Menntamál - 01.08.1966, Side 10
96
MENNTAMÁL
Námskerfi okkar og próftilhögun gerir það freistandi fyrir
kennara að leggja höfuðáherzlu á einfalda handavinnu, en
með því bregðast þeir skyldu sinni. Ég held, að það sé
mjög athugandi að gera mismunandi kröfur til mismunandi
greindra eða þroskaðra nemenda. Það ætti ekki að þurfa
að koma í veg fyrir, að seinþroska nemendur vinni sig upp.
Of litlar kröfur til góðra nemenda og of miklar til lélegra
er hvorttveggja slæmt. Ég get ekki talið það neitt „réttlæti"
að koma inn námsleiða hjá betri nemendunum, en troða
niður þá lélegri. Það eru fleiri slíkar „réttlætisskoðanir",
sem tröllríða námskerfi okkar.
3. í núverandi námsbókum er nokkuð mikið um slæm-
ar reikningslistir. Sem dæmi má nefna, að einingareikning-
urinn er mjög slæmur. Aðferðin til að breyta einingum
(Nafnabreytingar), sem kennd er í reikningsbók E.B. og
K.S., er frekleg misþyrming á jafnaðarmerkinu. Þar er til
dæmis kennt að breyta 2 m (metrum) í cm með því að
skrifa:
2 m • 100 = 200 cm (þ. e. m = cm!!).
Hér á auðvitað að skrifa:
2 m = 2 • 100 cm = 200 cm.
Hlutfallareikningurinn er bein móðgun við heilbrigða
skynsemi í því formi, sem hann er kenndur. Þríliðan er
nú að vísu þægileg kennsluaðferð. Það eru alltaf viss lík-
incli til að nemendur setji rétt upp á strikið, og þríliðudæmi
hafa viss einkenni, sem fara að valda þeim ósjálfráðu við-
brögðum nemenda, að þeir teikna eftirfarandi: x =--------.
Hins vegar tryggir notkun þríliðunnar svo til, að nem-
endur hafa ekki hugmynd um, hvað þeir eru að gera og
hafa enga aðstöðu til að dæma um, hvort raunverulega sé
rétt að nota þríliðu. Samkvæmt minni reynslu ætti eftir-
farandi dæmi ekki að valda þríliðumeisturum miklum erfið-
leikum:
Marz er 680 daga að fara einn hring umhverfis sólu