Uppeldi og menntun - 01.01.2002, Blaðsíða 136

„ E G VAR SJO ARA ÞEGAR E G AKVAÐ A Ð VERÐA KENNARI"
í stuttu máli má segja að Anna eigi auðvelt með að tengja einstaka atburði úr bernsku
sinni, bæði úr uppeldi og skólagöngu, því hvernig kennari hún er í dag. Sama gildir
um reynslu hennar í kennarastarfinu. Hún fer í huganum yfir kennsluferil sinn og
stoppar við þau atriði sem henni finnst hafa orðið til þess að kennslan hafi tekið var-
anlegum breytingum. Með hliðsjón af efnisflokknum lífssaga í 1. töflu og þeirri að-
greiningu sem þar kemur fram er ljóst að Anna tengir einstök atvik lífssögu sinnar
mjög skýrt þeirri sýn sem hún hefur á starf sitt. Hún er afar meðvituð um þau tengsl
og hefur ígrundað starf sitt í víðu samhengi.
Hvað telur Anna mestu skipta í starfi með nemendum?
Hver eru markmið Onnu í kennslu?
Þegar Anna var innt eftir því hvað það væri sem hún teldi mestu máli skipta í grunn-
skólanámi hvers nemanda kom hún strax að þáttum sem tengjast persónu- og félags-
þroska. Hún segir: „... að stuöla almennt að vellíðan barnanna og að pau virði hvert ann-
að ístarfi og leik." Hún bætir við: „Markmiðið er að nemendur þjálfist ísamskiptum og
geti unnið með öðrum. Og geti enn fremur aflað se'r þekkingar og nýtt hana." í 3. töflu má
sjá yfirlit um þau þemu sem fram koma hjá Önnu í tengslum við markmið hennar og
kennsluaðferðir. Jákvæð sjálfsmynd, góð samskiptahæfni og gagnkvæm virðing eru
þættir sem mynda rauða þræði í allri umfjöllun hennar um starf með nemendum og
ljóst að hún telur þessa þætti öðrum mikilvægari.
Um mikilvægi jákvæðrar sjálfsmyndar segir Anna m.a:
Til þess að stuðla að betri líðan og líka að barninu farnist vel, að það sé
sátt við sjálft sig. í öllum nemendahópum eru einstaklingar sem þurfa
virkilega á þessari styrkingu að halda. Að styðja við bakið á barninu
þannig að það fái jákvæða sjálfsmynd.
Um mikilvægi virðingar segir Anna m.a:
Það skiptir miklu að börnin læri áð virða hvert annað og um leið sig
sjálf. Þau verða að læra að virða annað fólk til þess að geta átt árangurs-
rík samskipti. Það skiptir líka miklu máli fyrir sjálfsvirðingu þeirra og
sjálfsmynd að þau sýni hvert öðru virðingu.
Um mikilvægi samskiptahæfni segir hún m.a:
Jú, það hlýtur að skipta sköpum að geta fundið sér farsæla braut í líf-
inu, að geta rætt um málin og skoðað þau frá fleiri en einni hlið og bætt
félagsleg samskipti. Þannig ættum við meiri möguleika á að spjara okk-
ur í lífinu. Ég held að þetta skipti sköpum.
í markmiðum Önnu sjáum við hve hún horfir til framtíðar barnanna. Samskipta-
hæfnin er mikilvæg fyrir farsæld hvers einstaklings „þegar viðförum út í lífið að spjara
okkur sjálf." Sjálfsmyndin er mikilvæg fyrir líðan okkar en hefur líka áhrif á hvernig
134