Morgunblaðið - 28.09.2008, Blaðsíða 33
áhugavert safn sem reist hefur ver-
ið til minningar um John F. Ken-
nedy, en það er til húsa í gamla
bókasafninu þaðan sem Oswald á að
hafa skotið forsetann. Á götunni
fyrir utan eru svo tvö X þar sem
skotin hæfðu Kennedy. Að öðru
leyti var fátt að sjá í Dallas.
Nasa og Elvis
Næsti áfangastaður var nærri
smábænum Fredericksburg í Tex-
as, en þar býr myndlistarmaðurinn
Jóhann Eyfells, sem undirritaður er
skírður í höfuðið á. Þar sinnir Jó-
hann listsköpun á stórri jörð, auk
þess að reka listasafn til minningar
um eiginkonu sína, myndlistarkon-
una Kristínu Eyfells. Þangað var
sérstaklega gaman að koma, og
ættu allir Íslendingar sem eiga leið
um svæðið að kasta kveðju á gamla
manninn.
Við gistum eina nótt í Houston,
og skoðuðum geimferðastofnun
Bandaríkjanna, NASA, daginn eft-
ir. Þaðan fórum við til New Orleans
þar sem við gistum í tvær nætur.
Hamfarirnar fyrir þremur árum
hafa óneitanlega sett svip sinn á
borgina, þá sérstaklega í úthverf-
unum. Við gistum hins vegar í mið-
borginni sem iðaði af mannlífi, og í
raun má segja að New Orleans hafi
verið skemmtilegasta borgin í ferð-
inni, ásamt San Francisco.
Því næst héldum við aftur í norður,
en næsti stóri viðkomustaður var
Memphis, heimaborg Elvis. Líkt og
flestir ferðamenn sem þangað koma
fórum við í Graceland þar sem kóng-
urinn bjó, skoðuðum húsið hans, bíla-
safn, flugvélar og grafreit, sem var
bæði áhugavert og skemmtilegt.
Á leiðinni til Chicago gistum við
eina nótt í St. Louis sem er hvað
þekktust fyrir hið glæsilega Jeffer-
son-minnismerki. Tvær nætur voru
svo teknar í Chicago sem olli nokkr-
um vonbrigðum, þótt vissulega hafi
verið gaman að fara upp í hæstu
byggingu í Bandaríkjunum, Sears-
turninn, auk þess sem við gengum í
barndóm og heiðruðum Michael Jor-
dan með því að heimsækja brons-
styttu af kappanum.
Undarlegar röksemdarfærslur
Sérstök áhersla var lögð á að
heimsækja afar sérstakt sköp-
unarsögusafn, Creationist Museum, í
Kentucky, en þar hefur gríðarlegu fé
verið varið til þess að reisa safn til
stuðnings sköpunarsögu biblíunnar.
Áhugaverðasti hluti safnsins snýst
um að færa rök fyrir því að heim-
urinn sé aðeins nokkur þúsund ára
gamall, og þar með risaeðlurnar. Í
stuttu máli má segja að nánast hver
einasta röksemdafærsla á safninu sé
fjarstæðukennd, og raunar safnið í
heild sinni. Það merkilega var þó að
við virtumst vera eina efasemd-
arfólkið í öllu safninu, en mörg
hundruð manns voru þar á sama
tíma og við.
Höfuðborgina Washington þarf
vart að kynna, en þar skoðuðum við
Hvíta húsið, þinghúsið, hæstarétt,
listasöfn og fleira skemmtilegt. Það
sem stóð þó upp úr var hið gríð-
arlega áhrifaríka helfararsafn sem
þar er, og lætur líklega engan
ósnortinn.
Philadelphia er falleg borg, en
meginmarkmiðið þar var að skoða
Liberty bell, eitt helsta minn-
ismerkið um sjálfstæðisbaráttu
Bandaríkjanna. Eftir stutta heim-
sókn til ættingja í Connecticut end-
uðum við svo í New York föstudaginn
25. júlí, en þá borg þarf vart að kynna
fyrir Íslendingum. Undirritaður
flaug svo heim hinn 26. júlí, en þre-
menningarnir vörðu viku í New
York.
Gleymist aldrei
Hér hefur verið farið hratt yfir
sögu, og aðeins hápunktar nefndir á
hundavaði. Það sem stendur þó ekki
síður upp úr eftir þessa miklu ferð er
hin „venjulega“ Ameríka, þjóðveg-
irnir, smábæirnir og sveitirnar. Um
leið og við vildum sjá allt það mark-
verðasta sem Bandaríkin hafa upp á
að bjóða langaði okkur að sjá hvernig
þetta umdeilda og öfgakennda land
er í raun og veru. Það tókst.
Auðvitað er ekki hægt að koma
næstum því öllu sem við upplifðum til
skila í greinarstúf sem þessum, held-
ur er þessi grein meira hugsuð sem
leiðarvísir fyrir þá sem hafa hug á að
fara í svipað ferðalag. Ekki er annað
hægt en að mæla með þeirri leið sem
við fórum, enda munum við aldrei
gleyma þessum 26 góðu dögum í júlí.
Sjá má fleiri myndir frá ferðinni á
slóðinni hardnandi.blogspot.com.
Carhenge í Nebraska Afbökun listamannsins Jim Reinders á Stonehenge.
jbk@mbl.is
Í HNOTSKURN
»Alls voru eknir 12.800 kílómetrar á 26 dögum. Það gerir um 490km að meðaltali á dag.
» Meðalhraði var líklega um 100 km/klst. Það má því ætla að hóp-urinn hafi varið um 128 klukkustundum í bílnum, eða um fimm
tímum á dag.
» Hópurinn var aðeins einu sinni stöðvaður af lögreglu í allri ferð-inni. Það gerðist í Nebraska. Lögreglukonunni fannst svo
skemmtilegt að stöðva Íslendinga að hún sleppti þeim með viðvörun,
þótt ekið hafi verið um 20 kílómetrum yfir hámarkshraða.
» Áætlaður kostnaður við ferðina er rúmlega 400.000 krónur ámann. Inni í þeirri tölu er flug frá Keflavík til New York, frá New
York til San Francisco, bílaleigubíll, eldsneyti, öll gisting og matur.
Ferðin hefði þó getað orðið ódýrari því ódýrasti bíllinn var ekki tek-
inn, og ódýrasta gisting var ekki alltaf valin. Töluverðar upphæðir
spöruðust hins vegar á því að bílaleigan og eldsneyti deildist með fjór-
um, og gistingin í flestum tilfellum.
» Alls voru teknar um 3.000 ljósmyndir í ferðinni.» Lög ferðarinnar voru valin „Hvers vegna varst’ ekki kyrr?“ meðPálma Gunnarssyni og „Vídeósafnarinn“ með Vada.
Hjá kónginum Tómas og Þórður við gröf Elvis Presley. Jóhann og Jóhann Listamaður heimsóttur í Texas.
MORGUNBLAÐIÐ SUNNUDAGUR 28. SEPTEMBER 2008 33
!"
#
$
$ %& & '
( $
)
#
$$
)
*
$ '
+
$, )&
$ $'
! "#
" $
"$
%&
!- ' (
")* *)"+*
& " ,& , ""
(
"
,
-
")*+
*
" & ,
-
")* " )
,
" ( ./ 0) ./'
( ( * *
*
(
)0* $ ( 0