Andvari - 01.01.2000, Síða 28

26
SIGRÍÐUR TH. ERLENDSDÓTTIR
ANDVARI
ræðu og viðhorfi um stöðu kvenna hér á landi eins og eftifarandi orð
eru til marks um. Valborg varð dúx frá Menntaskólanum 1941 og
sótti um stórastyrk menntamálaráðs til að fara til Bandaríkjanna í
nám en hann var veittur dúxum til náms erlendis. Valborg fékk
styrkinn ekki í fyrstu lotu af því að hún var kona. Það þótti ekki for-
svaranlegt að fjárfesta svo mikið í konu. Móðir Valborgar lét þessa
afgreiðslu á styrkveitingunni til sín taka og eins og nærri má geta
hefur sú umræða ekki farið fram hjá stóru systurinni þótt hún væri
komin austur á Eskifjörð þegar þetta gerðist. Árið eftir var fjárfest í
Valborgu og hún fékk hinn eftirsótta styrk.50
Hjónaband
Vorið 1938 giftist Anna Skúla Þorsteinssyni kennara. Hann fæddist
24. desember 1906 í Stöðvarfirði í Suður-Múlasýslu, sonur Þorsteins
Mýrmanns Þorsteinssonar (1874-1943) kaupmanns þar og bónda á
Óseyri og Guðríðar Guttormsdóttur (1883-1975) dóttur séra Gutt-
orms Vigfússonar prófasts í Stöð í Stöðvarfirði og síðari konu hans
Þórhildar Sigurðardóttur. Halldór bróðir Skúla hefur lýst móður
þeirra og lífshlaupi hennar í grein sem birtist í bókinni Móðir mín
húsfreyjan 1979. Skúli, sem var elstur sjö barna þeirra hjóna, var bók-
hneigður og námfús og mun hafa átt greiðan aðgang að bókum í
æsku, meðal annars hjá móðurafa sínum séra Guttormi í Stöð. Að
loknu skyldunámi í heimasveit sinni fór Skúli haustið 1926, þá á
tuttugasta ári, í Alþýðuskólann á Hvítárbakka og var þar við nám í
hálfan þriðja vetur.
í febrúarmánuði 1929 hélt hann til Þýskalands ásamt skólabróður
sínum til náms við lýðskóla í Jena. Ekki er vitað til þess að þau Anna
og Skúli hafi hist í Þýskalandi þótt bæði væru þar um svipað leyti.
Skúli hélt því næst til Comburg í Þýskalandi og þaðan til Danmerkur
á lýðskólann í Danebod á eyjunni Als. Skúli bast ævivináttu við
skólastjóra þessara skóla. Tvo aðra lýðskóla heimsótti hann í Dan-
mörku en fór að lokum til Noregs og var þar við lýðskólann í Voss.
Hann hélt heim vorið 1930 og gerðist farkennari í Stöðvarfirði.51
Vorið 1931 sótti hann búnaðarnámskeið á Hvítárbakka og um
haustið settist hann í 3. bekk Kennaraskólans og lauk kennaraprófi