Menntamál - 01.11.1947, Side 7

MENNTAMÁL
133
séra Stefáni á Völlum í Svarfaðardal um sumarið, en með
hausti hóf hann farkennslu í Arnarneshreppi og byrjaði
hana í Hrísey. Margt vantaði af áhöldum og þægindum,
en nemendurnir bættu það upp með óbilandi áhuga og
dugnaði. Hinn 30. desember, þennan fyrsta kennsluvetur
sinn eftir útivistina, gekkst hann fyrir stofnun Ung-
mennafélags Svarfdæla og var formaður þess jafnan síðan,
meðan hann var í dalnum. Um starf Snorra í þágu félags-
ins segir einn af elztu ungmennafélögunum, sem þá voru
með honum í stjórn, Sig. P. Jónsson, útgerðarmaður á
Dalvík, í Minningarriti U. M. F. í., bls. 323:
„Átti Sn. Sigfússon frumkvæðið að félagsstofnuninni,
var formaður þess fyrstu tvö árin, og má fullyrða, að þar
hafi félagið átt sinn ötulasta forystumann, er bar hag
félagsins fyrir brjósti í hvívetna, og mun það ekki oflof,
að hann hafi þá þegar sáð sumum þeim fræjum, sem enn
í dag bera ávöxt innan félagsins."
En þetta er ritað 1937.
Það hafði alltaf verið ásetningur Snorra, að starfa í
Svarfaðardalnum, er hann kæmi úr utanförinni, ef þess
yrði kostur. En um það leyti, er hann kom heim, var verið
að koma hinum nýju fræðslulögum í framkvæmd, og voru
barnakennarar ráðnir í dalnum. Þá snéri Snorri sér að því
að koma á fót þar og í tveimur nærsveitunum unglinga-
farskóla eftir finnskri fyrirmynd og fékk reglugerð fyrir
hann staðfesta af Stjórnarráðinu. Skólinn hóf starf sitt
haustið 1910. Var kennt á fjórum stöðum, tveimur í Svarf-
aðardal, einum í Arnarneshreppi og einum í Ólafsfirði.
Kennt var vikutíma á hverjum stað, en nemendurnir, pilt-
ar og stúlkur, voru milli 10 og 20. Sumir þeirra fylgdu
skólastjóranum eftir frá einum kennslustaðnum til annars,
aðrir ekki. Hverri kennsluumferð lauk með sameiginlegum
fundi fyrir alla nemendurna. Auk þess hafði allur almenn-
mgur aðgang að fundunum. Þar voru fyrirlestrar fluttir,
bæði af skólastjóra og öðrum mætum mönnum, sem til þess