Uppeldi og menntun - 01.01.2002, Blaðsíða 132

„ E G VAR SJO ARA ÞEGAR EG AKVAÐ A Ð VERÐA KENNAR
LÍFSSAGA OG UPPELDISSÝN ÖNNU
Hvers vegna gerist Anna kennari?
Anna Arnardóttir ákveður strax á unga aldri að verða kennari og kvikar aldrei frá
þeirri ákvörðun. Því verður að líta svo á að það sé köllun hennar að gerast kennari.
Hún segir:
Ég var sjö ára þegar ég ákvað að verða kennari. Fyrsti kennarinn minn
hafði þessi áhrif á mig. Ég gleymi henni ekki, hún var svona blíð og
nærgætin í samskiptum sínum við börnin. Þetta varð til þess að dúkku-
leikirnir mínir snerust um það að dúkkurnar voru nemendur og ég var
að kenna við skrifborðið mitt. Það voru alveg heilu tímarnir sem að fóru
í þessar kennslustundir.
Hér vísar Anna til eigin reynslu er hún hóf nám í grunnskóla. Kynni Önnu af viðkom-
andi kennara voru þó mjög stutt. Ári eftir að Anna hóf skólagöngu var hún færð í
annan getumeiri bekk og fékk þá nýjan kennara sem kenndi henni næstu fimm ár, allt
til loka barnaskólans. Kennsluaðferðir hans voru ólíkar því sem hún hafði áður
kynnst og hugnuðust Önnu ekki.
Athyglisvert er að óánægja hennar með aðferðir seinni barnaskólakennarans
breytti engu um þá ákvörðun hennar að gerast kennari. Hún segir sjálf: „Eftir að e'g
fékk svona góða fyrirmynd ífyrsta kennaranum þá sá ég ekkert annað. Aðrir kennarar urðu
ekki til þess að breyta því." Þótt Anna segi grunnskólagönguna í heild hafa verið á-
nægjulega og að sér hafi liðið vel er ljóst að hún hefur á stundum tekið nærri sér
hvernig kennari mismunaði nemendum að henni fannst og haft þannig skilning á líð-
an samnemenda sinna.
Þrátt fyrir að fyrsti kennari Önnu hefði þau áhrif á hana að hún vildi gerast kenn-
ari segir hún hann ekki hafa verið henni bein fyrirmynd eftir að hún hóf sjálf að starfa
við kennslu. Þó er athyglisvert að blíða og nærgætni í samskiptum við nemendur eru
einkennandi fyrir hann líkt og þá kennara sem Anna síðar tekur sér til fyrirmyndar.
Aðferðir seinni kennarans í barnaskóla telur hún fremur hafa verið sér víti til varn-
aðar.
Hvað telur Anna að hafi mótað sig sem kennara?
Athygli vakti að strax í fyrsta viðtalinu hafði Anna frumkvæði að því að tengja hug-
myndir sínar um kennslustarfið við lífssögu sína. Með öðrum orðum, hún vísaði sjálf
til einstakra atburða úr lífi sínu sem hún taldi hafa haft áhrif á uppeldissýn sína áður
en hún var spurð út í þau tengsl.
í viðtölum við hana kom fram hvað hún telur hafa haft mest áhrif á það hvernig
kennari hún er í dag. Hún segir: „Það er bæði þessi 27 ára reynsla sem kennari og svo það
sem maður kemur með úr föðurgarði. Það er það sem ég hefhaft að leiðarljósi í starfi." í 2.
töflu koma nánar fram helstu þættir sem dregnir voru fram þegar rætt var um hvað
hefði mótað hana sem kennara.
Hvernig telur Anna bernskuna hafa mótað sig sem kennara? Faðir Önnu fellur frá
130