, hurðar, lofta-
klæðning o.fl. Falleg innfelld lýsing er í húsinu. Lóðin er nýstandsett. V. 58.3 m.
OPIÐ HÚS Í DAG SUNNUDAG MILLI KL 14:00 OG 15:00
OPIÐ HÚS
Hagamelur- Glæsileg eign
Glæsileg 3ja herbergja rúmgóð íbúð í kjallara með sérinngangi í 3-býlishúsi við Hagamel.
Um er að ræða eitt af þessum gömlu virðulegu húsum í vesturbænum. Íbúðin gæti verið
laus fljótlega. Húsið hefur allt verið nýlega tekið í gegn að utan. 4139
Reynihvammur 29 - Kópavogi
Vel staðsett 180 fm einbýlishús á tveimur hæðum á fallegum útsýnisstað í suðurhlíðum
Kópavogs. Húsið skiptist þannig. Húsið skiptist m.a. í tvær stofur og fimm herbergi.
Möguleiki á aukaíbúð á jarðhæð. MÖGULEG SKIPTI Á 3-4RA HERBERGJA ÍBÚÐ Í
KÓPAVOGI. V. 43,9 m. 7404
EIGNIN VERÐUR TIL SÝNIS Í DAG SUNNUDAG FRÁ KL. 17:00-18:00.
OPIÐ HÚS
NÚ UND-
ANFARIÐ hefur orðið
skortsala verið mikið
rædd í samfélaginu,
þetta virðist vera einn
af þeim vöruflokkum
sem bankar og ein-
staklingar hafa verið
að fjárfesta í og hefur
getað gefið mikinn
hagnað.
Ég hef alltaf haft þá barnalegu trú
að þegar einn eða fleiri aðilar eiga
viðskipti þá eigi þeir allir að geta
hagnast. Þetta á því miður ekki allt-
af við og virðist vera orðið algengt að
fólk og fjárfestar geti tapað miklu.
Skortsala snýst um það að fjárfestar
reyna að hagnast á því að aðrir fjár-
festar tapi, þannig að það er ekki
hægt að hagnast á skortsölu nema
hinn fjárfestirinn tapi jafnmiklu og
þú hagnast. Þetta er kannski ekki
svo óeðlilegt, nema þegar annar að-
ilinn fer að beita aðferðum til að láta
hinn aðilann tapa. Þetta getur hann
gert með að tala hlutinn niður, dreifa
órökstuddum fullyrðingum og nota
yfirburðastöðu sína á markaði. Ís-
lenskir bankar og stjórnmálamenn
kvörtuðu mikið yfir því að þetta
hefði átt sér stað þegar erlendar
greiningardeildir og fjölmiðlar fóru
að fjalla um íslenska bankaundrið.
Þeir báru því við að þarna væru er-
lendir vogunarsjóðir að reyna að
fella gengi hlutabréfa og krónunnar
og þar með græða á óförum Íslend-
inga. Allir voru sammála því, að
þetta væru hinir verstu menn og að
þetta væru ekki góðir viðskiptahætt-
ir.
Eftir að þessi umræða hófst
reyndi ég að setja mig inn í þessi mál
og öðlast þann skilning sem ég þyrfti
til að vera spjallfær um þessi mál-
efni. Það vakti athygli
þegar stór lönd einsog
USA, Bretland og
Ástralía hófu að banna
þessar skortsölur þar
sem þær hefðu greini-
lega slæm áhrif á gengi
hlutabréfa og gjald-
miðla. Einnig kom frétt
um það að Fjármálaeft-
irlitið hefði fengið
heimild til þess að
banna þetta á Íslandi.
Ég varð hálfundrandi á
þessu því ég gat varla
ímyndað mér að íslenskir banka-
menn stunduðu þetta hér og fór því
að hugsa og grennslast fyrir hvar
þetta gæti átt sér stað í okkar góða
samfélagi. (Það voru sennilega engin
greinileg dæmi um þetta sem leik-
maður einsog ég gæti fundið.) En þá
sá ég viðtal við forstjóra Glitnis í
Silfri Egils þar sem Egill sakaði
hann og hina íslensku bankana um
það að vera að fella gengið til þess að
hagnast á því sjálfir. Svar forstjór-
ans var einfalt, „það þjónar ekki
langtíma hagsmunum íslensku
bankanna að hafa gengi íslensku
krónunnar veikt.“ Það má vel vera
rétt segi ég, en það þjónar greinilega
skammtíma hagsmunum þeirra vel,
það sést glöggt þegar uppgjör þeirra
eru skoðuð.
Stjórnmálamenn á Íslandi kenna
„alheimsbankakreppu“ um hversu
vont ástandið á Íslandi er. Það er
greinilegt að erlendis eru bankar að
tapa miklum peningum og jafnvel að
fara á hausinn. Bankarnir hér skila
hinsvegar gríðarlegum hagnaði og
segja að staðan sé alveg skínandi
góð. Erlendis hefur þessi „alheims-
bankakreppa“ ekki mikil áhrif á hinn
almenna borgara, fasteignaverð hef-
ur jú reyndar lækkað eitthvað en
lánin þeirra hækka þó ekki upp úr
öllu valdi. Hinsvegar er ástandið hér
stórundarlegt, bankarnir græða
meira en nokkru sinni áður í „al-
heimsbankakreppunni“ en fólkið í
landinu tapar og tapar. Gengi ís-
lensku krónunnar er í frjálsu falli
þannig að verðlag rýkur upp og
kaupmáttur rýrnar. Verðbólgan fer
á flug og sparnaður flestra Íslend-
inga sem bundinn er í þaki yfir höf-
uðið hverfur í fang bankanna með
verðtryggðum lánum.
Þess vegna spyr ég mig að því
hvort það séu skammtímahagsmunir
bankanna að fella gengið, ýta undir
verðbólgu og hrifsa þar með til sín
mestallt eigið fé almennings. Ef ég
met þetta út frá þeim upplýsingum
sem ég hef um skort-stöður þá get
ég ekki betur séð en íslensku bank-
arnir séu að skortselja íslenskan al-
menning því þegar við töpum þá
græða þeir á því.
Það er mín trú að það verði
ómögulegt að mynda hér stöðug-
leika og lága verðbólgu til lengri
tíma þegar valdamestu aðilar í hag-
kerfinu hafa ekki hag af því að hún
sé lág og hreinlega græða á að ýta
undir hana og ófarir almennings.
Það er ljóst að fólkið í landinu er
ekki sínir eigin gæfusmiðir eins og
forstjóri Landsbankans segir, held-
ur veltur gæfa okkar á því hvað
hentar íslenska bankakerfinu.
Ætla ráðamenn þessarar þjóðar
að bregðast við þessu og tryggja og
verja hag fólksins í landinu?
Eru bankarnir að skortselja
íslenskan almenning?
Kristján Georg Jó-
steinsson skrifar
um efnahags-
ástandið
»Hinsvegar er ástand-
ið hér stórundarlegt,
bankarnir græða sem
aldrei fyrr í „alheims-
bankakreppunni“ en
fólkið í landinu tapar og
tapar.
Höfundur er framkvæmdastjóri.
Kristján Georg
Jósteinsson
ÞAÐ fór ekki mikið
fyrir fréttatilkynn-
ingu félagsmálaráð-
herra í síðustu viku.
Þar segir að ráð-
herrann hafi und-
irritað reglugerð sem
tryggir lífeyrisþegum
lágmarksframfærslu,
samtals 150 þúsund
krónur á mánuði.
Sumum kann að þykja eitt hundr-
að og fimmtíu þúsund krónur ekki
mikill peningur en hér er verið að
hola sama steininn, mjaka sér
áfram og gera betur við þá eldri
borgara sem engar aðrar tekjur
hafa. Þessi viðbót sem nú kemur,
13 þúsund krónur á mánuði, er
spor í rétt átt og full ástæða til að
fagna henni. Þessi ákvörðun Jó-
hönnu félagsmálaráðherra og þá
ríkisstjórnarinnar allrar er í takt
við þá stefnu og vilja
núverandi stjórn-
arflokka að rétta hlut
ellilífeyrisþega.
Áður hafa verið
gerðar margvíslegar
ráðstafanir sem hægt
og bítandi eru til lag-
færingar á kjörum
eldri borgara. Ég
nefni afnám tekju-
tengingar maka, af-
nám tekjutengingar
þeirra sem eru 70
ára og eldri, hækkuð
skattleysismörk, hækkun til
þeirra sem hafa ekki annað en
strípaðar almannatrygging-
arbætur, þrefalda aukningu á
fjármagni til heimahjúkrunar og
uppbyggingu dvalarheimila aldr-
aðra, hækkun frítekjumarks og
ekki má gleyma þeirri ákvörðun
að innlausn séreignasparnaðar
dregur ekki úr ellilífeyrisbótum
né heldur fjarmagnstekjur.
Þetta er mikill og umtalsverður
árangur í málefnum aldraðra. Það
ber að þakka sem vel er gert. Jó-
hönnu sérstaklega en einnig rík-
isstjórninni allri. Það er í raun-
inni ótrúlegt hversu illa hefur
verið staðið að málefnum eldri
borgara á síðari árum og hve
mikið verk hefur verið unnið á
þeim vettvangi í tíð núverandi
ríkisstjórnar.
Ég sé það og heyri að hags-
munasamtök eldri borgara telja
ekki nóg að gert. Vilja að miðað
sé við neyslukönnun og allir fái
hækkun. Ég er sammála því að
eðlilegt er að miðað sé við neyslu-
vísitölu í stað lægstu dag-
vinnutryggingar á hinum almenna
vinnumarkaði, en ég er ekki endi-
lega sammála því að hækkunin
skuli ná upp allan stigann. Sjálf-
ur er ég kominn á ellilífeyr-
isþegaaldur en er enn með rúma
hálfa milljón króna í mán-
aðarlaun. Ég þarf engar lífeyr-
isbætur frá hinu opinbera. Vel
stæðir eldri borgarar þurfa ekki
peninga frá ríkinu. Við þurfum
að einbeita okkur að því að bæta
kjör þeirra eldri borgara sem
verst eru settir. Það er verkefnið
og þannig starfar félagsmálaráð-
herra og ríkisstjórnin. Sú leið er
rétt og sanngjörn. Að rétta þeim
hjálparhönd sem minnst mega
sín. Ég styð það heilshugar að
lágmarkstekjur séu hækkaðar
einar og sér. Hundrað og fimm-
tíu þúsund krónur eru ekki til
skiptanna en það er þó alltént
skref í rétta átt. Og við erum
hvergi hætt. Ekki gleyma því að
um áramótin verða lífeyrisbætur
hækkaðar til samræmis við vísi-
töluhækkanir. Eldri borgarar
eiga allt gott skilið og þeir geta
verið vissir um að þeir eiga sér
talsmenn góða í röðum stjórn-
arflokkanna.
Allt í rétta átt
Ellert B. Schram
fjallar um lífeyri
eldri borgara
» Þessi ákvörðun Jó-
hönnu félagsmála-
ráðherra og þá rík-
isstjórnarinnar allrar
er í takt við þá stefnu
og vilja núverandi
stjórnarflokka að rétta
hlut ellilífeyrisþega.
Ellert B. Schram
Höfundur er alþingismaður.Sími 551 3010