Menntamál - 01.04.1956, Síða 89

menntamál
88
1 Bandaríkjunum er kennarinn ekki embættismaður
ríkisins og hefur þar af leiðandi ekki réttindi til eftir-
launa. Launin eru lág miðað við aðrar stéttir, t. d. eru
byrjunarlaun kennara í New York-fylki, en þar eru þau
hæst, 3450 dollarar á ári, en bílstjórar á stórum vöru-
flutningabifreiðum hafa aftur 4410 dollara á ári. Verður
ekki hægt að bæta úr kennaraþörfinni á næstu tíu árum
svo nokkru nemi, án þess að hækka verulega laun kennara
og tryggja þeim eftirlaun. Á sama tíma verður að sjá
fyrir um milljón nýjum skólastofum, svo að fyrir nýja
skóla verður að hafa handbært um 30 milljarða dollara,
ef reiknað er með því, að hver skólastofa með kennslu-
tækjum kosti 30000 dollara.
Marka má af eftirfarandi upplýsingum frá fræðslu-
og uppeldismáladeild hersins, hve fjöldi hinna ólæsu og
óskrifandi er orðinn geigvænlegur, en þar segir, að á
tímabilinu frá marz 1954 til september 1955 — eða á
átján mánuðum — hafi verið innritaðir hvorki meira né
minna en 17118 nýliðar, (eða heil herdeild) sem hvorki
kunnu að lesa né skrifa, og varð áðurnefnd fræðslu- og
uppeldismáladeild að láta gefa út sérstakt stafrófskver,
„Nýliðar læra að lesa“, til þess að unnt væri að kenna
þessum mönnum undirstöðuatriði í lestri og skrift.
Forstjóri kjarnorkumálanefndar Bandaríkjanna, Lewis
L. Strauss, hefur lagt áherzlu á, hve ástandið í skólamál-
unum geti haft alvarlegar afleiðingar fyrir herinn, þar sem
þörfin fyrir stærðfræðinga, eðlisfræðinga og efnafræð-
inga fer sífellt vaxandi, og hafði hann áður látið fara
fram athugun á kennslu þessara námsgreina við æðri
skóla. Athugun þessi leiddi í ljós, að í 53 skólum af hverj-
um hundrað var engin eðlisfræði kennd, og í 50 af hundr-
að engin efnafræði. Þar við bættist, að 250000 nemendum
er kennd stærðfræði af kennurum, sem ekki eru hæfir
til þess, og 400000 nemendur njóta eðlisfræðikennslu hjá
sams konar kennurum. Höfuðorsökin til þessa er sú, að