Almanak Ólafs S. Thorgeirssonar - 01.01.1947, Side 48

50
ÓLAFUR S. THORGEIRSSON:
bjó þar til æfiloka. Hann var vinsæll maður og vel látinn.
Jón Líndal var þá 15 ára. Hann vann hjá föður sínum
fyrstu árin og á ýmsum stöðum. Hann nam land skammt
fyrir norðan þar sem Lundar bær er nú, en flutti aldrei
á það. Nokkru síðar keypti hann land vestur af Lundar
og reisti þar bú, með litlum efnum; þar hefir hann búið
síðan.
Kona Jóns Líndals heitir Soffía Jónsdóttir Þorsteins-
sonar. Hún er fædd á Isafirði 27. júlí 1877. Móðir henn-
ar hét Konkordía Rósinkransdóttir. Hana sá hún aldrei,
svo hún muni, því foreldrar hennar bjuggu aldrei saman.
(Ætt þessara hjóna verður ekki rakin hér, því enginn er
nú hér í nánd, sem gæti leiðbeint í þá átt. Þau voru bæði
svo ung, er þau fóru að heiman, að ekki er von, að þau
muni ættfærslu. Þó má geta þess, að nýlega hefi eg frétt,
að Jón Þorsteinsson faðir Soffíu væri enn á lífi og vel
metinn maður vestur við haf, nú um 90 ára).
Soffía ólst upp hjá afabróður sínum í föðurætt, Sölva
Þorsteinssyni á Isafirði, þar til hún var 15 ára. Þá fór hún
til föður síns, sem þá var giftur, og með honum til Canada
sama ár, 1892. Leiðir þeirra skildu í Winnipeg. Hann fór
lengra vestur í land, hún varð eftir í Winnipeg og vann
þai' í vistum um tíma, en fluttist þaðan til Lundar með
Halldóri Halldórssyni, sem þá var póstafgreiðslumaður á
Lundar, en sveitungi hennar að fornu fari. Þar kynntist
hún Jóni Líndal.
Þau giftust 31. okt .1895 og byrjuðu búskap með litl-
um efnum og litla lífsreynslu, hann 22 ára en hún 18. ára.
Þó mun Jón ekki hafa verið peningalaus eftir sjö ára
vinnu, því margs þarf frumbýlingurinn við, sem kaupa
þarf. Hann hafði líka keypt landið á þeim árum, en
ódýrt mun Jjað hafa verið. Hann byrjaði á verzlun snem-
ma á árum, þótt smá væri í fyrstu. Það kom brátt í Ijós,
að hjá þessum hjónum unnu saman hugur og hendur í
beztu einingu. Víst höfðu þau við örðugleika að stríða,