Menntamál - 01.11.1947, Side 31

MENNTAMÁL
157
is. Var þá ekki beðið lengur, en hafizt handa haustið
1941 og ráðnir 4 velmetnir og landskunnir kennarar til
námstjóra-starfsins. Einn þeirra var Snorri Sigfússon,
skólastjóri, og var hann námstjóri norðan lands.
Eins og að líkindum lætur, lagði Snorri út í starf þetta
glaður og reifur og fullur áhuga og trúar á gildi þess.
Kom sér nú vel fyrir hann, að hafa starfað í öllum flokk-
um barnaskóla og hafa með þeim hætti aflað sér glöggrar
þekkingar á því, hvers einkum væri vant, bæði í hinum
smærri og stærri verkahring.
Á skólaárinu 1941—1942 fór hann um þrjár sýslur og
kom í hvert skólahérað nema Grímsey og hafði þó jafn-
framt á hendi aðalstjórn skólans á Akureyri. Var þetta
geysimikið verk og furða að hann skyldi geta annað því,
enda varð hann að fara hratt yfir eftirlitssvæðið, en
fylgdi þó alltaf áætlun sinni með því að starfa í skólunum
á daginn, en ferðast á kvöldin og ósjaldan fram á nætur,
því að barnaskólinn á Akureyri og starfið þar rak á eftir.
Þennan vetur gekk hann t. d. tvívegis hina háu Tungu-
heiði og varð sömuleiðis að fara fótgangandi yfir Öxna-
dalsheiði og Vaðlaheiði vegna ófærðar. En eftir þennan
vetur hefur hann jafnan haft meiri og minni afskipti af
námstjórn nyrðra, nema veturinn, sem Friðrik Hjartar
skólastjóri á Akranesi, hafði hana á höndum. En hér eftir
mun Snorri helga henni krafta sína alla og óskipta.
í skýrslu, sem hann sendi fræðslumálastjóra, eftir þetta
fyrsta námstjórnarár, segir svo meðal annars:
,,Þá er ég hafði lofað að taka að mér eftirlit með barna-
fræðslunni hér norðanlands, þótti mér einsætt að hafa tal
af sem flestum kennurum áður en kennsla byrjaði s. 1.
haust. Hóf ég því ferð um svæðið í september til viðtals
við kennara og skólanefndir eftir því, sem við varð kom-
ið. Umræðuefnið var:
1. Tilgangur eftirlitsins og námstjórnarinnar og vænt-
anlegar framkvæmdir í vetur.