Andvari - 01.01.1933, Side 42

36
Fiskirannsóknir.
Andvarí
miða sá nokkurveginn, svo að vér vissum vel hvar vér
vorum. Var því kastað tafarlaust niðri í álnum og dregið
upp á brúnina. Þar var nógur fiskur fyrir, tvískiptur
poki í fyrsta drætti og svo 1-5 skipt, en útsýnið versn-
aði, svo að ekki sá lengur til miða; hefði því, undir
vanalegum kringumstæðum, verið sett bauja, en nú var
nokkurt hafíshrafl á sveimi í kring, svo skipstjóri þorði
ekki að setja hana. Bar oss því burtu frá Hólnum, og
vér fundum hann ekki aftur næstu 3 sólarhringa, þvt
að ekki birti upp, en vér vorum ekki langt frá honum
og aflinn var ágætur fyrir því, 18 25 pokar á dag, en
veðrið var ekkert skemmtilegt, NNA-gola eða storm-
strekkingur (4-6 stig) og úfinn sjór og íshrafl á víð
og dreif fyrsta daginn; hiti í lofti 2,5—3,5°, með þoku-
súldi og nepju, en aldrei sá til lands eða sólar. Þó var
einn þessara daga (15. maí) hvítasunnudagur. Gat hann
varla leiðinlegri verið!
Þarna úti var svo mikið ónæði, að það var kippt inn
á »Miðvíkur« eða ^Miðvíkurfjall*.1) Þar er töluvert skjól
í NA átt af Straumnesi og sjór því kyrrari, en úti á
Hólnum. Vorum vér þar í 2 daga og öfluðum vel (2-3-
skipt oftast, 26—32 poka á dag), svo tregaðist næstu
nótt og var þá aftur farið út á Hólinn, enda var nú
komið bjart veður, og hann auðfundinn. Köstuðum vér
þar 7 sinnum og höfðum fengið 18 poka um nónbil;
var allur aflinn þá orðinn 201 poki (vel mælt) og skipið
orðið hlaðið. Var þá komið nóg og haldið heim.
Um aflann á þessum slóðum má taka fram, að hann
var alstaðar svipaður, var það sem togaramenn nefna
1) Þessi slóð nær frá landhelgismörkum út af Rit og þaðan ca
31 sjóra. út; er þá Miðvík í Aðalvfk opin N. við Ritinn. Lengra
norður kemur hraunfláki, sem stendur út í Alsbrúnina, líkt og
Hóllinn, en annars ger-ólíkur honum.