Andvari - 01.01.2000, Page 77

andvari
KIRKJAN í KENG
75
Frá Skálholti, setri íslensku þjóðkirkjunnar. Kirkjan og Skálholtsskóli.
þó verður nokkur breyting á. Pétur biskup reyndist víðsýnn og opinn fyrir
^ýjungum; hann lauk upp dyrum fyrir framsæknum guðfræðingum. Ólafur
Skúlason (f. 1929) einnig, hann fór sér þó hægt í opnun kirkjunnar fyrir
nýrri guðfræði en greiddi fyrir nýjungum í safnaðarstarfi. Merkar framfarir
nrðu í löggjöf kirkjunnar á hans biskupstíma, hann opnaði leiðina fyrir
þeim sem vildu vinna að þeim málum án þess að vera sjálfur sérlega áhuga-
samur um þær breytingar sem mestu máli skiptu og vörðuðu stöðu kirkju-
þings og biskupsembættisins. Biskupskjör fór fram við heldur dapurlegar
aðstæður í kirkjunni sumarið 1997.
í Kirkjuritinu verða tímamót með ritstjórnarskiptum 1979 og róttæk
breyting verður á ritinu, ný guðfræðileg sjónarmið sjá dagsins ljós í fyrsta
skipti. Þessi tímamót endurspegla mikilvæga tilraun meðal ungra og fram-
sækinna guðfræðinga til að losna undan fargi hinnar íhaldssömu kirkjuguð-
fræði. Ritstjórnin fylgdi þeirri guðfræði sem kalla mætti „samtalsguðfræði“,
hún gerði sér far um að efla samtal við hinar ýmsu greinar menningar og
samfélags. Þetta gerði hún m. a. með því að bjóða ákveðnum hópum til
helgarsamveru í Skálholti þar sem guðfræðileg umræða var iðkuð um ýmis
svið menningarinnar. Ritstjórnin bauð m. a. skáldum og rithöfundum til
einnar samveru, stjórnmálamönnum til annarrar, myndlistarmönnum á enn