Kirkjuritið - 01.06.1963, Blaðsíða 16

Kirkjuritið - 01.06.1963, Blaðsíða 16
254 KIRKJURITID hann ekki varizt því að finna til lotningar fyrir öllu lífi* bæði sínu og annarra, og staðfesta það í verki, í þjónustu alls lífs. Fyrir vikið verður honum lífið fyrirhafnarsamara á alla Iund, en það liefði orðið, ef Iiann aðeins hugsaði um sjálfan sig. En jafnframt verður það auðugra, fegurra og far- sælla. Það verður meira en það eitt að draga fram lífið. Það verður auðugt af lífsreynslu. Byrji menn að hugsa fyrir alvöru um lífið og alheiminn, leiðir það beint og raunar ómótstæðilega til lotningar fyrir lífinu. Slík hugsun getur ekki leitt til annarrar niðurstöðu. Óski slíkur maður eigi að síður þess eingöngu að draga fram sitt eigið vesæla líf, þá getur hann það því aðeins, að gefa sig hugsunarleysinu á vald og heimska þannig sjálfan sig. Haldi hann hins vegar áfram að hugsa um rök lífsins, getur hann ekki komizt að annarri niðurstöðu en lotningu fyrir lífinu. Sérhver hugsunarháttur, þar sem menn láta leiðast til efa- sýki eða þeirrar skoðunar, að lífið sé án siðrænna hugsjóna, ber ekki vott um hugsun heldur skort á hugsun, sem sann- ast bezt af því, að maður er þá ósnortinn af leyndardómum lífsins og tilverunnar. 1 lotningu fyrir lífinu felst þetta þrennt: Undirgefnin, við- urkenning á gildi lífsins og tilverunnar og siðgæðið. En þetta eru þrír meginþættir alhliða heimsskoðunar, samantvinnaðir í hugsun manns. Fram að þessu hafa verið til margar heimsskoðanir byggð- ar á undirgefni, aðrar reistar á viðurkenningu á gildi lífsins og tilverunnar, og enn aðrar, sem hafa reynt að samrýmast kröfum siðgæðisins. En engin þeirra hefur reynzt fær uni að sameina þetta allt saman. Slíkt er aðeins unnt á þann veg, að litið sé á þessa þrjá meginþætti þannig, að þeir séu óaðskiljanlega samofnir þeirri heimsskoðun sem byggir á lotn- ingu fyrir lífinu og heyri henni til. Undirgefnin og viður- kenning á gildi lífsins og tilverunnar geta ekki staðizt sérstök út af fyrir sig við hlið siðgæðisins, heldur eru nokkurs konar undirhljómur þess. Siðgæði lotningarinnar fyrir lífinu, á upptök sín í raun- hæfri hugsun og knýr manninn til viðurkenningar í því raun- hæfa og til þess að hafa það stöðugt fyrir augum.

x

Kirkjuritið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Kirkjuritið
https://timarit.is/publication/443

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.