Andvari - 01.01.2000, Page 52

50
SIGRÍÐUR TH. ERLENDSDÓTTIR
ANDVARI
Frá stofnun Kvennasögusafns íslands á Hjarðarhaga 26, 1. janúar 1975. Anna Sig-
urðardóttir og Else Mia Einarsdóttir (í miðju) svara spurningum fréttakvenna.
listfræðingur. Þær Anna Sigurðardóttir og Katrín Smári sáu um dag-
skrána134 Þarna gekk Anna fram fyrir skjöldu og kynnti íslenskar
fræðikonur og sagði frá rannsóknum þeirra.
Alþjóðamannréttindaárið 1968 hefur vafalaust gefið mörgum byr í
seglin en þá gafst aðildarþjóðunum kostur á að undirrita og fullgilda
tvo mannréttindasáttmála og um leið skuldbinda sig til að tryggja
körlum og konum jafnan rétt til þess að njóta allra þeirra efnahags-
legu, félagslegu og menningarlegu réttinda sem sáttmálarnir fela í
sér.
Hugmyndina að stofnun Kvennasögusafns íslands fékk Anna sum-
arið 1968 þegar hún hlýddi á fyrirlestur sænska bókmenntafræðings-
ins og frumkvöðulsins í kvennarannsóknum í Svíþjóð, fyrrnefndrar
Karin Westman Berg, um nýjar rannsóknir á sögu kvenna á fundi
Samtaka norrænna kvenréttindafélaga á Þingvöllum. Þar greindi hún
jafnframt frá kvennasögusafninu í Gautaborg. KRFÍ lét ekki sitt eftir
liggja í starfi samtakanna og stóð fyrir þessum fundi sumarið 1968 í
Reykjavík og á Þingvöllum. Anna sat þá í stjórn félagsins. Þar var