Andvari - 01.01.2000, Page 56

54
SIGRÍÐUR TH. ERLENDSDÓTTIR
ANDVARI
stjórnarnefnd og fjárhag til 1999 en þá skyldi samningurinn endur-
skoðaður.
Kvennasögusafn íslands var formlega opnað í nýjum húsakynnum
5. desember 1996, á fæðingardegi Önnu Sigurðardóttur. Anna lifði
ekki að sjá þann draum sinn rætast því að hún andaðist 3. janúar það
ár. Safnið var opnað með viðhöfn að viðstöddu fjölmenni. Góðar
gjafir bárust og sýning var opnuð á gögnum og munum úr fórum
Kvennasögusafnsins. Að kvöldi opnunardagsins var kvöldvaka í
Þjóðarbókhlöðu þar sem flutt voru erindi um konur og kvennarann-
sóknir.146 Upp frá því hefur kvöldvaka verið haldin í kringum fæðing-
ardag Önnu með fyrirlestrum um kvennasöguleg efni. Eiga þær að
vekja athygli á safninu og starfsemi þess, kvenna- og kynjasögurann-
sóknum og þeim sem þær stunda. Með kvöldvökunum er auk þess
haldið á lofti minningu Önnu Sigurðardóttur sem með fullum rétti
má nefna brautryðjanda íslenskra kvennarannsókna.
Um starfsemi safnsins er þess að geta að unnið er samkvæmt
markmiðum þess: að safna, skrá og varðveita heimildir um sögu
kvenna í fortíð og nútíð, miðla þekkingu um sögu kvenna, aðstoða
þá sem leita heimilda og hvetja til rannsókna á sviði kvennasögu og
kvennafræða. Að þessu markmiði stefnir safnið meðal annars með
fyrirlestrum og útgáfustarfsemi. Þangað leita menntaskólanemar, há-
skólastúdentar, fræðimenn á sviði kvenna- og kynjafræða og annað
áhugafólk. Flestir koma vegna námsritgerða, allt frá framhaldsskóla-
til doktorsritgerða. Fyrirspurnir berast í síma eða tölvupósti en flestir
koma í safnið.147
Kvennasögusafn íslands tekur þátt í samstarfi norrænna stofnana
á sviði kvenna- og kynjafræða um stofnun norræns kvennabókasafns
á Netinu. Tilgangur þess er að gera norrænar kvennarannsóknir sýni-
legri og heimildir aðgengilegri.148 Það er einmitt það sem Kvenna-
sögusafn Islands hefur gert fyrir íslenskar kvennasögurannsóknir:
gert þær sýnilegri.
Frœðistörf Önnu Sigurðardóttur
Fullvíst má telja að gróska í kvennafræðum væri ekki slík sem hún er
nú án kvennahreyfingarinnar og að kvenréttindabaráttan eflist vegna