Andvari - 01.01.1933, Qupperneq 52

46 Fiskirannsóknir. Andvarí
komnir 2 fogarar, hinn fyrri 1926, hinn síðari nú í hausf,
og er það Olafur Jóhannesson, konsúll, sem á þessi
skip. Missti hann fyrsta togarann (»Leikni«) í fyrra,
keypti í hans stað togarann »Gylfa« og bætti svo við
sig í haust er leið togaranum »Ara«. Er það gleðilegt,
að Olafur hefir séð sér fært að færa út kvíarnar, því
að atvinnubót sú, er þetta veitir, er mjög aðkallandi
fyrir kauptúnið, og vottur þess, að togaraútgerð geti
borið sig þarna, ekki sízt ef skipin eru fleiri, því að
fáir staðir hér á landi munu hentugri fyrir togaraútgerð
en Patreksfjörður (Eyrarnar, sbr. skýrslu 1915—16, bls.
79). Fyrst og fremst er fjörðurinn auðfundinn, þegar
komið er af hafi, og hreinn, eins og Vestfirðir yfirleitt,
og skipalagi gott við Eyrarnar. Við það bætist, að Vatn-
eyri er ein af beztu eyrum landsins til þess að leggja
fisk á land og verka hann. Aðdýpi er svo mikið við
eyraroddann, að bryggjur geta verið mjög stuttar (út
frá landi), þó að við þær geti lagst stórir togarar og
flutningaskip. Ut frá bryggjunum liggja út um alla eyr-
ina svo víðáttumiklir, svo að segja sjálfgerðir, fiskreitir,
að þar má, með lítilli lagfæringu, þurka í einu fisk af
4—5 togurum. Þar við bætist gnægð af góðu vatni
og auðveld afgreiðsla skipa, auk þess sem nóg pláss
er fyrir stór geymsluhús, fiskverkunarhús, vélasmiðjur
o. fl., eins og þegar eru risin þar upp. Við allt þetta
bætist svo lega staðarins gagnvart fiskimiðum landsins.
Úti fyrir eru ágæt togaramið, og hérumbil jafnlangt að
sækja í Djúpál og Kolluál, í Jökuldjúp og á Hala eða
Strandagrunn, á Selvogsbanka og Skagagrunn, en til
SA-lands-(Hvalbaks-)miðanna er lítið lengra frá Patreks-
firði norðan um land, en frá Reykjavík sunnan um land;
Sést af öllu þessu, að staðurinn er svo vel settur gagn-
vart beztu togaramiðum landsins, að varla er nokkur