Náttúrufræðingurinn - 1958, Side 29

NÁTTÚRUFRÆÐINGURINN
83
10. mynd. Gamburmosa- og gráfléttubreiða. I baksýn Rostungshöfði og
Bjarnarfjall. — Mats oj Rhacomitrium and Stereocaulon.
Ljóstn.: Steindór Steindórsson.
við suðurbarm hennar lá enn snjóskafl. F.n í örskotshelgi við snjó-
inn voru plöntur teknar að blómgast. Rissið á 11. mynd sýnir af-
stöðu gróðurbeltanna í snjódældinni. Kinnungurinn 1—3 liggur
móti suðvestri.
1. belti liggur efst í kinninni, þar sem snjó leysir fyrst, en þó
nokkru seinna en á hraunkollinum fyrir ofan. Gamburmosi er
þar næstum enginn, og eru þar skörp skil við hraunkollinn ofan
við dældina. Dálítið er af öðrum mosategundum og stórir hnoðar
af gráfléttu. Háplöntur þekja allt að 25—30% af yfirborði, og er
það óvanalega þéttur gróður á Jan Mayen. Mest ber á lambagrasi
(Silene acaulis), sem myndar þarna fallegar þúfur, sem voru nú
að komast í fullan blóma. Grasvíði (Salix herbacea) er jafndreift