Menntamál - 01.04.1956, Side 31

MENNTAMÁL
25
lesefni fyrir nemendur 1. og 2. bekkjar barnaskóla til við-
bótar því, sem skólinn hefur upp á að bjóða. Bókunum
hefur verið skipað í flokka. 1 því sambandi hefur verið
stuðzt við samtals 10 aðaleinkenni, svo sem þyngdarstig,
orðaforða, ytra útlit — sér í lagi prentun — lengd lín-
anna, skipun setninganna o. fl. Einnig hefur því verið
gefinn gaumur, hvort bókin vekur áhuga barnanna á þessu
aldursstigi.
Fimm byrjendabækur í þýzku hafa verið athugaðar og
orðteknar. í ljós kom mikill munur á gerð bókanna m. a.
hvað þyngd snertir og fleira, sem nytsamlegt er að kynna
sér, áður en kennslubók er valin eða ný gefin út.
Orðaforöi skólabarna hefur verið kannaður. Talin hafa
verið 582.159 orð úr rösklega 10 þúsund stílum um sjálf-
valið efni eftir börn á aldrinum 9—14 ára víðsvegar að
í Danmörku. Bók hefur verið gefin út til yfirlits yfir rann-
sókn þessa, þar sem tekin er til athugunar tíðni 5001 orðs.
Meðal þess athyglisverðasta, sem rannsóknin leiddi í ljós,
er, að 10 algengustu orðin nema 25,98% af heildartölu
orðanna og 100 algengustu orðin nema 63,09% af heild-
artölunni. Ætlunin er að færa sér niðurstöður þessarar
rannsóknar í nyt við endurskoðun á orðalistum, sem not-
aðir eru við kennslu í réttritun.
Á undanförnum árum hefur lesblinda eða orðblinda
(dyslexi) meira og meira dregið að sér athygli uppeldis- og
sálfræðinga. í Danmörku njóta nú fleiri börn viðbótar-
kennslu eða sérstakrar kennslu vegna lesblindu, heldur
en vegna tornæmis. Víða fá 3—5% barnanna sérstaka
kennslu vegna lesblindu.
Það eru skiptar skoðanir um, hvernig ber að skilgreina
orðið lesblinda. Þetta kom greinilega fram á norrænu
móti sérfræðinga á þessu sviði, sem haldið var í Kaup-
mannahöfn í ágúst 1954. Annars vegar hélt yfirlæknir-
inn dr. med. Knud Hermann því fram, að hér væri um