Tímarit lögfræðinga - 01.06.1972, Qupperneq 14
nýmastarf líkamans er eðliiegt. Hins vegar verði alltaf
að bæta missi fingurgóms á þeirri forsendu, að maður
geti ekki notað fingurgóm, sem hann sé búinn að missa,
og verði þess var við hvert handtak sitt.
Sums staðar hefur þróunin þó gengið í þá átt að reyna
að sameina þessi tvö sjónarmið og taka fyrst og fremst
tillit til þess læknisfræðilega missis, sem um er að ræða,
en taka einnig tillit til tekjuöflunarhæfni til hækkunar
eða lækkunar, eftir því sem við hefur átt. Einkum hafa
Norðmenn farið eigin leiðir í þessurn efnum og tekið upp
þær reglur að miða fyrst og fremst við tekjuöflunarget-
una. Sem dæmi um þessar breytingar hjá Norðmönnum
vil ég taka eitt dæmi. Sjómaður dettur niður í lest á skipi
sínu, hann brotnar á hrjrgg og lamast frá mitti. Hann
getur ekki unnið sem sjómaður framar. Eftir dvöl á end-
urhæfingarstöð lærir hann úrsmíði, og meðan hann fær
þá skólun, fær hann fullar bætur miðað við 100% örorku.
Að loknu námi fær liann vinnu sem úrsmiður og getur
unnið sér inn sömu laun og vinnufélagar hans. Hér er um
það að ræða að meta annars vegar 100% örorku, ef litið
er á hreint læknisfræðilegt sjónannið, en örorkan er lítil
sem engin, ef að meta á þetta frá tekjuöflunarsjónarmið-
inu. I Noregi hefur þetta mál til skamms tíma verið leyst
þannig, að maðurinn fær fyrst 100% örorku, meðan hann
er að komast til starfa, en síðan 50% örorku á þeirri for-
sendu, að um sé að ræða svo mikil og veruleg meiðsli, að
maðurinn hafi af þvi stöðug óþægindi og auk þess þurfi
hann að hafa einhvern styrk fram yfir aðra, vegna þess
að hann þurfi sérstaka hjálp og t. d. bíl. Ég held, að á
öðrum Norðurlöndum en í Noregi hefði þessum manni
verið rnetin 75 eða 100%, hvað sem vinnugetu hans til
nýs starfs hefði liðið. Annað dæmi um framkvæmd þess-
ara norsku ákvæða vil ég nefna. Hafnarverkamaður, sem
hafði unnið starf sitt i 20 ár, varð fyrir óverulegum áverka
á legg. Upp úr þessu fékk hann fótasár. sem ekki greri.
Læknar töldu, að maðurinn ætti að geta unnið flesta létta
48
Tímarit lögfræðinga