Menntamál - 01.12.1936, Síða 78

236
MENNTAMÁL
Geir Gígja: Jutragróður, fegurð hans og fjölbreyltnL
GefiS út á kostnað höfundarins. Reykjavik 1936.
ísafoldarprentsmiðja h/f.
Það er mikill viðburður i sögu íslenzku barnaskólanna, þegar
ódýr, handhæg og vel samin kennslubók bætist i fáskrúðugan
hóp skólabókanna. Það stendur starfi skólanna meira fyrir þrif-
um en flest annað, hvað kennararnir hafa fáar handbækur og
börnin fáar hentugar námsbækur. Geir Gígja hyggst að bæta
úr hvortveggja, og tekst það ágætlega, sérstaklega þegar litið er
á það, að bókin er aðeins 48 blaðsíður. í innganginum, sem hann
nefnir Ríki hinnar fögru Flóru, segir hann meðal annars: „Þær
(jurtirnar) breyta hinni dauðu náttúru í lif. Sífellt skapa þær
lífræn verðmæti úr ólífrænum efnum. Þær matreiða úr loftinu
mjölvi og breyta steinum i brauð.“ — Annar kaflinn, nærri helm-
ingur bókarinnar, er um líf jurtanna. Átta næstu kaflar eru um
jurtasöfnun, nafngreiningu og ákvörðun jurta, þurrkun þeirra,
upplímingu og niðurröðun í jurtasafn, gróðurathuganir, jurtir og
skordýr og nauðsynlegustu söfnunartækin. Síðast í bókinni er
sýnishorn vinnuskrár í grasafræði. í bókinni eru 65 tölusettar
myndir. Geir fylgir þar venjulegri niðurröðun visindarita i þess-
ari grein. Hann byrjar á einföldustu jurtunum. Hverri mynd fylgir
smáletursgrein, þar sem getið er um fundarstað jurtarinnar, hve-
nær hún verður fullþroska og hvaða' hæð hún hefir þá náð.
Bókin mun ná mikilli útbreiðslu i eldri bekkjum barnaskólanna,
En þá vantar ennþá handhæga hók handa yngri bekkjunum.
Hannes M. Þórðarson.
L. G. Sjöholm: Andri litli á sumarferðalagi. Rvik, 1936.
Þýðandi og útgefandi ísak Jónsson.
Andri litli á vetrarferðalagi eftir sama höf., kom út i fyrra.
Báðar þessar bækur eru i senn ágætar lesbækur og kennslu-
bækur í átthagafræði. Hljóta þær að verða kærkomnar, bæði
skólum og heimilum.
Viðar. Ársrit íslenzkra héraðsskóla, er nýkomið út. Ritstjóri
Þóroddur Guðmundsson frá Sandi. Ritið er um 200 bls., prýtt
myndum og prentað á góðan pappír. Flytur það margar góðar
greinar, bæði um héraðsskólamál og uppeldismál almennt. Ritið
á erindi til allra, einkum kennara.
Dvöl, Reykjavík. Mánaðarrit til fróðleiks og skemmtunar. Sept.
—okt. 1936. Dvöl er mjög fjölbreytt að efni. Flytur sögur og