Vikan - 07.12.1972, Blaðsíða 9

Þegar svo hafði gengið langa
hríð, að sauðamenn bónda höfðu
allir orðið bráðkvaddir
á jólanótt, fór þetta að verða
héraðsfleygt og gekk bónda
af því all treglega að ráða menn
til starfa þessa og því verr,
sem fleiri dóu . ..
kvöldið nema bústýra hans var
ein eftir heima og sauðamaður
yfir fénu; fer svo bóndi og skil-
ur þau eftir svona sitt í hvoru
lagi. Líður nú fram á kvöldið
til þess að sauðamaður kemur
heim eftir venju; borðar hann
þá mat sinn og gengur að því
búnu til náða og leggst út af.
Kemur honum nú í hug að var-
legra mundi sér vera að vaka
en sofna hvað sem í kynni að
skerast, en var samt allt ó-
hræddur og liggur hann því
vakandi. Þegar langt er liðið á
nótt heyrir hann að kirkjufólk-
ið kemur; tekur það sér bita og
fer síðan að sofa. Ekki verður
hann enn neins vísari, en það
finnur hann þegar hann ætlar
alla sofnaða að máttinn fer að
draga úr sér sem von var, dag-
lúnum manni. Þykist hann nú
illa beygður ef svefninn skal
sigra sig og neytir því allrar
orku til að hressa af sér. Líður
nú eftir það lítil stund áður en
hann heyrir að komið er að
rúmi sínu og þykist hann skynja
að þar er Hildur bústýra á ferð.
Læzt hann þá sofa sem fastast
og finnur að hún er að hnoða
einhverju upp í sig. Skilur hann
þá að þetta muni vera gand-
reiðarbeizli og lofar henni að
koma því við sig. Þegar hún er
búin að beizla hann teymir hún
hann út sem henni var hægast,
fer á bak honum og ríður slíkt
sem af tekur þangað til hún
kemur þar sem honum virðist
vera gryfja nokkur eða jarðfall.
Þar fer hún af baki við stein
einn og tekur ofan taumana; að
því búnu hverfur hún honum
sjónum ofan í jarðfallið.
Sauðamanni þótti illt og ó-
fróðlegt að missa svo af henni
að hann vissi ekki hvað af
henni yrði. En það fann hann
að ekki mátti hann langt kom-
ast. með beizlinu; svo fylgdi því
mikil forneskja. Hann tekur því
það til bragðs að hann nýr höf-
uð sitt við stein þann er fyrr
er getið þangað til hann kemur
fram af sér beizlinu og lætur
það bar eftir verða. Síðan
steypir hann sér ofan í jarð-
fallið þar sem Hildur hafði und-
an farið. Finnst honum að hann
hafi ekki farið lengi eftir jarð-
fallinu áður en hann sér hvar
Hildur fer; er hún þá komin á
fagra velli og slétta og ber hana
fljótt yfir. Af þessu öllu saman
þykist hann nú skilja að ekki
sé einleikið með Hildi og að
hún muni hafa fleiri brögð und-
ir stakki en ó var að sjá í mann-
heimum eða ofan jarðar. Það
þykist hann og vita að hún
muni þegar sjá sig ef hann
gangi niður á vellina eftir
henni. Tekur hann þá hulin-
hjáimstein er hann bar á sér og
heldur honum í vinstri lófa;
síðan tekur hann á rás eftir
henni og fór sem hann má harð-
ast.
Þegar hann sækir lengra fram
á völlinn sér hann höll mikla
og skrautlega, og heldur Hildur
þangað sem leið liggur. Þá sér
hann og að múgur manns kem-
ur frá höllinni og fer út á móti
henni. Á meðal þeirra er einn
maður er fremstur fer; hann var
langtígulegast búinn og þykir
sauðamanni sem hann heilsi
konu sinni er Hildur kemur og
bjóði hana velkomna, en hinir
sem með hinum tigna manni
voru fögnuðu henni sem drottn-
ingu sinni. Með tignarmannin-
um voru og tvö börn nokkuð
stálpuð er fóru með honum í
mót Hildi og fögnuðu þau þar
móður sinni fegins hugar. Þeg-
ar lýður þessi hafði heilsað
drottningu fylgdu allir henni
og drottningu til hallarinnar og
eru henni þar veittar hinar
virðulegustu viðtökur. þar með
er hún færð í konunglegan
skrúða og dregið gull á hönd
henni. Sauðamaður fylgdi múg-
anum til hallarinnar, en var þó
ætið þar er hann var minnst
fyrir umgangi, en gat þó séð allt
sem gjörðist í höllinni. f höll-
inni sá hann svo mikinn og
dýrlegan umbúnað að aldrei
hafði hann slíkan fyrr augum
litið; var þar sett borð og mat-
Framhald á bls. 92.
ÉG ELSKA AÐEINS ÞIG er eftir BODIL
FORSBERG höfund bókanna „Vald ást-
arinnar“, „Hróp hjartans“ og „Ást og
ótti“. Hrífandi og spennandi bók um
ástir og örlagabaráttu.
í ELDLÍNUNNI er enn ein snilldarbókin
eftir FRANCIS CLIFFORD, höfund met-
sölubókanna „Njósnari á yztu nöf“ og
„Njósnari í neyð“. Þessi bók hlaut 1.
verðl. „Crime Writers* Association“ 1969
HÖRPUÚTGÁFAN
JÓLABLAÐ VIKAN 9