Tímarit lögfræðinga - 01.06.1972, Blaðsíða 43
Það sést á inngangi Mannréttindasáttmála Evrópu, að
hann er samþykktur að gefnu tilefni í Mannréttindayfir-
lýsingu Sameinuðu þjóðanna og ætlað að skapa stofn-
anir, er geti og eigi að koma í framkvæmd þeim hug-
myndum, sem felast í Mannréttindasáttmála Sameinuðu
þjóðanna. Annar megin tilgangurinn er að kveða skýrar
og nókvæmar á um réttindin, sem um er að tefla.
Nokkrar viðbætur hafa verið gerðar við Mannréttinda-
sáttmála Evrópu. Verður hann hér eftir nefndur sáttmál-
inn til hægðarauka.
Fyrsta viðbótin var samþykkt 20/3 1952, fullgilding-
arskjal undirritað 19/6 1953, afhent 29/6 1953. Fullgild-
ingin var auglýst 8/2 1951. Hún fjallar um aukna vernd
eignaréttinda einstaklinga, nám kosningar o. fl.4)
Önnur viðhót var samþykkt 6/5 1963. Þar er Mann-
réttindadómstólnum heimilað að láta uppi álit til skýr-
ingar á ákvæðum sáttmálans, án þess að til máls hafi
komið.5)
Þriðja viðbótin var samþykkt 6/5 1963. Hún hefur
að geyma nokkrar breytingar á starfsreglum Mannrétt-
indanefndarinnar.6)
Fjórða viðbót var samþykkt 16/9 1963. Hún l'jallar
um rétt manna og frelsi til þess að ferðast og velja sér
heimilisfang.7)
Loks var fimmta viðbótin samþykkt 20/1 1966.8)
Hinn 16. nóvember 1967 undirritaði fastafulltrúi Is-
lands hjá Evrópuráðinu 2., 3., 4. og 5. viðaukann og
var fullgildingarskjalið afhent sama dag. sbr. augl. nr.
17. 29. des. 1967. Það fer eftir ákvæðum Iivers samnings
um sig, hve mörg ríki þunfi að fullgilda hann til þess,
að hann verði bindandi að alþjóðalögum. Sáttmálinn
tékk gildi 3. sept. 1957. Fyrsta viðbót 18. maí 1954. Önn-
ur viðbót 21. sept. 1970. Þriðja viðbót 21- sept. 1970.
Fjórða viðbót 2. maí 1968. Fimmta viðbót 20. des. 1971,
enda þurftu öll aðildarríkin að fullgilda hana. Þar er
um að ræða ákvæði um val nefndarmanna og dómara.
Tímarit lögfræðinga
77