Andvari - 01.01.2000, Page 49

ANDVARI
ANNA SIGURÐARDÓTTIR
47
pilta og stúlkur upp sem jafningja. Niðurstaðan var sú að frumvarpið
var fellt.125
Þetta voru ekki fyrstu afskipti reykvískra kvenna gegn aðskilnaði
stúlkna og pilta í námi í menntaskóla því að vorið 1942 mótmæltu
þær harðlega tillögu til þingsályktunar byggðri á samþykkt mið-
stjórnar Framsóknarflokksins um að endurreisa Skálholtsskóla og
gera hann að menntaskóla fyrir pilta. Síðan átti að athuga með að
gera Kvennaskólann í Reykjavík að menntaskóla fyrir stúlkur, snið-
inn við þeirra hæfi. Aðgerðir kvenna í KRFÍ og Kvenstúdentafélagi
Islands urðu til þess að þessi tilraun fór út um þúfur.126
Uurnar könnuðu efni í skólabókum og barnabókum, enn fremur
launakjör karla og kvenna í bönkum og handavinnukennslu í skól-
um. Niðurstöður voru skýrar og rumskuðu hressilega við konum. í
Ijós kom að hefðbundinni verkaskiptingu var viðhaldið í bókum og
að launajafnrétti ríkti ekki í bönkum. Mismunandi kennsla með mis-
niunandi markmiðum og verkefnum eftir kynjum var allsráðandi.127
Þegar Rauðsokkahreyfingin var stofnuð 1970 höfðu Úur samband
við hana svo að tryggt væri að ekki væri unnið að sömu verkefnum á
tveimur stöðum. Úur ákváðu að starfa áfram sem deild úr KRFÍ en
sumar tóku þátt í starfi Rauðsokkahreyfingarinnar. Ásdís Skúladótt-
ir telur að reginmunur á starfi þeirra hafi verið að „[rauðsokkur]
voru að uppgötva „sannleik" þá, sem við vorum búnar að vita lengi.“
Karlar störfuðu í Rauðsokkahreyfingunni frá upphafi en það var
fyrst 1972 að körlum var leyfð innganga í KRFÍ eins og áður sagði.
Erfitt er að segja til um hvort eða hvenær þær hættu að starfa undir
því nafni en Ásdís sagði: „Eitt sinn Úa, ávallt Úa“ - og kannski
starfa þær enn?128
Rauðsokkur og Úur unnu saman að nokkrum málum, svo sem að
undirskriftasöfnun til styrktar frumvarpi um hlutdeild ríkisins í stofn-
un og rekstri dagvistunarstofnana sem varð að lögum 1973 og 1981
héldu Rauðsokkur og KRFÍ sameiginlegan fund um tímabundin for-
réttindi.129
Þegar komið var fram um 1970 fengu mörg af þeim málum sem
lengi hafði verið barist fyrir nýjan byr í kjölfar þeirrar bylgju frelsis
°g uppreisnar gegn ríkjandi ástandi sem gekk yfir Vesturlönd í lok
sjöunda áratugar. Konur urðu meðvitaðri um stöðu sína og misræmi
milli raunveruleikans og þess sem þær óskuðu sér. Tryggingalöggjöf-
m er skýrt dæmi um það hvaða árangri barátta kvenna getur skilað