Menntamál - 01.04.1960, Blaðsíða 77
menntamál
63
oddviti þessara óbundnu samtaka, meðan ekki væri nánar
ákveðið um skipulag þeirra. Varð Ármann við þeirri ósk
og kvaddi Þóri Þórðarson til að vera ritari.
Þorbjörn Sigurgeirsson rakti hvað Rannsóknarráð rík-
isins hefði gert til að undirbúa stofnun vísindasjóðs, en
Þorbjörn var framkvæmdastjóri þess.
Fyrir fund þennan höfðu samtökin átt viðræður við
Björn Sigurðsson dr. med. Hann var þá formaður Rann-
sóknarráðs ríkisins. Hafði rannsóknarráðið beitt sér fyrir
því, að undirbúin yrði lagasetning um stofnun vísinda-
sjóðs til styrktar raunvísindum. Björn heitinn var frum-
kvöðull þess verks. Rannsóknarráðið ræddi fyrst um
stofnun slíks sjóðs á fundi 13. nóvember 1953, en í nóv-
ember 1954 ákvað það að skrifa ríkisstjórninni um
málið. Mun rannsóknraráð hafa verið einhuga um stofn-
un sjóðsins, en fyrir því vakti að stofna sjóð í þágu
raunvísinda. Björn ritaði um málið í Stúdentablaðið 1.
desember 1955, og rek ég mikilvægan þátt hans að stofn-
un vísindasjóðsins ekki hér að öðru leyti. En fyrir því
ræddu samtökin við hann, að þau töldu æskilegt að sam-
eina átök þeirra aðila, er áhuga hefðu á stofnun vísinda-
sjóðs, og álitu þau, að allar viðurkenndar vísindagreinar
skyldu bærar að njóta styrks úr honum, hvort heldur væri
raunvísindi eða hugvísindi.
Á fundi þessum skiluðu nefndir álitum. Skipulagsnefnd
lagði m. a. til, að stofnað yrði félag til eflingar íslenzkri
vísindastarfsemi. Gæti hver gengið í það, sem áhuga
hefði á eflingu vísinda, en fulltrúum ýmissa vísindastofn-
ana skyldi falið að sjá um styrkveitingar. Þá var og ætl-
azt til, að sjóðsstjórnin skiptist í deildir eftir vísinda-
greinum. Símon Jóh. Ágústsson hafði orð fyrir skipulags-
nefnd.
Fjáröflunar- og laganefnd hafði m. a. kannað þessar
leiðir frá fjárhagslegu og lagalegu sjónarmiði: Fjársöfn-
un fyrsta desember eða annan dag, happdrætti, aðild að