Almanak Ólafs S. Thorgeirssonar - 01.01.1947, Side 43

ALMANAK
45
mörgu annara, sem átt hafa samleið með þeim, eða kynnst
þeim eitthvað verulega með öðrum hætti.
Lýsti það sér fagurlega og eftirminnilega, þá er gull-
brúðícaup þeirra var hátíðlegt haldið að heimili þeirra í
Upham, N. Dakota, og í kirkjunni þar, þ. 26. júní 1938.
Var það sérstaklega virðulegt og ánægjulegt hátíðahald,
og mjög fjölmennt, bæði af íslenzkum ættingjum þeirra
og vinum og hérlendu vinafólki. Voru þau gullbrúð-
kaupshjónin hyllt í mörgum ræðum og snjöllum, þökkuð
margháttuð og víðtæk starfsemi þeirra, manndómur og
drenglund, og sæmd góðum gjöfum. Þá bárust þeim og
samfagnaðar- og heillaóskaskeyti víðsvegar að, og bar
þetta allt því órækastan vottinn, hve mikil og djúp ítök
þau eiga í hugum samferðasveitarinnar nær og fjær. Með-
al annars var lesið upp í gullbrúðkaupinu eftirfarandi
kvæði eftir höfund þessarar greinar og þykir honum vel
sæma að hafa það að niðurlagsorðum hennar:
Heillaríkrar hálfrar aldar ljómi
himinbjarma vefur ykkar sali,
þennan gullna dag, er glöðum rómi
gamlar raddir óma, líkt og hjali
sumarblær við blóm á mildu kveldi,
bjart og hlýtt í minninganna veldi.
Vinir fagna förnum yfn árum.
Fögur hlær við augum hðna tíðin,
sigurrík, þó syrti stundum hríðin,
sykkju vonarskip á úfnum bárum.
Skýrast nú í skuggsjá hálfrar aldar
skörulegar dáðir—mörgum faldar.