Menntamál - 01.11.1947, Blaðsíða 22

148
MENNTAMÁL
bæði börnum og fullorðnum. Þessa blaðaútgáfu hófu þau
að tilstuðlan skólastjóra 1981 með blaðinu „Unglingi“,
sem kom út í mörg ár. Síðan hafa fleiri blöð komið út og
sum þeirra margföld og allskrautleg.
Eins og fyrr getur, tók Snorri upp þá nýjung á Flat-
eyri að láta börnin halda skemmtisamlcomu fyrir almenn-
ing einu sinni á vetri. Þetta var eins konar prófraun á
getu þeirra og háttprýði. Á Akureyri byrjaði hann á þessu
1932. Urðu þá spár sumra svipaðar þeim, er komið höfðu
fram á Flateyri: að allt mundi fara í handaskolum fyrir
krökkunum. Reyndin varð nú sú á Akureyri, að samkoman
tókst hið bezta og varð þá, og hefur jafnan verið á þessum
samkomum, húsfyllir í 3—4 skipti. Hafa þessar ársskemmt-
anir barna hlotið ágæta dóma bæjarbúa og annarra, er
séð hafa. Öllum ágóða er varið til ferðalaga þeirra, er
fullnaðarprófsbörn fara sama vorið, og þau hverfa að fullu
úr skóla. Þessar ársskemmtanir hafa síðan fjölmargir
skólar tekið upp, en upphafsmaður mun Snorri hafa verið
þar, eins og víðar.
Lýsisneyzla skólabarna á og rætur að rekja til hug-
kvæmni Snorra og árvekni. Var byrjað á því að gefa börn-
um lýsi við Akureyrarbarnaskólann 1932, en fjölmargir
aðrir skólar hafa síðan farið að dæmi hans. Var með þess-
ari nýjung stigið merkilegt og mikilvægt spor, er vakið
hefur athygli erlendra skólamanna og Islendingar hlotið
lof fyrir. Munu og engir, sem reynt hafa lýsisgjafirnar og
athugað áhrif þeirra á börnin, efast um hollustu þeirra
og heilsubót.
Þá hefur Akureyrarbarnaskólinn verið hinn eini skóli
svo kunnugt sé, sem unnið hefur úr mælingum barna í tug
ára, samið um þær skýrslur og ritað um niðurstöður þeirra.
Sami skóli mun og hafa verið meðal fyrstu skóla, sem
tóku upp vinnubóka-lcennslu. Árið 1932 var Snorri um
tíma í Helsingborg í Svíþjóð og kynnti sér þar vinnu-
bókakennslu í Nörrehedeskolen, sem þá þótti einna beztur